Mika 1
1
O le To‘asā o le Atua ‘iā Iuta ma Isaraelu ‘ona o a Latou Amio
1O le afioga a le ALI‘I na o‘o mai ‘iā Mika le Morese i ona po o Iotama ma Aasa ma Esekia, o tupu o Iuta, na ia i iloa i mea a Samaria ma Ierusalema.#2 Tu 15.32—16.20; 18.1—20.21; 2 No 27.1-7; 28.1—32.33
O le Auega ‘iā Samaria ma Ierusalema
2Fa‘alogologo mai ia ‘outou nu‘u uma;#Sala 11.4; 50.7; Isai 1.2; Mika 3.1, 9; 6.1-2; Mala 3.5
fa‘asaga mai ia le lalolagi e.
‘Atoa ma mea ‘ua tumu ai se‘ia fai e le Ali‘i le ATUA ana mau ‘iā te ‘outou,
o le Ali‘i lava a‘i lona malumalu pa‘ia.
3Auā fa‘auta,
o lo‘o afio mai le ALI‘I a‘i lona afio‘aga,
e afio ifo o ia ma soli i mea maualuluga o i le lalolagi.
4E liu suāvai mauga i lalo ‘iā te ia,#Fa‘ama 5.5; Sala 97.5; Nau 1.5
e māvaevae vanu,
pei o le pulu i le afi,
fa‘apei o le vai na tafe ifo i le tofē.
5‘Ona o le solitulafono a Iakopo e o‘o ai ia mea uma, ‘ona o agasala fo‘i a le ‘āiga o Isaraelu. Se a ‘ea le solitulafono a Iakopo? E lē o Samaria ‘ea? O a ‘ea fo‘i mea maualuluga a Iuta? E lē o Ierusalema ‘ea? 6O le mea lea ‘ou te fai ai Samaria ma faupu‘egama‘a i le fanua ma mea e totō ai vine, ‘ou te tuleia fo‘i i lalo i le vanu ona ma‘a ‘ou te fa‘ata‘atitiafuaina ona fa‘avae.#1 Tu 16.24; Mika 3.12 7E nutinini‘ia fo‘i ona tupua ‘ua ta uma, e susunuina fo‘i ‘ona taui uma i le afi, ‘ou te fa‘atafunaina fo‘i ona tupua uma; auā o le taui o le fafine talitane na ia fa‘aputuina ai, e toe fo‘i atu fo‘i ia mea i le taui o le fafine talitane.
8O le mea lea ‘ou te tagitu‘i ai ma ‘ou uiō, ‘ou te fealua‘i ma le lē ‘ofu ma le lē lavalavā ‘ou te tagi pei o luko ma ‘ou fa‘anoanoa e pei o iaena.#Iopu 30.29; Isai 20.2-4; 22.4 9Auā e leaga ona manu‘a; auā na o‘o lava i Iuta; ‘ua pa‘ia lava le faitoto‘a o lo‘u nu‘u, o Ierusalema lava.
‘Ua Latalata mai le fili i Ierusalema
10‘Aua ne‘i ta‘uatua i Kato, ‘aua ne‘i fētāgisi i Ako; ‘ia e ta‘afili i le efuefu i Petofira.#2 Samu 1.20; Iere 6.26 11‘Inā ui ane ia e lē o lavalavā ma le mā o oe na lē mau i Safiri; e le‘i alu atu lē ‘ua mau i Saanana; o le auega a Peteseli e ‘ave‘eseina ia ‘iā te ‘outou le mea e tu ai o ia. 12‘Ua fa‘anoanoa lava lē ‘ua mau i Marota ‘ona o le manuia; auā ‘ua o‘o ifo le malaia mai le ALI‘I i le faitoto‘a o Ierusalema.#Amo 3.6 13O oe lē mau i Lakisa, ‘ia e nonoa le nofoa fa‘ata‘avalevale i le solofanua televave; (o ia o le amataga o le agasala i le tama fafine a Siona;) auā ‘ua iloa i totonu ‘iā te oe solitulafono a Isaraelu.#2 Tu 18.14, 17; Hose 13.1 14O le mea lea ‘e te avatu ai se tusi alei ‘iā Morese Kato; e fai fo‘i fale o Akasepa ma pepelo i tupu o Isaraelu.
15I le ma lea, o oe na o lē mau i Maresa, ‘ou te ‘aumai ‘iā te oe o lē na te fai oe mōna; e o‘o lava ia i Atulama le mamalu o Isaraelu. 16‘Ia e tafi lou lauulu ma ‘ia e sele mamā ‘ona o au fānau pele, ‘ia e fa‘alautele le mea ‘ua tafia pei o le aeto; auā ‘ua tāfea ‘ese i latou ‘iā te oe.#1 Samu 22.1-2; Isai 22.12
Currently Selected:
Mika 1: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
