Génesis 36

Jaꞌton Xolilal Ebꞌ Yuninal Esaú

(1a Crónicas 1:34-54)

1Jaꞌton ebꞌ yicꞌaal naj Esaú tiꞌ, chi yij cꞌal pax Edom. 2Jaꞌ naj Esaú jix yiꞌle sbꞌa yetoj ebꞌ ix a Canaán: Ix Adá, scutzꞌin Elón naj Hitita, yetoj ix Oholibamá scutzꞌin naj Aná, yitxiquin naj Sibón, Heveo. 3Jix yiꞌon cꞌal pax ix Basemat naj, ix scutzꞌin naj Ismael, yanabꞌ naj Nebaiot. 4Jaꞌ yuneꞌ ix Adá jix ali yetoj Esaú, jaꞌton naj Elifaz; jix ali pax yuneꞌ ix Basemat, jaꞌton naj Reuel. 5Jal pax ix Oholibamá jix ali ebꞌ yuneꞌ ix, jaꞌton: Jeús, Jaalam yetoj Coré. Jaꞌton ebꞌ scꞌaal Esaú tiꞌ jix ali, yet jix caey ecꞌ bꞌey txꞌotxꞌ Canaán.

6Jix lawi tuꞌ, catuꞌ jix yiꞌontoj ebꞌ ix yistil naj Esaú, ebꞌ scꞌaal cꞌal ebꞌ scutzꞌin, yetoj masanil ebꞌ caan ecꞌ yetoj, catuꞌ jix too ebꞌ bꞌey junxa txꞌotxꞌ, yet chi sbꞌoson el sbꞌa scꞌatan yuẍtaj Jacob tuꞌ. Jix yiꞌontoj masanil sjobꞌbꞌeal noꞌ, yetoj masanil tzetyetal jix yiꞌ yet jix eecꞌ bꞌey Canaán. 7Yutol caw mimanxa tzetyetal ey tet ebꞌ scawanil, yuxan cꞌamxa chi skeꞌ junne chi caey ecꞌ ebꞌ, catuꞌ cꞌamxa chi yabꞌ txꞌotxꞌ txꞌotxꞌ bꞌey chi low noꞌ sjobꞌbꞌeal noꞌ ebꞌ. 8Yu jun tuꞌ xin, jix too caey naj Esaú bꞌey sjolomlaj wonan yul yet txꞌotxꞌ Seír, jaꞌcꞌal oc chi yij pax Edom.

9Jaꞌton ebꞌ yicꞌaal Esaú tiꞌ, ebꞌ yichmam ebꞌ a Edom, ebꞌ naj ecꞌnaj caan bꞌey sjolomlaj txꞌotxꞌ wonan Seír. 10Jaꞌton sbꞌi ebꞌ yuninal Esaú tiꞌ: Elifaz, yuneꞌ ix Adá, Reuel yuneꞌ ix Basemat. 11Jaꞌ ebꞌ scꞌaal Elifaz jaꞌton ebꞌ tiꞌ: Temán, Omar, Sefó, Gatam cꞌal Quenaz. 12Ey jun scaabꞌ yistil Elifaz chi yij Timná; jix ali jun yuneꞌ, jix yakꞌon yij sbꞌi Amalec. Jaꞌton ebꞌ tiꞌ yitxiquin ix Adá, ix yistil Esaú. 13Ebꞌ yuninal Reuel, jaꞌton Náhat, Zérah, Samá cꞌal Mizá; jaꞌton ebꞌ tiꞌ yitxiquin ix Basemat, jaꞌton junxa ix yistil naj Esaú tuꞌ. 14Oholibamá sbꞌi junxa ix yistil Esaú, jaꞌ ebꞌ yuneꞌ ix, jaꞌton ebꞌ tiꞌ: Jeús, Jaalam, yetoj Coré; jaꞌ Oholibamá tuꞌ scutzꞌin naj Aná, yitxiquin naj Sibón. 15Ebꞌ jix oc yopiso xol ebꞌ yicꞌaal Esaú, jaꞌton ebꞌ tiꞌ: Ebꞌ jix eltej xol yicꞌaal Elifaz naj sbꞌabꞌel scꞌaal Esaú: Jaꞌton Temán, Omar, Sefó Quenaz, 16Coré, Gatam yetoj Amalec. Jaꞌton ebꞌ tiꞌ jix oc yopiso xol ebꞌ yicꞌaal Elifaz yul yet Edom. Masanil ebꞌ tiꞌ, yitxiquin cꞌal ix Adá ebꞌ. 17Jaꞌ ebꞌ yuninal Reuel, scꞌaal Esaú, ebꞌ jix oc yin syaawiloj conobꞌ, jaꞌton: Náhat, Zérah, Samá cꞌal Mizá, jaꞌton ebꞌ jix oc yin yaawil xol ebꞌ yicꞌaal Reuel bꞌey yul yet Edom; masanil ebꞌ tiꞌ yitxiquin ix Basemat, yistil naj Esaú. 18Jal pax ebꞌ yuneꞌ ix Oholibamá yuneꞌ ix Aná tuꞌ, ey ebꞌ jix oc yopiso xol ebꞌ, jaꞌton: Jeús, Jaalam yetoj Coré. 19Masanil ebꞌ tiꞌ, yicꞌaal Esaú ebꞌ, chi yij cꞌal pax Edom, jix oc ebꞌ yaawilal xol ebꞌ yicꞌaal tuꞌ.

