GENESA 36

Rixaka ra Esawu.

1Rixaka ra Esawu, a nga Edomu, hi leri: 2Esawu a a tekile vasati va yena eka vana va Vakanana: a a ri Ada, n'wana Elone wa Muhiti, na Oholibama, n'wana Ana, n'wana Sibeyoni wa Muhivhi, 3na Basemati, n'wana Iximaele, makwavo wa Nebayoto. 4Kutani Ada a velekela Esawu, Elifasi; Basemati a veleka Rhuwele; 5Oholibama a veleka Yewuxi, na Yalamu na Kora. Valavo i vana va Esawu a va velekeke etikweni ra Kanana.

6Kutani Esawu a teka vasati va yena ni vana va yena va xinuna ni va xisati, ni vanhu hinkwavo va yindlu ya yena, ni mitlhambi ya yena, ni swifuwo swa yena hinkwaswo, ni xuma xa yena hinkwaxo lexi a nga xi kuma etikweni ra Kanana, a ya aka kun'wana, ekule na Yakobo ndzisana ya yena; 7hikuva swifuwo swa vona a swi tele hi ku hundzisisa ni ku aka swin'we, kutani tiko leri va nga luvela eka rona ri tsandzeka ku va eneta hikwalaho ka mitlhambi ya vona. 8Kavaloko Esawu a ya aka entshaveni ya Seyira; Esawu hi yena Edomu.

9Rixaka ra Esawu, tata wa Vaedomu, entshaveni ya Seyira, hi ro leri: 10Mavito ya vana va Esawu hi lawa: Elifasi, n'wana Ada, nsati wa Esawu; Rhuwele, n'wana Basemati, nkata Esawu. 11Vana va Elifasi: Temani, na Omara, na Sefo, na Gatamu, na Kenazi. 12Timina a a ri nhlantswa ya nkata Elifasi, n'wana Esawu; kutani a velekela Elifasi, Amaleke. Hi vona vana va Ada, nkata Esawu.

13Vana va Rhuwele hi lava: Nahata, na Zera, na Xama, na Miza. Volavo a va ri vana va Basemati, nkata Esawu.

14Vana va Oholibama, n'wana Ana, n'wana Sibeyoni, nkata Esawu, hi lava: a velekela Esawu Yewuxi, na Yalamu, na Kora.

15Tihosana ta tinyimba ta vana va Esawu hi leti: eka vana va Elifasi, n'wana Esawu wa mativula, hosana i Temani, ni hosana Omara, ni hosana Sefo, ni hosana Kenazi, 16ni hosana Kora, ni hosana Gatamu, ni hosana Amaleke. Hi tona tihosana ta Elifasi etikweni ra Edomu. Hi volavo vana va Ada.

17Vana va Rhuwele, n'wana Esawu, hi lava: hosana Nahata, ni hosana Zera, ni hosana Xama, ni hosana Miza. Valavo i tihosana ta Rhuwele, etikweni ra Edomu. Hi volavo vana va Basemati, nkata Esawu.

18Vana va Oholibama, nkata Esawu, hi lava: hosana Yewuxi, ni hosana Yalamu, ni hosana Kora. Valavo i tihosana leti velekeke hi Oholibama, n'wana Ana, nkata Esawu. 19Hi vona valavo vana va Esawu, a nga yena Edomu, ni tihosana ta vona, hi teto.

20Vana va Seyira, wa Muhori, valavo va nga vaaki va tiko, hi lava: Lotani, na Xobala, na Sibeyoni, na Ana, na Dixoni, na Ezere, na Dixani. 21Hi tona tihosana ta Vahori, vana va Seyira, etikweni ra Edomu.

22Vana va Lotani, Hori na Hemami; makwavo wa xisati wa Lotani a a ri Timina.

23Vana va Xobala, hi lava: Alivhani, na Manahate, na Ebali, na Xefo, na Onamu.

24Vana va Sibeyoni hi lava: Aya na Ana. Hi yena Ana la nga kuma swihlovo leswo kufumela emananga, loko a ri karhi a risa timbhongolo ta Sibeyoni, tata wa yena. 25Vana va Ana, hi lava: Dixoni na Oholibama, n'wana wa wansati wa Ana. 26Vana va Dixoni, hi lava: Hemi-Dani, na Exibani, na Yitirana, na Kerani.

27Vana va Ezere, hi lava: Bilihani, na Savhana, na Akani.

28Vana va Dixani hi lava: Usi na Arani.

29Tihosana ta Vahori hi leti: hosana Lotani, ni hosana Xobala, ni hosana Sibeyoni, ni hosana Ana, 30ni hosana Dixoni, ni hosana Ezere, ni hosana Dixani. Hi to teto tihosana ta Vahori, hi vuhosi bya tona etikweni ra Seyira.

31Hi leti, tihosi leti nga fuma etikweni ra Edomu, loko ku nga si fuma hosi eka vana va Israele. 32Etikweni ra Edomu ku fuma Bela, n'wana Beyori; vito ra muti wakwe a wu ri Dinihaba. 33Bela a fa, kutani ndzhaku ka yena ku fuma Yobabu, n'wana Zera, wa Bosira. 34Yobabu a fa, kutani ndzhaku ka yena ku fuma Huxama, wa tiko ra Vatemani. 35Huxama a fa; kutani ndzhaku ka yena ku fuma Hadadi, n'wana Bedadi, loyi a tshamaka a hlula Vamidiyani etikweni ra Mowabu, vito ra muti wa yena a wu ri Avhiti. 36Hadadi a fa, kutani ndzhaku ka yena ku fuma Samila, wa Masireka. 37Samila a fa; kutani ndzhaku ka yena ku fuma Xawulu wa Rehoboto, wa le kusuhi ni nambu. 38Xawulu a fa; kutani ndzhaku ka yena ku fuma Baali-Hanani, n'wana Akibora. 39Baali-Hanani, n'wana Akibora, a fa; kutani ndzhaku ka yena ku fuma Hadari; vito ra muti wa yena a wu ri Pawu, ni vito ra nsati wa yena a a ri Mehetabele, n'wana Matirede, n'wana wa xisati wa Mezahaba.

40Mavito ya tihosana leti nga huma eka Esawu, hi tinyimba ta vona, ni matiko ya vona, hi mavito ya vona, hi lawa: hosi Timina, hosi Alivha, hosi Yetete, 41hosi Oholibama, hosi Ela, hosi Pinoni, hosi Kenazi, hosi Temani, hosi Mibisara, 42hosi Magadiele, hosi Iramu. 43Hi tona tihosi ta Edomu hi maako ya tona etikweni leri ngi ti ri fuwile. Hi yena Esawu tata wa Vaedomu.

Currently Selected:

GENESA 36: TSO29

Highlight

Copy