Iona Fa‘atomuaga
Fa‘atomuaga
O le Tusi a le Perofeta o Iona, e i ai le talitonuga sa tusia pe tusa o le ‘ogātotonu o le valu o seneturi 786-746 T.L.M; i le nofoa‘iga a le tupu o Ierepoamo II, (2 Tu 14.25). O le tusi o le tala‘aga o le tagata lē usita‘i ma e lē fa‘alogo i le Atua. Sa fa‘atonuina e le Atua Iona e alu e ‘ave lana afioga i Nineva o le ‘a‘ai ‘iloga o Asuria o le fili o Isaraelu. ‘Ae o Iona na lē fia alu e ‘ave le finagalo o le Atua i ai ‘ona o lona fefe auā o le ‘a‘ai o tagata fa‘apaupau. ‘Ina ‘ua mavae atu le fa‘alavelave na tupu ‘iā Iona, ‘ona salamō ai lea o ia ma toe fo‘i i Nineva e fai le finagalo o le Atua. I lenei tala e fa‘ailoa mai ai le alofa ma le faimeatonu o le Atua i mea uma na ia faia ‘ae maise lona alofa i fili o Isaraelu. E alofa le Atua i tagata uma.
O le Fa‘asologa o Matā‘upu:
O le vala‘auga o Iona ma lona lē usita‘i 1.1-17
O le salamō o Iona 2.1-10
O le tala‘iga a Iona i Nineva 3.1-10
O le alofa o le Atua ‘iā Nineva 4.1-11
Currently Selected:
Iona Fa‘atomuaga: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.