Sefanaia 2
2
O le Apoapoa‘iga ‘iā Isaraelu ‘ia latou Salamō
1‘Ia ‘outou fa‘apotopoto ‘outou, ‘inā fa‘apotopotoina ia ‘outou, le nu‘u e le mana‘omia;#Iere 6.15 2manū o le‘i fānau mai le pule; o lo‘o mavae atu le aso pei o aputi o saito; manū o le‘i o‘o mai i le to‘asā tele o le ALI‘I ‘iā te ‘outou; manū o le‘i o‘o mai ‘iā te ‘outou le aso o le to‘asā o le ALI‘I. 3‘Ia ‘outou sā‘ili i le ALI‘I, ‘outou uma ‘ua agamalū i le nu‘u, o ē ‘ua faia lana fa‘amasinoga; ‘ia ‘outou sā‘ili le amiotonu ‘ia ‘outou sā‘ili le agamalū, atonu e lilo ai ‘outou i le aso o le to‘asā o le ALI‘I.#Sala 76.9; Isai 11.4; 26.20-21; Amo 5.6, 14-15
O le Malaia o Nu‘u o lo‘o Si‘omia Isaraelu
4Auā o tu‘ulafoa‘iina Kasa, o ‘avea fo‘i Asekelona ma mea gaogao; o Asetota latou te tulia o ia i le tutonu o le lā, e lia‘iina fo‘i Ekerona.#Isai 14.29-31; Iere 47.1-7; Eseki 25.15-17; Ioe 3.4-8; Amo 1.6-8; Saka 9.5-7 5‘Oi talofa i ē nonofo i nu‘u tumatafaga, o le nu‘u o Kereti, o lo‘o fa‘asaga ‘iā te ‘outou le afioga a le ALI‘I; Kanana e, le nu‘u o Filisitia, ‘ou te fa‘aumatia oe, e i‘u ‘ina leai sē nofo ai.#Iosu 13.3; Eseki 25.16 6E ‘avea fo‘i nu‘u tu matāfaga ma lotoā a manu, ma vai‘eli o ē leoleo manu, ma lotoā mamoe. 7E ‘avea fo‘i le nu‘u mo ē o totoe o le ‘āiga o Iuta, latou te ‘a‘ai ai; o le afiafi latou te ta‘o‘oto ai i fale o Asekelona; auā e asiasi le ALI‘I lo latou Atua ‘iā te i latou ma fa‘afoisia mai la latou tāfeaga.#Saka 10.3; Luka 1.68
8‘Ua ‘ou fa‘alogo atu i le fāifai mai a Moapi, ma le fa‘aleaga mai a le fānauga a Amoni, ‘ua latou fāifai mai ai i lo‘u nu‘u, ma latou fa‘amaualuluga mai ai i lo latou tuā‘oi.#Isai 15.1—16.14; 25.10-12; Iere 48.1—49.6; Eseki 21.28-32; 25.1-11; Amo 1.13-15 9O le mea lea, o lo‘o fa‘apea mai ai le ALI‘I o ‘au le Atua o Isaraelu: ‘Ou te ola a‘u, e ‘avea lava Moapi pei o Sotoma, o le fānauga a Amoni fo‘i pei o Komoro, o le mea o i ai le vao ogoogo, ma lua o masima, o le mea gaogao fo‘i e fa‘avavau; o ē o totoe o lo‘u nu‘u latou te vetea i latou o ē totoe fo‘i o o‘u tagata latou te fai i latou mo i latou lava.#Kene 19.24
10E o‘o lea mea ‘iā te i latou ‘ona o lo latou fa‘amaualuluga auā na latou fāifai ma fa‘amaualuga i le nu‘u o le ALI‘I o ‘au. 11E mata‘utia le ALI‘I e i latou; auā na te fa‘aumatia atua uma o le lalolagi; e ifo tagata ‘iā te ia ta‘itasi i le mea e nofo ai, o nu‘u tumatafaga uma o nu‘u ‘ese.#Sala 22.27; Mala 1.11
12‘Outou Aitiope fo‘i e fasiotia ‘outou i la‘u pelu.#Isai 18.1-7
13Na te fa‘aloaloa atu fo‘i lona ‘a‘ao i le itū i matū, ma fa‘aumatia Asuria; e fai fo‘i e ia o Nineva ma mea gaogao o le nu‘u naumati pei o le vao.#Isai 10.5-34; 14.24-27; Nau 1.1—3.9 14E ta‘o‘oto fo‘i i ai lafu o manu vaefā uma o nu‘u ‘ese; o le kati ma le kifota la te momoe i tumutumu o ona pou; e tagi le leo o manu i fa‘amalama, e gaogao faitoto‘a; auā e aliali mea ‘ua fai i arasi.#Isai 13.21; 34.11, 13-14 15O le ‘a‘ai mitamita lenā i sa nofo fa‘atalanoa, o lē sa fa‘apea ifo i lona loto, “O a‘u lava, e leai se tasi, na o a‘u;” ‘oi! ‘ua fa‘apea ‘ona fai ma mea gaogao; o le mea e ta‘o‘oto ai manu fe‘ai; e ta‘itasi ma uisa o ē ui ane ai, e tusi atu ai o latou lima.#Isai 47.8; Iere 19.8; Nau 3.19
Currently Selected:
Sefanaia 2: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
