2 Corintios 6
6
1Néi, ore romba'apóva Tupãme guarã, rojerure peẽme ani haguã pembohasa rei upe py'a porã Tupã ohechauka vaekue. 2Ha'e he'i Ikuatiañe'ẽ Ñe'ẽme:
“Ou porãrõ guare ndéve
rohendu vaekue,
ha ho'a vaírõ guare ndéve
roipytyvõ vaekue.”#Is 49.8.
Ko'ágã hína pe ñepytyvõha ára, ikatu haguã oñesẽ jejopy vaígui.
Pablo ohechauka ha'e apostolha
3Ndorohechaukái tembiapo vai avavépe, ani haguã oñeñe'ẽ vai pe rojapóvare. 4Upéva rangue, rohechauka opa mba'épe, ore Tupã rembiguaiha, rogueropu'akávo pochy'ỹre jehasa asy, temikotevẽ, angekói, 5ñenupã, koty ypytũ,#Hch 16.23. sarambi guasu, tembiapo pohýi, jeke'ỹ, ñembyahýi. 6Rohechauka avei teko potĩ rupi, añetegua kuaa rupi, porohecha kuaa ha py'a porã rupi, Espíritu Santo oĩ rupi ore pype, mborayhu añetegua rupi, 7ñemyerakuã añetegua rupi, ha Tupã pokatu rupi. Roñorãirõ haguã roguereko teko joja, taha'e ra'e rondyry haguã térã roñemo'ã haguã. 8Sapy'ánte oĩ ore momba'éva, sapy'ánte rojeapo'i. Sapy'ánte oñe'ẽ porã ore rehe, sapy'ánte oñeñe'ẽ vai. Oje'e ore rehe ore japuha, ro'e ramo jepe añeteguáva. 9Rojeapo mombyrygua ramo, ajekuaa porãrõ jepe. Ha ha'ete ku romanombotáva, roikove porã ramo jepe. Roñenupã, ha opáichavo ndorojejukái. 10Ha'ete ku ndorovy'áiva ha akói rovy'a. Ha'ete ku ore mboriahúva ha romomba'e reko hetápe. Ha'ete ku ndoroguerekóiva mba'eve ha roguereko opa mba'e.
11Che pehẽngue kuéra Corintogua, roñe'ẽ peẽme tova mokõi'ỹre, roipe'apaite peẽme ore py'apy. 12Ndoroiporúi pene ndive mba'eveichagua tova mokõi. 13Rojerure peẽme aipórõ, peteĩ túva ojerureháicha ta'ýra kuérape, peipe'a haguã oréve pende py'apy, ore rojapo haguéicha pene ndive.
Ani pejehe'a umi oguerovia'ỹvare
14Ani peñemoĩ umi oguerovia'ỹva ykére. Ndaikatúi oñoirũvo pe heko jojáva ha pe heko joja'ỹva, pe hesakãva ha pe iñypytũva.#Dt 22.10; Eclo 13.17. 15Mba'éicha piko oikóta peteĩ ñe'ẽme Cristo ha Sataná, térã ogueroviáva ha oguerovia'ỹva? 16Mba'e piko oguereko ojapo vaerã oñondive Tupã iglésia umi ta'ãnga rei ndive? Ñande hína Tupã oikovéva róga,#1 Co 3.16; 6.19. ha'e voi he'i haguéicha:
“Aikóta ijapytépe kuéra,
chéta Tupã Ijára,
ha'e kuéra katu
che retãguáta.”#Lv 26.12; Ez 37.27.
17Upévare he'i avei Ñandejára:
“Pesẽ ijapytégui
ha pejei chugui kuéra.
Ani pepoko mba'eve
ipotĩ'ỹvare.#Is 52.11. ,*f**
Upévo che poguerohorýta,
18che ha'éta pende ru
ha peẽ che ra'y
ha che rajy kuérata.
Péicha he'i Ñandejára ipu'akapáva.”#2 S 7.14; 1 Cr 17.13; Is 43.6; Jer 31.9.
Currently Selected:
2 Corintios 6: GPC2006
Highlight
Share
Copy
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.
