Salāmo 84
84
‘Ua Matuā Naunau le Tagata o le Atua e alu atu i Lona Malumalu
Ma le usu pese i le kata; o le salāmo mā le fānauga a Koru
1Le ALI‘I o ‘au e,#Sala 27.4; 43.3
e matuā mana‘omia ou afio‘aga.
2O lo‘o naunau lo‘u agaga ma ‘ua lailoa
i le fia alu atu i lotoā o le ALI‘I;
o lo‘o ‘alaga fiafia lo‘u loto ma lo‘u tino
i le Atua soifua.
3E moni, o le manulele ‘ua maua se fale,#Sala 5.2
o le pe‘ape‘a fo‘i ‘ua maua sona ōfaga
e tu‘u ai lana toloa‘i.
O au lava fatafaitaulaga, le ALI‘I o ‘au e,
o lo‘u Tupu ma lo‘u Atua.
4‘Amu‘ia i latou ‘ua nonofo i lou fale;
latou te vivi‘i pea ‘iā te oe. Selā.
5‘Amu‘ia le tagata o lo‘o ‘iā te oe lona malosi;
o ala ‘ua i o latou loto ia.
6‘Ua ui ane i latou i le vanu o Peka,#Eseki 34.26
‘ua faia lea e i latou ma vaipuna;
‘ua ufitia ai i le manuia ‘ona o le uaga muamua.
7Latou te sāvavali ma le malosi e tupu pea;#Sala 42.2; Fa‘ata 4.18; Isai 40.31; 2 Kori 3.18
e iloa i latou i Siona i luma o le Atua.
8Le ALI‘I e, le Atua o ‘au,
‘ia e fa‘afofoga mai i la‘u tatalo.
Le Atua o Iakopo e,
‘ia liliu mai ou fofoga. Selā.
9Le Atua e,
lo matou talitā, ‘ia e silasila mai,
‘ia e matuā silasila mai i fofoga o lē na e fa‘au‘uina.
10Auā e sili le aso e tasi i ou lotoā i lo le afe.#Sala 15.2; 34.9-10; Fa‘ata 2.7; Isai 60.19-20; Mala 4.2; Fa‘aa 21.11, 23
E sili lo‘u mana‘o ‘ia a‘u tu i le faitoto‘a o le fale o lo‘u Atua,
i le mana‘o e mau i fale ‘ie o ē amio leaga.
11Auā o le ALI‘I le Atua o le lā lava ia ma le talitā;
e foa‘iina mai e le ALI‘I le alofa tunoa ma le manuia
e le tāofia e ia se mea lelei i ē ‘ua sao lo latou sāvavali.
12Le ALI‘I o ‘au e,#Sala 2.12
‘amu‘ia le tagata ‘ua fa‘atuatua ‘iā te oe.
Currently Selected:
Salāmo 84: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
