2 KORINICA 4

Sa Vunautaki Karisito o Paula

1Sa solia vei keitou na Kalou na i tavi oqo ena nona yalololoma levu, ia keitou sa sega ni datuvu kina. 2Keitou sa biuta tani na veitovo ni butobuto ka vakamadua, keitou sa sega ni cakacaka vaka i lawaki se vakatanitaka na vosa ni Kalou. Ia na neitou tusanaka vakadodonu na ka dina, keitou sa vakaraitaki keitou yani kina vaka i keitou ki na nodra lewa e loma ena mata ni Kalou. 3Kevaka e laurai ni vunitaki na neitou i tukutuku vinaka, sa vunitaki ga vei ira era sa rusa tiko. 4Sa vakamatabokotaka na nodra vakasama na tamata tawa vakabauta na kalou ni vuravura oqo, me ra kakua kina ni raica na rarama ni Tukutuku Vinaka ni lagilagi i Karisito, o koya na i yaloyalo uasivi duadua ni Kalou. 5Keitou sa sega ni vunautaki keitou ga; keitou sa vunautaka ni sa Turaga ko Karisito, kei keitou na nomuni dauveiqaravi ena vuku i Karisito. 6#Vteki 1.3Ni sai koya ga na Kalou sa kaya: “Sa na cila mai na rarama mai na butobuto,” sai koya talega na Kalou sa vakacilava mai na nona rarama ki na lomada, me kauta mai vei keda na rarama ni kena kilai na i serau ni Kalou ena mata i Karisito.

Na i Yau Vakayalo ena Kuro Qele

7Ia oi keitou sa tu vei keitou na i yau oqo, keitou sa vaka na kuro qele, me vakaraitaki kina ni sa nona na Kalou na kaukauwa levu, ka sega ni neitou. 8Keitou sa dau vakacacani ena ka kecega, ia keitou sega ni vakaleqai sara, keitou dau loma leqa, ia keitou sega ni vakaleqai sara. 9Keitou vakararawataki ia keitou sega ga ni vakanadakui sara. Keitou sa dau mavoa sara vaka ca ena so na gauna, ia keitou sa sega ni vakarusai sara. 10Keitou sa dau colata voli ga ena yago i keitou na mate i Jisu, me laurai talega kina na bula i Jisu ena yago i keitou. 11Dina ga ni keitou bula tiko, keitou sa soli yani me vakamatei ena veigauna kecega ena vuku i Karisito, me vakaraitaki kina na bula i Jisu ena yago i keitou sa na rawa ni vuca. 12Sa cakacaka tiko ena neitou bula na mate, ia na bula sa cakacaka tiko vei kemuni.

13 # Same 116.10 (LXX) Ia sa tu vei keitou na vakabauta. Me vaka sa volai, “Au sa vosa ga baleta ni'u sa vakabauta.” Sa tu talega vei keitou na vakabauta, ka keitou sa vosa vakakina ni keitou sa vakabauta. 14Keitou sa kila ni o koya sa vakaturi Karisito cake tale mai na mate ena vakaturi keitou cake talega kei Jisu, ka kauti keitou vata yani kei kemuni me da tu e matana. 15Sa caka na veika kece oqo ena vukumuni ka na tete tiko yani na lolomasavu ni Kalou me yacovi ira e vuqa vakavuqa na tamata, me levu sara kina na vakavinavinaka me vakalagilagia na Kalou.

Na Bula ena Vakabauta

16Ena vuku ni ka oqo keitou sa sega ni datuvu kina. Kevaka sara mada ga e sa vuca mai na yago ga e sau, sa dauvakavoui na noda bula e loma ena veisiga yadua. 17Na noda rarawa mamada oqo ena kauta mai vei keda e dua na lagilagi vakaitamera ka tawamudu, sa levu cake mai na noda rarawa. 18Ni da sega ni vakaraica tikoga na ka e laurai, ia na ka ga sa sega ni laurai. Na ka sa laurai sa sega ni ka tudei, ia na veika sa sega ni laurai sa ka tudei ka tawamudu.

Currently Selected:

2 KORINICA 4: FNV

Highlight

Copy