Titus 3
3
Ye unzoo-i be ndi yun kꞌut uzdilhtsꞌi-un
1ꞋEt nyoonne Crete whutꞌenne bula ꞌineh njan huwu ni hotan ha. Ndunne keyoh huwunline ꞌinkꞌez bumoodih unline, ꞌenne bukꞌuneꞌ hootꞌen. ꞋAhoolhyiz ꞌutꞌen unzoo-i, ꞌuhutilhꞌelh wheni lhahúdootꞌeꞌ. 2ꞋUyoonne hoontsiꞌ kꞌunꞌa bughu yahoolhduk junih, ꞌinkꞌez ꞌaw lhdulhyoh ꞌuhudootniꞌ junih. Kꞌus tsꞌiyanne nalhtsulyaz néꞌboohoolhꞌen ꞌinkꞌez ꞌuyoonne tsꞌun yo ꞌúhududoldzin.
3Wheni cha whuz unꞌa za tsꞌuwhusni Ãnleꞌ. Khuni kꞌunulheꞌtsꞌustꞌen. Naznutꞌah. Lhelhdun tsꞌuhóontꞌiꞌ whe hoontsiꞌ te neꞌtsꞌustꞌen. Tsꞌintsiꞌ whe ndi yun kꞌut ꞌuzdáltsꞌiꞌ, ꞌinkꞌez ꞌoonih bulh chaꞌ ꞌutsꞌantꞌeꞌ. êž‹Uyoonne tsꞌuzdutni ꞌinkꞌez tsꞌiyawh lhtsꞌuzdutni. 4êž‹Et hoontsꞌi ꞌoh daꞌ ꞌuja neYakꞌusda neulhyis-un, ꞌen netsꞌun yé nekꞌensiꞌ-i ꞌinkꞌez yé netsꞌun unzoo-i ꞌi bulh, ꞌi tsꞌiyanne nalh be hóodiltsai, ꞌet whe uzdijiz, 5tsꞌihꞌun unꞌa ꞌutsꞌitꞌen-un Ãnleꞌ, ꞌaw ꞌet huwa Ãloh uzdijiz. êž‹Et hoontsꞌi ye teꞌ ninzun-i gha, ꞌi be neúlhyih. êž‹Et ꞌantsꞌi tunátsꞌusguz ꞌet whe doo cha za tsꞌuwhuzdli, ꞌinkꞌez Ndoni be ꞌandit-un natsꞌusdliꞌ, 6ꞌinkꞌez Yakꞌusda netsꞌun oola hoonli whe Ndoni netsꞌitilhꞌaꞌ. Jesus Christ neulhyis-un, ꞌen be ꞌuja, 7ꞌet whe ye unzoo-i gha nelubeshi tsꞌiyawh neba hooloh yulhtsi. êž‹Ilhiz be tsꞌukhuna-i hukwa tse hoodli-un, ꞌet nechꞌeꞌ whutaleh ꞌet huwa. 8Ndi khuni ꞌalhaꞌ ꞌuntꞌoh-i ꞌuntꞌoh. êž‹Inkꞌez ꞌahoolhyiz ꞌet za ndudóniꞌ ntsꞌu hukwaꞌ nuszun. Mbene Yakꞌusda ooba ꞌalhaꞌ yintꞌohne, huwu hinli whe ꞌutꞌen unzoo-i za ꞌahoolhyiz higha oonaꞌ. Ndi khuni tsꞌiyanne ba unzoo ꞌinkꞌez dune whe sooꞌ hutitꞌelh.
Lhdulhyoh ꞌudoohniꞌ junih
9êž‹Et hoontsꞌi Moses ooghuni ꞌukꞌu neyuzguz-i ghun, whusni khuni cha, ꞌinkꞌez lhenyoone whutsodaꞌne huye yailhduk-i, ꞌi cha, ꞌinkꞌez lhdulhyoh ꞌuhudutni, ꞌet tsꞌiyawh oochꞌoh ꞌontꞌeꞌ. êž‹Aw tsꞌiyanne ba lheꞌhoozooꞌ ꞌinkꞌez ꞌantsꞌi hoonli wheꞌ hoontꞌoh. 10Mbe dune lhchꞌaz nilhtꞌi-un, ꞌet whulh nat-un dah dániꞌ de, ꞌinkꞌez ꞌaw lhunyudústsꞌo de, teneóolhꞌaꞌ. 11TꞌeoonÃnzun nduntꞌoh-un dune ꞌen dudeni be tankꞌus úninzun ꞌinkꞌez lubeshi ꞌulhꞌen-un ꞌet za hoontꞌiꞌ. êž‹Et huwa ꞌi be dichꞌoh nintaꞌdudulti whe ꞌuntꞌoh.
ꞋUdekꞌez khuni yé bubulh yánalduk
12êž‹Et Artemas kꞌus Tychicus ꞌilhoghun ntsꞌu tÃsꞌalh de, ꞌet ꞌaho diz tonyaꞌ, njan keyoh Nicopolis tsꞌuwhútni-un. êž‹Et khit wheni njan tisdalh-un lhaóodusdla ꞌet huwa. 13êž‹Et Zenas dune ba yalhduk-un ꞌinkꞌez Apollos, ꞌenne khun nkꞌuhunꞌas de, di la hikaꞌ ninzun-i, ꞌi butlꞌa yónlelh, ꞌa cho hutooꞌas. êž‹Inkꞌez khun hoonli ꞌe hundunótsꞌit junih. 14êž‹Inkꞌez netsꞌu ditnine, tꞌehonoozeh ꞌutꞌen unzoo-i za ꞌuhoolhꞌen. êž‹Uyoonne hiye ndunidzit-i huye búlaꞌ hootꞌen. êž‹Et sih ndi yun kꞌut ꞌantsꞌi ꞌet lhodólhtsꞌi.
Ye unzoo-i nohbulh óotꞌeꞌ
15Mbene la szih dilhtsꞌine, ꞌenne hadih nyuhútni. Mbene la ooba ꞌalha ꞌuhoontꞌohne nekꞌensiꞌne, ꞌenne cha tsꞌiyawh neba hadih budÃni. êž‹Et Yakꞌusda ye unzoo-i nohni tsꞌiyawh nohbulh ootꞌeꞌ. êž‹Et ndo honeh.
Currently Selected:
Titus 3: crx
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.
