Isaías 35
35
Tetãgua ou jey Siónpe
1Tahory yvy ojeiko'ỹha
ha yvy iñapekãmbáva,
tovy'a ha ta ipoty yvy perõ!
2Tahenyhẽ yvotýgui,
tahory, tosapukái vy'águi!
Chupe oñeme'ẽ
Líbano reko mimbi,
Carmelo ha Sarón reko jegua.
Maymáva ohecháta
Ñandejára imimbipápe,
Tupãme ohecháta ijajaipápe.
3Pemombarete ikangývape,
pemokyre'ỹ ikane'õvape.#Heb 12.12.
4Peje ojepy'apývape:
“Néike, ani pekyhyje!
Ápe oĩ pene Tupã,
ou omyengoviávo
pende rehe ija'e'ỹvape
ou pende pe'ávo jejopy vaígui.”
5Upérõ umi ohecha'ỹva ohecháta,
ha umi ohendu'ỹva ohendúta.
6Upérõ ijapáva,
guasúicha oñaníta
ha iñe'ẽngúva
vy'águi osapukáita,#Mt 11.5; Lc 7.22.
hetátagui pe y yvy ojeiko'ỹháme
ha y osyry hatãva yvy perõme.
7Yvy ndahi'ýivagui
ojapóta y renda
ha yvy ijyuhéivape
ombohetáta yvu.
Aguara'i rekohágui,
oikóta takuaraty ha pirity.
8Upépe oĩta peteĩ tape
oñembohératava
“Tape marangatu”.
Upe rupi ndoguata mo'ãi
heko ky'áva
ha itavýva ndoiko mo'ãi.
9-10Ndaipóri mo'ãi upépe
jaguarete,
ha ndoike mo'ãi tymba saite.
Upe rupi oguatáta
umi oguenohẽ vaekue
jejopy vaígui
Ñandejára,
ha oikéta Siónpe
purahéi ha vy'a pópe.
Vy'a ha tory omoirũta chupe kuéra,
ha mombyry opytáta
pyahẽ ha vy'a'ỹ.#Is 51.11.
Currently Selected:
Isaías 35: GPC2006
Highlight
Share
Copy
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.
