Popular Bible Verses from Hebreos 4

Share

Li ra̱tin li Dios yoꞌyo ut kꞌaxal nim xcuanquil. Chanchan jun chꞌi̱chꞌ caꞌ pacꞌal xkꞌesnal. Riqꞌuin lix nimal xcuanquil, li ra̱tin li Dios nacuulac toj saꞌ xchamal li ka̱m. Ut naxcꞌutbesi chiku chanru li kanaꞌleb ut chanru li kacꞌaꞌux.

Chotijok chi anchal kachꞌo̱l chiru li nimajcual Dios. Aꞌan ta̱ril xtokꞌoba̱l ku ut riqꞌuin xnimal rusilal toxtenkꞌa nak cua̱nko saꞌ junak raylal.

Li Jesucristo aꞌan xyucuaꞌil aj tij chokꞌ ke la̱o. Naxtokꞌoba ku xban nak naxnau nak moco kꞌaxal cau ta li kachꞌo̱l. Nak quicuan arin saꞌ ruchichꞌochꞌ, li Jesucristo quiyaleꞌ ra̱lenquil joꞌ nak nayaleꞌ ka̱lenquil la̱o. Aban li Jesucristo incꞌaꞌ quima̱cob.

Ma̱ ani naru tixmuk rib chiru li Dios xban nak aꞌan quiyi̱ban re chixjunil li cꞌaꞌak re ru cuan. Cutan saken chiru li Dios li kayehom kaba̱nuhom. Ma̱cꞌaꞌ mukmu chiru li Dios li toxkachꞌolob cuiꞌ kayehom kaba̱nuhom.

Li Ka̱cuaꞌ Jesucristo, li Ralal li Dios, aꞌan lix yucuaꞌil aj tij chokꞌ ke. Quitakeꞌ saꞌ choxa ut cuan chak riqꞌuin li Dios Acuabej. Yo̱ chak chi oque̱nc chikix chiru li Dios. Joꞌcan nak cauhak taxak kachꞌo̱l saꞌ li kapa̱ba̱l.

Chikaqꞌuehak kachꞌo̱l chixpa̱banquil li Dios re nak to-oc chi hila̱nc riqꞌuin. Ma̱ ani taxak ke incꞌaꞌ ta̱oc xban xkꞌetba a̱tin joꞌ queꞌxba̱nu chak junxil nak incꞌaꞌ queꞌpa̱ban.