Eclesiastés 3
3
Opa mba'e hi'ára
1Ko arapýpe opa mba'e hi'ára; opa mba'e oikóva peguarã oime hi'ára:
2Ára ojeikove ypy haguã
ha ára oñemano haguã,
ára oñeñemitỹ haguã
ha ára oñemono'õ haguã temitỹngue.
3Oime ára ojeporojuka haguã
ha ára oñeporomonguera haguã.
Peteĩ ára oñembyai haguã
ha peteĩ ára ojejapo haguã
4Ára oime haguã opukáva.
ára oime haguã hasẽva.
Ára oñembyasy haguã omanóva
ha ára oñeime haguã vy'ápe.
5Ára oñemyasãi haguã ita
ha ára oñemono'õ haguã.
Ára oñeañuã haguã
ha ára ojejei haguã ojuehegui.
6Ára oñeñeha'ã haguã
ha ára ojeheja haguã ojejapóva.
Ára oñeñongatu haguã
ha ára oñemombo haguã.
7Ára oñemondoro haguã
ha ára oñembovyvy haguã
Ára oñekirirĩ haguã
ha ára oñeñe'ẽ haguã
8Ára mborayhúpe guarã
Ha ára ro'yrõme guarã.
Ára ñorãirõme guarã
ha ára ñorãirõve'ỹme guarã.
9Mba'épa oguenohẽ yvypóra hetaite omba'apo haguégui? 10Ahecha kuaa pe mba'e pohýi omoĩva Tupã yvypórape omotĩndy haguã. 11Ha'e, hi'árape porã, opa mba'e ojapo iporãva; omoĩ avei yvypóra akãme mba'e pave'ỹ ndaikatúi ramo jepe oikuaapa Tupã ojapo vaekue ha ojapo vaerã.#Sal 139.17; Is 55.8-9; Ro 11.33. 12Che aikuaa yvypórape iporãvevaha ovy'a ha oiko porã, 13jakaru ha ñamboy'u ramo ha jahecha ramo ñane mopu'ãha ñane rembiapokue niko, Tupã ome'ẽgui ñandévente. 14Ha aikuaa avei, opa mba'e Tupã ojapo vaekue, opa ára guarãma opyta vaerãha.#Sal 33.11. Ndaipóri oñembojoapy haguã térã ojepe'a vaerã chugui: Tupã ojapo upéicha, henondépe ojejavy haguã. 15Ndaipóri oĩva oĩ'ỹ vaekue yma ha mba'eve ndaipóri chéne oĩ'ỹmava. Tupã rupive yma guare oiko jey ko'ágã.
Teko joja'ỹ
16Ahecha kuaa avei ko arapýpe oĩha teko ky'a, ha ñaña oĩ vaerã mo'ãháme teko joja ha teko potĩ. 17Upévare ha'e, Tupã ombojovake vaerãha heko potĩvape ha heko ky'ávape oimégui ára opa mba'e oikóvape ha opa mba'e ojejapóvape. 18Ha'e avei, yvypóra reko rehegua, Tupã oha'ãha yvypórape ohecha kuaa haguã ha'e kuéra tymba ka'aguyichaha. 19Ja'e porãsérõ guarã, yvypóra kuimba'e ha kuña ha tymba ka'aguy peteĩcha opa; kóva ha amóva omano peteĩcha,#Sal 49.13,21. ha peteĩchante tekove pytu opavavépe guarã. Ndaipóri kuña ha kuimba'e oguerekóva tymba ka'aguy oguereko'ỹva: opa mba'e tavy reko poru rei, 20ha maymáva oho opyta peteĩ hendápe; yvytĩmbógui ijapo pyre maymáva, ha yvytĩmbópe ojevypa jey vaerã.#Gn 3.19; Job 34.15; Eclo 17.1. 21Mávapa ikatu he'i yvypóra ágã oho añeteha yvágape, ha tymba ka'aguy ágã ohoha yvyguy pypukúpe?#Ec 12.7. 22Ahecha kuaa ndaiporiha mba'eve iporãvéva yvypórape guarã, oiko porãgui imba'apo repykuére, upéva niko upe chupe ohupytýva, avave ndogueru mo'ãi chupe ohecha haguã mba'épa oiko omano rire.
Currently Selected:
Eclesiastés 3: GPC2006
Highlight
Share
Copy
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.
