Vakatakila 6

Na Drega e Vitu

1Au a qai raica ni sa cecega na Lami na i matai ni drega e vitu, ka'u sa rogoca mai vua na i matai ni ka bula ni sa kaya cake mai vakaoqo ena domo sa vaka na kurukuru, “Lako mai!” 2#Saka 1.8; 6.3,6Ia ka'u sa raica ni sa tu e mataqu e dua na ose vulavula. A sa taura tu e dua na dakaititi o koya sa vodoka tiko, ka sa soli vua e dua na i sala vakaturaga. A sa lako voli me vaka na sotia qaqa sa guta ga na qaqa.

3A sa qai cecega na Lami na i karua ni drega, au sa rogoca na i karua ni ka bula ni sa kaya vakaoqo, “Lako mai!” 4#Saka 1.8; 6.2A sa qai lako tale mai e dua tale na ose, e roka damudamu. A sa soli vei koya e vodoka tiko me kauta tani mai vuravura na sautu, me ra veivakamatei kina vakai ira na tamata. A sa soli vua na i seleiwau levu.

5 # Saka 6.2,6 A sa qai cecega na i katolu ni drega na Lami, ka'u sa rogoca na i katolu ni ka bula ni kaya vakaoqo, “Lako mai!” Au sa qai raica e dua na ose loaloa ka sa taura tiko e ligana o koya sa vodoka tiko e dua na i vakarau ni bibi. 6Au a rogoca e dua na domo ena kedratou maliwa na veika bula e va, ni sa kaya, “Me i sau ni dua na siga e dua na lita na witi, ka tolu na lita na barile me i sau ni dua na siga. Ia me kua ga ni vakacacani na veiloga ni olive kei na vaini!”

7A sa qai cecega na Lami na i kava ni drega, ka'u sa rogoca ni sa kaya vakaoqo na i kava ni ka bula, “Lako mai!” 8#Isi 14.21Au sa qai raica e dua na ose drokadroka siyawa. Na yaca i koya sa vodoka tiko o Mate, ka sa muri koya tiko o Etesi. Sa soli vei rau me rau lewa na dua na i kava kei vuravura, me rau ia na veivakamatei ena i valu, ena viakana, ena mate ca, kei na manumanu kila kei vuravura.

9A sa qai cecega na Lami na i kalima ni drega. Au sa raica ena ruku ni cabocabonisoro na yalodra sa vakamatei ena vuku ni nodra kacivaka na vosa ni Kalou kei na nodra yalodina ena nodra vakadinadinataki koya. 10Era sa kaci ena domolevu, “Oi kemuni na Turaga kaukauwa, sa yalosavasava ka dina! A cava soti na kena dede mo ni qai ia kina na veilewai vei ira na tamata sa tiko e vuravura ka totogitaki ira ena vuku ni nodra a vakamatei keimami?” 11A sa soli vei ira yadudua na i sulu vulavula, ka sa tukuni vei ira me ra wawa tale mada vakalailai, me yacova ni sa taucoko sara na kedra i wiliwili na nodra i tokani kei ira na wekadra sa vakamatei, me vakataki ira.

12 # Vtaki 11.13; 16.18; Aisea 13.10; Joeli 2.10,31; 3.15; Maciu 24.29; Mari 13.24,25; Luke 21.25 Au sa qai raica ni sa cecega na Lami na i kaono ni drega. A sa yaco e dua na uneune kaukauwa sara, ka sa yaco me butobuto loaloa sara me vaka na i sulu loaloa na matanisiga, ka sa damudamu sara na vula me vaka na dra. 13#Aisea 34.4Era sa qai qeqera ki vuravura na kalokalo ni lomalagi me vaka na vuanilolo vou sa qeqera sobu mai na vuna ni sa kureitaki mai na cagi kaukauwa. 14#Vtaki 16.20A sa takali na lomalagi me vaka ni sa vivigi lesu na i vola vivigi sa dolavi tu, ka ra tosoi tani na veiulunivanua kei na yanuyanu kecega mai na vanua era sa koto kina. 15#Aisea 2.19,21Era sa qai vunitaki ira ena veiqara vatu kei na veiuluvatu ena veiulunivanua o ira na tui kei vuravura, o ira na turaga lelevu kei ira na veiliutaki vakaivalu, o ira na vutuniyau kei ira sa kaukauwa, ka vakakina o ira na bobula kei ira sa sereki. 16#Osea 10.8; Luke 23.30Era sa kacivaka yani ki na veiulunivanua kei na veiuluvatu, “Ni lutuki keimami mai ka vunitaki keimami mai na mata i koya sa dabe tiko ena i tikotiko vakaturaga kei na cudru ni Lami! 17#Joeli 2.11; Mala 3.2Ni sa qai yaco mai oqo na siga dina ni nona cudru, ia o cei ena yatedei me tudei rawa kina?”

Currently Selected:

Vakatakila 6: FNVDC12

Highlight

Copy