Iona 3
3
O le Tala‘iga a Iona i Nineva. O le Salamō o Nineva
1‘Ona o‘o mai lea o le afioga a le ALI‘I ‘iā Iona, o le fo‘i fa‘alua mai lea, ‘ua fa‘apea mai, 2“‘Inā tula‘i ia, ‘inā alu i Nineva le ‘a‘ai tele ma tala‘i atu i ai le tala‘iga ‘ou te fai atu ai ‘iā te oe.” 3‘Ona tula‘i ai lea o Iona, ‘ua alu i Nineva, e fa‘apei ‘ona fetalai mai o le ALI‘I o le ‘a‘ai matuā tele lava Nineva, e tusa ma le sāvaliga o aso e tolu. 4‘Ua amata ‘ona ulu atu o Iona i le ‘a‘ai, o le sāvaliga o le aso e tasi, na ‘alaga fo‘i o ia, ‘ua fa‘apea atu, “E toe fagafulu po ‘ona fa‘aumatia lea o Nineva.”
5‘Ona talitonu ai lea o tagata o Nineva i le Atua, ‘ua tala‘i atu fo‘i e i latou la latou anapogi, ‘ua latou ‘o‘ofu fo‘i i le ‘ie talatala, o ali‘i ‘atoa ma tagatanu‘u.#2 No 20.3; Luka 11.32
6Auā ‘ua o‘o le tala i le tupu o Nineva, ‘ona tula‘i ai lea o ia i lona nofoāli‘i ma tu‘u ‘ese ‘iā te ia lona ‘ofu tele, ‘ona ufitia lea o ia e ia i le ‘ie talatala ma nofo i le lefulefu.#Iopu 1.20; 2.8 7‘Ua ia tala‘i atu ma fa‘ailoa atu i Nineva i le pule a le tupu ma ali‘i sa ‘iā te ia, ‘ua fa‘apea atu, “‘Aua ne‘i ‘ai sina mea e tagata po o manu, po o lafu povi, po o lafu mamoe; ‘aua lava ne‘i latou ‘a‘ai, ‘aua fo‘i, latou te inu vai.#Tani 6.26; Ioe 1.18, 20 8A ‘ia ufitia lava tagata ma manu i ‘ie talatala, ma ‘ia latou matuā ‘alalaga atu i le Atua; ‘ia latou ta‘itasi fo‘i ma liliu mai i lana amioga leaga ma le fa‘asauā ‘ua i o latou lima.#Isai 59.6; Iere 36.3 9O ai se na te iloa, atonu e liliu mai le Atua ma salamō ma liliu ‘ese i lona to‘asā mamafa, ‘ina ‘ia lē fano ai i tatou.”#2 Samu 12.22; Ioe 2.14
10‘Ua silafia e le Atua a latou galuega, ‘ina ‘ua liliu ‘ese i latou i lo latou ala leaga; ‘ona salamō ai lea o le Atua i le malaia na ia fetalai mai na te faia ‘iā te i latou; e le‘i faia.#Iere 18.8
Currently Selected:
Iona 3: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
