2 Timateo 4
4
1Ku mesho a Njambi na Kilistu Yesu, uje akasompa vaka-kuyoya na vatsi, co omwo alinakwija mukushwana kupwa Mwene, njikushika ngwange 2ambulula lijwi, kakateya akwendeka nambe a simbu yaivwa nambe kesi a simbu yaivwa, vayesa, endekela na mukutakamesa, longesa na lukakateya lwoshe. 3Omwo simbu ikaija omo vanu kuvakatolilila ku kulongesa kwa vushunga, oloni vakakavangeya mashungu avo, co vakalikungulwila valongisi vavangi vangi vaje vakavaleka vije vashaka kuziva. 4Kuvakatolilila ku vyuma vya vushunga, co vakatwala mana avo ku visimo vyangoco. 5Oloni yove unapande kulinyunga mu vyuma vyoshe, kakakateya mu tuyando, linga vipangi vya muka-kwambulula Vin̄anda Vyavivwa, co panga vipangi vyove ngwe ngamba ya Njambi.
6Oloni ngeci mwange, simbu inete yakunjikombelela, simbu inete kuli yange yakuseza mwonyo ou njilinawo. 7Njinalu nzita yaivwa, co njinashatuka nakwetesa seteko yange, co njinanyungu kukulaela.#4:7 NJINANYUNGU KUKULAELA: Nambe, njinapu wa vushunga ku cikulaeso cange. 8Co ololo cilongo ca vushunga cinanjitumbamena, cije Mwene, ikeye lyaako wa vushunga, akanjanaco a Litangwa lije, co kesi kuli yange lika embwe, oloni akacana lalo kuli voshe vaje vamuvandamena na cizemo ngeci asholoke.
Majwi eka
9Zambula wije kuli yange ololo. 10#Kol 4:14; Filim 24; 2 Koli 8:23; Ngala 2:3; Tit 1:4 Omwo Ndemase nawila mu cizemo ca vyuma vya ano a kaye, co nanjiseza nai ku Tesalonika. Na Kelesenese nai ku Ngalatiya, na Tito nai ku Ndalematiya. 11#Kol 4:14; Filim 24; Vil 12:12,25; 13:13; 15:37-39; Kol 4:10 Kuvanga Luka lika njili nendi kuno. Co ija amo na Mako ngeci akunjikwaseko vipangi kuno. 12#Vil 20:4; Efe 6:21-22; Kol 4:7-8 Co Taikikase njamutumu ku Efeso. 13#Vil 20:6 Omo wija kuno, njitiike kazaku kange kaje njasezele ku Tolowase kuli Kapasi, ija lalo na mavulu, co cakama manene ije mikanda yange ya vilambu.
14 #
1 Tim 1:20; Mya 62:12; Lom 2:6 Elekizanda uje muka-kufula nanjilingi mwamuvi manene, Mwene akamwana fweto yendi kupwisa ngwe ku vipangi vyendi vyanalingi. 15Nove lalo unapande kumutewa, omwo ikeye walwisile muzimbu wetu na muuka.
16Akulivanga naumo wai wanjikundamene akulyamena kwange, voshe vanjitewele. Oloni Njambi kesi avalaveleco ngwe vuvi embwe! 17Oloni Mwene wakele amo nange nakunjitakamesa ngeci njasele kwambulula lijwi lyamutunu kuli vaje kesi vaYunda voshe ngeci vazive, co nange lalo vanjiputumwisile ku kutsa. 18Mwene akanjamene ku vipangi vyoshe vyavivi, co akanjambata mu kwoloka kunjitwala ku Vumwene vwendi vwa Mwilu. Kuli ikeye kukale vumpau ku myaka na myaka! Ewa.
Viindu vyakumanesela
19 #
Vil 18:2; 2 Tim 1:16-17 Njilinakutuma viindu kuli Pilisila na Akwila na kuli vaka-naanga ya Onesifolase. 20#Vil 19:22; Lom 16:23; Vil 20:4; 21:29 Elasitase wasalele ku Kolinte, co njasezele Tolofimase mu Miletase, omwo ikeye wavinjile. 21Livange kwija omo cisika kanda cete.
Eumbulase na Pundenisi na Linase na Kalaundia vanatumu viindu kuli yeni, co lalo vaka-Yesu voshe vanatundu viindu vyavo.
22Mwene akale amo na munzinzime wove.
Kutetela kwa Njambi kukale amo neni voshe.
Currently Selected:
2 Timateo 4: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006