Luke Na i Vakamacala Taumada
Na i Vakamacala Taumada
Na i Tukutuku Vinaka sa Vola o Luke e tukuni Jisu ni sai koya na i Vakabula ka a yalataki vei ira na Isireli, ka i Vakabula talega ni tamata kecega. E vakaraitaka o Luke ni a kacivi Jisu na Yalo ni Turaga me vunautaka na i Tukutuku Vinaka vei ira na dravudravua kei ira na vakaloloma, ka ni sinai tale tu ga na i Tukutuku Vinaka o ya ena kena kauwaitaki na tamata kei na veimataqali leqa kecega. E votu vakalevu ena i vola oqo na yalo ni marau kei na reki, vakabibi ena veiwase ni vola ena kena i tekivu kei na wase e muri sara ena gauna sa la'ki lako cake kina ki lomalagi na Turaga. Na i talanoa ni kena tubu ka tete na vakabauta Vakarisito ena gauna sa kau oti kina ki lomalagi na Turaga e tukuni tu ena i vola ni Nodra Cakacaka na i Apositolo, ka vola talega o koya e vola na i vola oqo.
Na i karua kei na i kaono ni vola oqo (raica e ra) e koto kina e vuqa na i talanoa, ka volai duadua ga ena i Tukutuku Vinaka oqo, me vaka na nodra sere na agilosi kei na nodratou a la'ki veisiko na i vakatawanisipi ena gauna a sucu kina na Turaga, na nona lako ki na Valenisoro ena gauna e se gonetagane lailai kina kei na vosa vakatautauvata me baleta na kai Samaria dau loloma kei na gone cidroi. Na i Tukutuku Vinaka oqo sa vakabibitaki kina na masu, na Yalo Tabu, na nodra i tavi na marama ena cakacaka ni Turaga o Jisu, kei na veivosoti ni Kalou me baleta na i valavala ca.
Na Lewe ni Vola
A kena i kau 1.1-4
Na sucu kei na tubu cake i Joni na Dauveipapitaisotaki kei Jisu 1.5–2.52
Na cakacaka i Joni na Dauveipapitaisotaki 3.1-20
Na papitaiso kei na veretaki nei Jisu 3.21–4.13
Na cakacaka i Jisu mai Kalili 4.14–9.50
Mai Kalili ki Jerusalemi 9.51–19.27
Na i otioti ni macawa mai Jerusalemi kei na veivanua volekata 19.28–23.5
Na tu cake tale, na rairai kei na kau cake nei Jisu 24.1-53
Currently Selected:
Luke Na i Vakamacala Taumada: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.