Emos 6
6
Olketa pipol blong Israel i trastem laea paoa
1 (Profet) !Sore tumas long yufala hu i stap long tambu maonten long Saeon an garem gudfala laef! Yufala tingse evrisamting hemi oraet nomoa long yufala. !Sore tumas long yufala olketa lida blong Samaria! Yufala tingse yufala stap gudfala nomoa. Yufala olketa lida i tingse Israel hemi hae moa winim evri narafala kantri, an olketa pipol i ka-kam long yufala fo helpem olketa. 2Sapos yufala go lukim fastaem taon long Kalne an bikfala taon long Hamat, an go lukim tu bikfala taon long Gat long Filistia. Bae yufala save lukim dat no eniwan long olketa hemi strong moa o bik moa winim yufala long Israel an Jiuda. 3Bat yufala nating tinghevi nomoa long datfala De wea Yawe bae mekem bikfala trabol fo kasem yufala. Olketa nogud wei blong yufala nao, bae hemi mekem datfala De fo kamap kuiktaem. 4!Wei blong yufala hemi nogud tumas! Yufala leidaon long olketa nambawan bed an gohed fo mekem fist olowe nomoa long mit blong olketa yangfala buluka an sipsip. 5Yufala laekem tumas fo mekem nomoa olketa niufala singsing, olsem wea King Deved hemi bin duim bifoa, an oltaem yufala gohed fo singim olketa singsing ya wetem olketa gita. 6Yufala gohed fo dringim tumas waen, an gohed fo rabem bodi blong yufala long nambawan oel wea hemi barava smel naes fogud. Bat yufala nating sore nomoa long kantri ya blong yufala long Israel, wea olketa enemi bae i kam an barava spoelem finis. 7So, yufala nao bae i faswan wea olketa enemi i fosim fo lusim lan blong yufala. An olketa fist blong yufala ya wea yufala gohed fo hapi long hem, bae hemi finis.
8Lod Yawe, God hu hemi garem evri paoa, hemi promis finis long nem blong hem seleva. Hem ya mesij blong Yawe, ?Mi barava les tumas long praod wei blong olketa pipol blong Israel, an mi nating hapi long olketa strongfala sefples ya blong olketa. So, kapitol blong olketa an evrisamting wea hemi stap insaet bae mi givim go long olketa enemi blong olketa.?
9 (Profet) Sapos tenfala pipol nao i stap yet insaet long wanfala haos, bae olketa dae tu. 10Nao wanfala man long laen blong olketa pipol ya hu i dae bae hemi kam an tekemaot bodi blong olketa from datfala haos. An bae datfala man hemi singaot go olsem long eniwan hu hemi stap yet insaet long haos, ?!Ei! ?Waswe, eni man moa hemi stap yet wetem yu insaet?? An man insaet long haos bae hemi tok olsem, ?!O, nomoa nao!? Datfala man aotsaet long haos bae hemi tok olsem, ?!Ssss! Yu stap kuaet. Yumitufala mas no talem nem blong Yawe o maet hemi kilim yumitufala dae tu.?#6:10 Narafala wei fo tanem disfala ves hemi olsem, ?Nao wanfala man long laen blong olketa pipol ya hu i dae bae hemi kam an tekemaot olketa bodi fo bonem. An bae datfala man hemi singaot go olsem long eniwan hu hemi stap yet insaet long haos, ?!Ei! ?Waswe, eni man moa hemi stap yet wetem yu insaet?? An man insaet long haos bae hemi tok olsem, ?!O, nomoa nao!? Datfala man aotsaet long haos bae hemi tok olsem, “!Ssss! Yu stap kuaet. Yumitufala mas no talem nem blong Yawe.”
11Yawe hemi givim oda finis, an bae olketa brekemdaon finis olketa bikfala haos an daonem olketa smolfala haos long olketa smolfala pis.
12Yufala tingim fastaem. ?Waswe, hos save ran nomoa antap long olketa bikfala sap ston o nomoa? ?Waswe, man save plantem nomoa gaden blong hem insaet long solwata o nomoa? !Nomoa nao! !Diskaen samting hemi krangge tumas! Bat yufala gohed fo duim semkaen samting. Yufala tanem olketa stretfala wei fo kamap nogud olsem poesen fo kilim man dae, an yufala tanem olketa gudfala wei fo kamap nogud tumas olsem saoa kaikai. 13Oltaem yufala praod tumas an sei wea yufala winim finis taon long Lodeba long faet. An yufala gohed fo tok tokpraod olsem, ?Mifala i strong tumas, dastawe nao mifala winim taon long Kanaem#6:13 ?Lodeba?, ?Kanaem? Long Hibru langguis, Lodeba hemi here olsem tufala wod wea i minim, ?Samting nating?, an Kanaem hemi minim, ?Tufala hon blong buluka? wea i saen blong paoa. Tufala taon ya i impoten taon narasaet long Jodan riva, bat Emos hemi yusim tufala nem fo mekful long olketa pipol from tingting blong olketa. long faet.?
14Hem ya mesij blong Yawe, God hu hemi garem evri paoa, ?!Olketa pipol blong Israel! Bae mi letem ami blong narafala kantri fo tekova long disfala kantri blong yufala. Bae olketa enemi i gohed fo mekem yufala safa, stat long taon long Lebo Hamat long not, go-go kasem vali long Araba#6:14 ?Lebo Hamat?, ?vali long Araba? Taon long Lebo Hamat hemi makem en long graon blong Israel long saet long not, an vali long Araba, hemi stap kolsap long Ded Si wea hemi makem en long graon blong Israel long saet long saot. long saot.?
Currently Selected:
Emos 6: SIPB
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
