1 Joni 5

Na Noda Qaqa vei Vuravura

1O koya yadua sa vakabauta ni sa Karisito o Jisu sa yaco me luve ni Kalou; kei koya yadua sa lomana na tamana sa lomana vakakina na luvena. 2Oqo na sala eda sa kila kina ni da sa lomani ira na luve ni Kalou: o ya ni da sa lomana na Kalou ka muria na nona i vakaro. 3#Joni 14.15Na i balebale ga ni noda lomana na Kalou o ya me da muria na nona i vakaro. E sega soti ni dredre na noda muria na nona i vakaro, 4baleta ni ra sa rawai vuravura o ira yadua sa luve ni Kalou. Ni sai koya ga oqo na qaqa eda sa rawai vuravura kina, ena noda vakabauta. 5O cei beka sa rawai vuravura? O koya ga sa vakabauta ni sa Luve ni Kalou o Jisu.

Na i Vakadinadina kei Jisu Karisito

6Sa i Jisu Karisito ka sa lako mai ena wai kei na dra. Sa sega ni lako mai ena wai walega, ia ena wai kei na dra talega. Sa kena i vakadinadina ga ni veika oqo na Yalo Tabu, ni sa vu ni ka dina na Yalo Tabu. 7E ratou sa lewe tolu na kena i vakadinadina: 8na Yalo Tabu, kei na wai, kei na dra; ka sa tautauvata na nodratou i tukutuku o iratou oqo. 9Ni kevaka eda sa vakabauta na nodra i tukutuku na tamata, sa uasivi cake ga na i tukutuku ni Kalou baleta ni sa nona i tukutuku na Kalou, ka sa tukuna me baleta na Luvena. 10O koya sa vakabauta na Luve ni Kalou sa tiko e lomana na i tukutuku oqo. O koya sa sega ni vakadinata na Kalou sa vakalasui koya ga, ka ni sa sega ni vakadinata na i tukutuku ni Kalou me baleta na Luvena. 11#Joni 3.36Sa i koya ga oqo na i tukutuku: ni sa solia vei keda na Kalou na bula tawamudu, ka sa tiko na bula oqo vua na Luvena. 12O koya sa tu vua na Luvena, sa tu vua na bula; o koya sa sega ni tu vua na Luve ni Kalou, sa sega ni tu vua na bula.

Na Bula Tawa Mudu

13Na veika oqo ka'u sa vola vei kemuni mo ni kila kina ni o ni sa rawata na bula tawamudu, io, vei kemuni sa vakabauta na Luve ni Kalou. 14Sa i koya oqo na yavu eda sa nuidei kina ena noda tiko ena mata ni Kalou: ni kevaka eda sa kerea e dua na ka me vaka na lomana, ena rogoci keda o koya. 15Sa dau rogoci keda o koya ni da sa kerekere vua; ia me vaka eda sa kila ni sa dina na ka oqo, eda sa kila talega ni sa solia vei keda o koya na veika eda kerea vua.

16Kevaka o ni sa raici ira na wekamuni ni ra sa vakayacora na i valavala ca sa sega ni tini ena mate, mo ni masulaki ira vua na Kalou, ka me na qai solia vei ira na bula o koya. Oqo ena vukudra ga o ira ka sa sega ni tini ena mate na nodra i valavala ca. Ia sa tu ga na i valavala ca ka sa sega ni tini ena mate, ka'u sa sega ni kaya oqo mo ni masulaka kina vua na Kalou. 17Sa i valavala ca na veicakacaka tawa dodonu kece sara, ia sa tiko talega na i valavala ca ka sa sega ni tini ena mate.

18Eda sa kila ni ra sa sega ni dau cakava tikoga na i valavala ca o ira era sa luve ni Kalou, ni sa maroroi ira vinaka na Luve ni Kalou, ka sa sega ni tarai ira rawa na vunica.

19Eda sa kila ni da sa nona na Kalou, ka veitalia ga ni sa tiko ena ruku ni veiliutaki nei vunica na vuravura taucoko.

20Eda sa kila ni sa lako mai na Luve ni Kalou ka sa solia vei keda na yalomatua, me da kilai koya rawa kina na Kalou dina. Eda sa bula ga vua na Kalou dina, ka sa semati vata kei na Luvena o Jisu Karisito. Sa i koya oqo na Kalou dina, ka sai koya oqo na bula tawamudu.

21Kemuni na luvequ lomani, ni maroroi kemuni vinaka mai vei ira na veikalou lasu!

Currently Selected:

1 Joni 5: FNVDC12

Highlight

Copy