2 KORINICA 6
6
Na i Vakatakilakila ni Talatala ni Kalou
1Ia, ena neitou cakacaka vata kei na Kalou, keitou sa vakamasuti kemuni kina mo ni kakua ni vakamaumautaka na lolomasavu ni Kalou o ni sa ciqoma, 2#Aisea 49.8ni sa kaya na Kalou,
“Ena gauna vinaka au a sa rogoci iko;
Ena siga ni veivakabulai au a vukei iko.”
Raica, sai koya oqo na gauna vinaka, ka sai koya oqo na siga ni veivakabulai.
3Keitou sega ni via vakatarabetaka e dua na tamata, me kakua kina ni kune e dua na cala ena neitou cakacaka. 4Keitou sa vakaraitaka ni keitou sai talatala ni Kalou ena veika kece sara keitou cakava. Oqori ena neitou vosota na leqa, na veika dredre kei na veika rarawa. 5#Caka 16.23Keitou a kanakuita, biu ki na valeniveivesu, sota kei ira na i vavakoso era cudruvi keitou, keitou cakacaka vakaukauwa ka viakana. 6Ia keitou sa vakaraitaki keitou ni keitou i talai ni Kalou ena neitou yalosavasava, ena kila-ka, vosota vakadede kei na yalololoma. Sa vu na veika oqo mai na Yalo Tabu, na loloma dina, 7na neitou vosa dina kei na kaukauwa ni Kalou. Sa neitou i yaragi na yalosavasava me keitou ravuravu kina, ka taqomaki keitou talega kina. 8Keitou sa dokai ka beci, vakasewasewani ka vakacaucautaki. Keitou sa okati me dauveivakacalai, ia keitou sa dina tikoga, 9keitou sa sega ni kauwaitaki, ia era sa kilai keitou na tamata. Sa nanumi ni vaka keitou sa mate, ia keitou sa bula tiko. Keitou sa totogitaki, ia keitou sa sega ni vakamatei sara. 10Keitou sa vakararawataki, ia keitou sa dau marau tikoga. Keitou sa dravudravua, ia keitou sa vakavutuniyautaki ira e lewe vuqa; sa sega ni tu vei keitou e dua na ka, ia sa vaka sa tu vei keitou na ka kecega.
11Kemuni na kai Korinica, keitou sa vosa vakasavasava sara ga vei kemuni. Keitou sa dolava talega na yalo i keitou vei kemuni. 12Keitou sa sega ni sogota na yalo i keitou vei kemuni; ia oi kemuni o ni sa sogota ga na yalomuni vei keitou. 13Au sa vosa vei kemuni me vaka o ni sa luvequ; ni vakaraitaka vei keitou na mataqali loloma keitou sa vakayacora vei kemuni. Ni dolava vakalevu na yalomuni.
Na Veivakaroti me Baleta na Vei i Tovo Veivakayarayarataki ni Butobuto
14Ni kakua ni cakacaka vata kei ira na tawa vakabauta. A cava na ka e rau veitokani kina na dodonu kei na tawa dodonu? E rau veitokani vakaevei na rarama kei na butobuto? 15E rau na veiyaloni vakaevei ko Karisito kei na tevoro se a cava e rau tautauvata kina e dua na tamata vakabauta kei na dua e tawa vakabauta? 16#1Kori 3.16; 6.19; Vsoro 26.12; Isi 37.27A cava e rau tautauvata kina na Vale ni Kalou kei na veimatakau? Ni sai keda ga na vale tabu ni Kalou. Me vaka e kaya na Kalou:
“Au na tiko ena lomadra ka lako voli kina;
Au na nodra Kalou ka ra na noqu tamata.
17 #
Aisea 52.11
O koya oqo mo ni qai lako tani mai na kedra maliwa na i valavala ca
Ni lako vakatikitiki mai vei ira, sa kaya na Turaga,
Kakua ni tara na ka tawasavasava;
Au na qai ciqomi kemuni.
18 #
2Samu 7.14; 1Vei 17.13; Aisea 43.6; Jere 31.9 Au na qai yaco me'u tamamuni
O ni na qai luvequ tagane ka luvequ yalewa.
Sa kaya na Turaga kaukauwa.”
Currently Selected:
2 KORINICA 6: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.
