1 CESALONAIKA 2

Na Cakacaka i Paula Mai Cesalonaika

1Kemuni na veiwekani, o ni sa kila vinaka ni sa sega ni maumau wale na neitou a la'ki tiko ena kemuni maliwa. 2#Caka 16.19-24; Caka 17.1-9O ni sa kila na neitou a vakararawataki ka vakamaduataki sara mai Filipai ni bera ni keitou yaco yani vei kemuni. E dina ga ni a levu sara na veivorati, ia sa vakayaloqaqataki keitou ga na noda Kalou me keitou tukuna vei kemuni na nona i Tukutuku Vinaka. 3Na neitou i tukutuku ni vakamamasu oqo vei kemuni sa sega ni vakayacori ena i naki vakatani se tawa savasava, se me keitou vakatarabetaka kina e dua. 4Ia keitou sa vunautaka ga me vaka sa vinakata na Kalou, ka ni sa nanuma o koya ni sa ganiti keitou me keitou kauta na i Tukutuku Vinaka. Sa sega ni keitou saga oqo me ra vinakati keitou kina na tamata, na Kalou ga, o koya sa dauvakatovolea na i naki ni lomada. 5Ni o ni sa kila ni keitou a sega ni lako yani vei kemuni ena vosa ni veicavilaki walega, ka sega talega ni tauca e dua na vosa me ubia na yalo kocokoco. Sa neitou i vakadinadina kina na Kalou. 6Keitou sega talega ni vinakata me ra dokai keitou kina na tamata, mai vei kemuni se mai vei ira na tani, 7ka dina ga ni a rawa me keitou vakacolati kemuni ena vuqa na ka, ni keitou sai apositolo i Karisito. Ia keitou sa yalovinaka ga ena kemuni maliwa, me vaka e dua na marama tina sa qarauni ira vinaka na luvena lalai. 8O koya oqo ena vuku ni neitou lomani kemuni, keitou sa sega ni vinakata walega kina me keitou wasea vei kemuni na i Tukutuku Vinaka mai vua na Kalou, ia na neitou bula talega, baleta ni o ni sa rui bibi ka lomani dina sara vei keitou.

Era na Vakararawataki Kemuni na Wekamuni

9O ni na nanuma tiko na veiwekani na neitou cakacaka kei na neitou oga. Keitou a dau cakacaka ena siga kei na bogi me keitou kakua kina ni vakaicolacolataka e dua vei kemuni ena gauna keitou vunautaka tiko kina vei kemuni na i Tukutuku Vinaka ni Kalou.

10O ni sai vakadinadina vata kei na Kalou ena kena savasava, dodonu ka tawa cala na neitou i vakarau ena kemuni maliwa na vakabauta. 11Me vaka o ni kila ni keitou a vaka na tama vei ira na luvena ena neitou a tuberi kemuni yadudua, 12ka vakacegui kemuni ka vakauqeti kemuni mo ni vakarautaka na i vakarau ni bula sa kilikili vua na Kalou, o koya sa kacivi kemuni tiko ki na nona matanitu lagilagi.

13Keitou sa vakavinavinaka talega vua na Kalou ena vuku ni nomuni a ciqoma na vosa ni Kalou o ni rogoca mai vei keitou. Ena nomuni a rogoca ka ciqoma na vosa ni Kalou, o ni sa vakabauta vakaidina ni sa vosa ni Kalou, ka sega ni vosa ga ni tamata; io e nona i tukutuku dina ga na Kalou. Ni sa cakacaka tiko na Kalou ena nomuni bula oi kemuni sa vakabauta. 14#Caka 17.5Sa mani yaco vei kemuni na wekaqu na ka sa yaco vei ira na veisoqosoqo lewenilotu ni Kalou mai Jutia, o ira era sa nei Karisito Jisu. O ni a sotava talega na veivakacacani mai vei ira ga na wekamuni me vakataka na nodra a sota kaya o ira mai vei ira na Jiu. 15#Caka 9.23,29; 13.45,50; 14.2,5,19; 17.5,13; 18.12Sa i ira era a vakamatea na Turaga ko Jisu Karisito kei ira talega na parofita; ka sai ira talega era a vakacacani keitou. Era sa sega ni vinaka vua na Kalou, ka ra sa veicati talega kei ira na tamata kecega! 16Era a tovolea talega me ra tarova na neitou vunau vei ira na kai matanitu tani, me ra vakabulai kina. Ia ena nodra kitaka o ya era sa qai vakacavara vakavinaka sara kina na i valavala ca era a kitaka tiko mai. Ia oqo sa qai yacovi ira sara na cudru ni Kalou!

Na Gagadre i Paula me Sikovi Cesalonaika Tale

17Kemuni na veiwekani, e dina ga ni keitou sa vaka na gone luveniyali ena vuku ni noda a veitawasei vakalekaleka — a sa vakayago ga, ka sega ni vakayalo — keitou sa nanumi kemuni vakalevu ka tovolea vakaukauwa me da veisotari tale ena matana votu! 18Keitou sa via lako yani kina vei kemuni. Oi au mada ga ka'u a tovolea vakavica me'u lesu yani vei kemuni, ia sa vakataotaka ga na neitou i lakolako o Setani. 19Ia me qai cava li na neitou i nuinui, se na ka me keitou rekitaka, se na i sala vakatui me keitou cibitaka ena mata ni noda Turaga ko Jisu ni sa lesu tale mai o koya? 20Sa dina sara, ni sai kemuni ga na vu ni neitou vakacibicibi kei na reki!

Currently Selected:

1 CESALONAIKA 2: FNV

Highlight

Copy