2 Mizimbu 3
3
1 #
Kus 22:2
Mwene Ndaviti, ishe ya Solomoni, wavwaeselele cimweja mwela wakutungila Njuvo ya Shukulu Kalunga. Mwela wakele mu Yelusalema, ku Munkinda wa Moliya, kuje Shukulu Kalunga walisholwele kuli Ndaviti ku lijungwilo lya Alauna kaNjevushi. Co Mwene Solomoni washangumukile kutunga Njuvo ya Shukulu Kalunga 2mu ngonde yamucivali mu mwaka wamuciwana wakushwana kwendi. 3Njuvo ya Shukulu Kalunga yatungile Mwene Solomoni yapwile mamita makumi avali na mamita atanu na avali mu vulaja, na mamita atanu na awana mu vwihi. 4Co mulili wakukovelela wapwile amo na Njuvo ya Shukulu Kalunga, wapwile mamita atanu na awana, akamwa wapwile mamita makumi atanu na awana. Co vivumbe vya mukati vavisalimbisile na ngolinde yaivwa. 5Mulili wakama vaufwikile na mavaya a kendale, vausalimbisile na ngolinde yaivwa, vacakeyeyemo vimweso vya miti ya mashakavale na malyenge. 6Co mwene wacakeyeye mu Njuvo ya Shukulu Kalunga mamanya amavwa a seo yakama, na ngolinde ya ku lifuti lya Palevaime. 7Wapangesele ngolinde mukusalimbisa vivumbe vya Njuvo ya Shukulu Kalunga na mashoko na vipamba na mapito. Co a vivumbe vacokweleo vimweso vya vakelumbi va mambava. 8#Kut 26:33-34 Mulili wa mukati, uvatumbwile Mwela Wakujela Manene, wapwile mamita atanu na awana mu vulaja, na mamita atanu na awana mu vwihi, seteko imolika na Njuvo ya Shukulu Kalunga. Co vapangesele ngolinde yakutuvakana vulemu makumi avali mukusalimbisa vivumbe vya Mwela Wakujela Manene. 9Co ngolinde yakupwa mangilamu 570 vaipangesele mukulinga vimbambo, co milili lalo ya akamwa vaisalimbisile na ngolinde.
10Co mwene washikile lalo vaka-kupanga vendi ngeci vapange vakelumbi vavali va mambava na vutale, vavafwikile na ngolinde, co vavaakele mu Mwela Wakujela Manene. 11Co vulaja vwa mambava a vakelumbi vwapwile mamita 2.2. Limbava lya kelumbi umo lyapwile mamita atanu na awana lyakwatele a civumbe ca mulili, co limbava likwavo lyapwile mamita atanu na awana kutunda a limbava lya kelumbi umo kweta a limbava lya kelumbi mukwavo. 12Co limbava lya kelumbi umo lyapwile mamita 2.2 lyakwatele a mbango ya mulili, co limbava lyendi likwavo lyakwatele ku limbava lya kelumbi mukwavo. 13#Kut 25:18-20 Mambava a vaje vakelumbi ajanjavalele, apwile mamita atanu na awana. Vemanene a mendi avo, co mesho avo akengele ku mulili. 14#Kut 26:31 Co livamba lya ku Mwela Wakujela Manene valitungile na linyu na vinanga vikwavo, vavilombele mu musumbele wakuzivuluka na wakuvenguluka na wakuvenga, co vavicakeyeye na vimweso vya vakelumbi va mambava.
Vimanda vivali vya vunengu
(1 Vim 7:15-22)
15Mwene wapangele vimanda vivali, imo na imo yapwile mamita likumi na atanu na litambelo mu vulaja, co vavishimbikile kulutwe lwa Njuvo ya Shukulu Kalunga. Imo na imo yakele na mutwe wakupwa mamita 2.2 mu vulaja. 16Co akamwa ya vimanda vashoveyeyeo malyenge akuvinda na mapomingilanete a vunengu akupwa 100. 17Co vije vimanda vavishimbikile kumukulo na kumukulo wa cikolo ca Njuvo ya Shukulu Kalunga, manda imo ya mu mbwela vaitumbwile ngwavo Njakine,#3:17 NJAKINE: Mu ciHevelu ngwavo, ikeye (Njambi) watunga. co ikwavo lalo ya ku kunto vaitumbwile ngwavo Mbowasi.#3:17 MBOWASI: Mu ciHevelu ngwavo, na nzili yendi (Njambi).
Currently Selected:
2 Mizimbu 3: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006