20Ebꞌ scꞌaal naj Seír naj a Horeo, ebꞌ caan bꞌey jun txꞌotxꞌ tuꞌ, jaꞌton ebꞌ tiꞌ, Lotán, Sobal, Sibón, Aná, 21Disón, Éser yetoj Disán. Jaꞌton ebꞌ tiꞌ yaaw conobꞌ jix yun oc ebꞌ xol ebꞌ a Horeo, xol ebꞌ yicꞌaal Seír, bꞌey yul yet Edom. 22Jaꞌ ebꞌ yuninal Lotán, jaꞌton ebꞌ tiꞌ: Horí, yetoj Hemam; Timná ix yanabꞌ Lotán. 23Ebꞌ scꞌaal naj Sobal, jaꞌton: Alván, Manáhat, Ebal, Sefó, yetoj Onam. 24Ebꞌ naj scꞌaal Sibón, jaꞌton: Aiá, cꞌal Aná. Jaꞌ naj Aná tiꞌ, jix ilcha jun snukꞌ jaꞌ yu naj tol cꞌaxan, bꞌey txꞌotxꞌ cusiltaj txꞌotxꞌ, yet chi steynen low noꞌ sbꞌuru smam. 25Jaꞌ naj Aná tuꞌ, ey jun scꞌaal chi yij Disón, yetoj jun scutzꞌin chi yij Oholibamá. 26Ebꞌ yuninal Disón, jaꞌton: Hemdán, Esbán, Itrán yetoj Querán. 27Ebꞌ yuninal Éser, jaꞌton Bilhán, Zaabán cꞌal Acán. 28Ebꞌ yuninal Disán, jaꞌton: Us cꞌal Arán.

29Ebꞌ syaawil conobꞌ yeoc xol ebꞌ Horeo jaꞌton ebꞌ tiꞌ: Lotán, Sobal, Sibón yetoj Aná. 30Cꞌal Disón, Éser yetoj Disán, jaꞌton ebꞌ tiꞌ jix oc yaawil xol ebꞌ a Horeo tuꞌ yul yet txꞌotxꞌ Seír.

31Jaꞌton ebꞌ tiꞌ jix oc yin yaawil bꞌey conobꞌ Edom, yet cꞌamto chi oc sreyal ebꞌ Israel. 32Jaꞌ naj Bela scꞌaal Beor jix oc naj yin reyal bꞌey Edom, Dinhaba sbꞌi sconobꞌ naj. 33Jaꞌ yet jix cam naj Bela, jaꞌ naj Jobab jix oc can yaawil, scꞌaal Zérah, Bosrá sbꞌi sconobꞌ naj tuꞌ. 34Yet jix cam naj Jobab, jaꞌ Husam a conobꞌ Temán, jix oc can yin yaawil. 35Jaꞌ yet jix cam Husam, jaꞌ naj Hadad scꞌaal Bedad jix oc can yin yaawil; jaꞌton naj jix akꞌon eyqꞌuey ebꞌ a Madián yin jowal yul yet Moab; jaꞌ sbꞌi sconobꞌ chi yij Avit. 36Jaꞌ yet jix cam Hadad, jaꞌ naj Samlá jix oc can yin yaawil; Masrecá, sbꞌi sconobꞌ. 37Jaꞌ yet jix cam Samlá, jaꞌ Saúl jix oc can yin yaawil; a conobꞌ Rehobot naj. Jaꞌ jun conobꞌ tuꞌ, ey scawilal stiꞌ jaꞌ miman Éufrates. 38Jaꞌ yet jix cam naj Saúl, jaꞌ Baal-hanán scꞌaal Acbor, jix oc can yin yaawil. 39Jaꞌ yet jix cam Baal-hanán, jaꞌ Hadad jix oc can yin yaawil, Pau sbꞌi sconobꞌ. Jaꞌ ix yistil Hadad tuꞌ chi yij Mehetabel, yuneꞌ ix Matred, yitxiquin Mezaab ix.

40Jaꞌton sbꞌi ebꞌ jix oc syaawiloj conobꞌ, ebꞌ jix eltej xol ebꞌ yicꞌaal Esaú tiꞌ: Yin junjun tujan icꞌaaleal cꞌal junjun tujan conobꞌal jaꞌton: Timná, Alvá, Jetet, 41Oholibamá, Elá, cꞌal Pinón, 42Quenaz, Temán, Mibsar, 43Magdiel, yetoj Iram; jaꞌ sbꞌi ebꞌ jix oc pax yin sbꞌioj junjun conobꞌ bꞌey jix caey cꞌal ecꞌ ebꞌ. Jaꞌ Esaú jaꞌ chi yij pax Edom, jaꞌton smam icham ebꞌ Edomita.

Currently Selected:

Génesis 36: knj

Highlight

Copy