Hebreos 4
4
1Li Dios toj yo̱ ajcuiꞌ chixyechiꞌinquil li oc chi hila̱nc saꞌ li cha̱bil naꞌajej. Abanan chikaba̱nu cue̱nt re nak ma̱ jun taxak saꞌ kaya̱nk incꞌaꞌ ta̱oc saꞌ li hiloba̱l aꞌan. 2La̱o xkabi resil li colba-ib joꞌ nak queꞌrabi resil najter. Abanan ma̱cꞌaꞌ qui-oc cuiꞌ reheb nak queꞌrabi xban nak incꞌaꞌ queꞌpa̱ban. 3Xban nak la̱o xkapa̱b li Dios, to-oc chi hila̱nc riqꞌuin saꞌ li cha̱bil naꞌajej. Li Dios quia̱tinac chirixeb li kaxeꞌto̱nil yucuaꞌ nak quixye:
Nak quichal injoskꞌil, quinye nak relic chi ya̱l ma̱ jokꞌe teꞌoc chi hila̱nc cuiqꞌuin. (Sal. 95:11)
Quixye aꞌan us ta ac chꞌolchꞌo nak cuan li naꞌajej re hila̱nc chalen nak li Dios quixrak lix cꞌanjel nak quixyi̱b li ruchichꞌochꞌ. 4Tzꞌi̱banbil saꞌ li Santil Hu chirix li xcuuk li cutan li naxye chi joꞌcaꞌin:
Ut li Dios quixrak lix cꞌanjel ut quihilan saꞌ xcuuk li cutan. (Gén. 2:2)
5Ut tzꞌi̱banbil ajcuiꞌ saꞌ li Santil Hu chirixeb li incꞌaꞌ queꞌpa̱ban:
Incꞌaꞌ teꞌoc chi hila̱nc cuiqꞌuin. (Sal. 95:11)
6Queꞌrabi li ra̱tin li Dios najter ut cuan li incꞌaꞌ queꞌoc chi hila̱nc riqꞌuin xban nak incꞌaꞌ queꞌpa̱ban. Aban li ani napa̱ban anakcuan toj naru ta̱oc chi hila̱nc riqꞌuin. 7Najter cuanqueb laj Israel incꞌaꞌ queꞌpa̱ban. Ut nak ac xnumeꞌ qꞌuila chihab, li Dios quixyechiꞌi cuiꞌchic li hiloba̱l nak quia̱tinac riqꞌuin laj David. Ut laj David quixtzꞌi̱ba li quiyeheꞌ re li naxye chi joꞌcaꞌin:
Anakcuan cherabi taxak li cua̱tin ut me̱cacuubresi le̱ chꞌo̱l, chan. (Sal. 95:8)
8Eb li queꞌpa̱ban saꞌ xya̱nkeb laj Israel queꞌoc chi hila̱nc saꞌ li naꞌajej Canaán nak laj Josué quicꞌamoc be chiruheb. Abanan ma̱cuaꞌ aꞌan li tzꞌakal naꞌajej re hila̱nc chi junelic. Cui ta aꞌan li tzꞌakal hiloba̱l, incꞌaꞌ raj chic quixye li Dios nak toj naru to-oc chi hila̱nc riqꞌuin. 9Joꞌcan nak toj cuan li lokꞌlaj naꞌajej re hila̱nc reheb li nequeꞌpa̱ban re li Dios. 10Li ani ac x-oc chi hila̱nc riqꞌuin li Dios, aꞌan ac xhilan chi tzꞌakal, joꞌ nak li Dios quihilan nak quixrak lix cꞌanjel. 11Chikaqꞌuehak kachꞌo̱l chixpa̱banquil li Dios re nak to-oc chi hila̱nc riqꞌuin. Ma̱ ani taxak ke incꞌaꞌ ta̱oc xban xkꞌetba a̱tin joꞌ queꞌxba̱nu chak junxil nak incꞌaꞌ queꞌpa̱ban. 12Li ra̱tin li Dios yoꞌyo ut kꞌaxal nim xcuanquil. Chanchan jun chꞌi̱chꞌ caꞌ pacꞌal xkꞌesnal. Riqꞌuin lix nimal xcuanquil, li ra̱tin li Dios nacuulac toj saꞌ xchamal li ka̱m. Ut naxcꞌutbesi chiku chanru li kanaꞌleb ut chanru li kacꞌaꞌux. 13Ma̱ ani naru tixmuk rib chiru li Dios xban nak aꞌan quiyi̱ban re chixjunil li cꞌaꞌak re ru cuan. Cutan saken chiru li Dios li kayehom kaba̱nuhom. Ma̱cꞌaꞌ mukmu chiru li Dios li toxkachꞌolob cuiꞌ kayehom kaba̱nuhom.
Li Ka̱cuaꞌ Jesucristo, aꞌan tzꞌakal xyucuaꞌil aj tij
14Li Ka̱cuaꞌ Jesucristo, li Ralal li Dios, aꞌan lix yucuaꞌil aj tij chokꞌ ke. Quitakeꞌ saꞌ choxa ut cuan chak riqꞌuin li Dios Acuabej. Yo̱ chak chi oque̱nc chikix chiru li Dios. Joꞌcan nak cauhak taxak kachꞌo̱l saꞌ li kapa̱ba̱l. 15Li Jesucristo aꞌan xyucuaꞌil aj tij chokꞌ ke la̱o. Naxtokꞌoba ku xban nak naxnau nak moco kꞌaxal cau ta li kachꞌo̱l. Nak quicuan arin saꞌ ruchichꞌochꞌ, li Jesucristo quiyaleꞌ ra̱lenquil joꞌ nak nayaleꞌ ka̱lenquil la̱o. Aban li Jesucristo incꞌaꞌ quima̱cob. 16Chotijok chi anchal kachꞌo̱l chiru li nimajcual Dios. Aꞌan ta̱ril xtokꞌoba̱l ku ut riqꞌuin xnimal rusilal toxtenkꞌa nak cua̱nko saꞌ junak raylal.
Currently Selected:
Hebreos 4: kek
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.
