Eperu 6

‘Ia Tumau i le Fa‘atuatua, auā e Fa‘amaoni le Atua

1O le mea lea ‘inā tatou tu‘ua ai ia o a‘oa‘oga muamua a Keriso, a ‘ia tatou fa‘ao‘o atu i le fa‘a‘ato‘atoaga; ‘aua le toe tu‘uina i lalo le fa‘avae o le salamō i galuega e oti ai, ma le fa‘atuatua i le Atua, 2o le matā‘upu i papatisoga,#6.2 papatisoga: po o sauniga o le fa‘amamāina. ma le fa‘ae‘e atu o lima, ma le toe tutū mai o ē ‘ua oti ma le fa‘amasinoga e fa‘avavau. 3Tatou te faia fo‘i lenā mea, pe a finagalo i ai le Atua.

4Auā e lē mafaia ‘iā te i latou ē na mua‘i fa‘amalamalamaina, na latou tofo fo‘i i le mea foa‘ifuaina mai i le lagi, ma ‘ua fa‘atofutofusia i le Agaga Pa‘ia,#Epe 10.26-27; Mata 12.31; 1 Ioane 5.16 5o ē ‘ua tofo fo‘i i le ‘upu lelei a le Atua ma le mana o le ola atalī, 6ma ‘ua pa‘u‘ū i latou, e lē mafaia ‘ona toe fa‘afouina o i latou ‘ina ‘ia salamō, ‘ina ‘ua toe fa‘asatauroina e i latou lava le Alo o le Atua, ma fa‘a‘inosia o ia i luma o tagata.

7Auā o le ‘ele‘ele e inu i le timu e pa‘ū so‘o i ai, ma tutupu ai fua e aogā ‘iā te i latou o ē galulue i ai, ‘ua maua le manuia mai le Atua;#Kene 1.11-12 8a o le mea e tutupu mai ai la‘au tuitui ma anaoso, ‘ua lafoa‘iina lea, ‘ua latalata fo‘i ‘ina fetu‘uina, o lona i‘uga ‘ia susunuina.#Kene 3.17-18

9A o ‘outou, le ‘au pele e, e ui lava ‘ina ‘ua fa‘apea ‘ona matou tautala atu ai, matou te mautinoa i mea e sili ‘ona lelei mai ‘iā te ‘outou, o mea fo‘i ‘ua i ai le fa‘aolataga. 10Auā e lē amioletonu le Atua, na te lē fa‘agalogaloina la ‘outou galuega ma le alofa ‘ua ‘outou fa‘aali mai ai i lona suafa, auā na ‘outou ‘au‘auna i le ‘au pa‘ia, i le o lo‘o ‘outou ‘au‘auna i ai. 11A ‘ua matou manana‘o tele ‘ina ‘ia ‘outou ta‘itasi ma fa‘aali mai lea lava filigā, ‘ina ‘ia mautinoa le fa‘amoemoe e o‘o i le gata‘aga; 12‘ina ‘ia lē paiē, a ‘ia fa‘aa‘oa‘o i ē na maua i le fa‘atuatua ma le ‘onosa‘i mea na folafolaina.

O le Folafolaga a le Atua

13Auā a o folafola mai e le Atua ‘iā Aperaamo, ‘ua lē mafaia ‘ona tautō ia i se tasi e sili ‘iā te ia, o lea na tautō ai o ia ‘iā te ia lava.#Kene 22.16-17 14‘Ua fa‘apea mai, “E moni lava, ‘ou te matuā fa‘amanuia ‘iā te oe, ma ‘ou matuā fa‘ato‘ateleina lau fānau.” 15Na ‘onosa‘i lava o ia, ‘ona maua lea e ia o le mea na folafolaina. 16Auā e tautō tagata i se tasi e sili, o lē tautō fo‘i e fa‘amaoni ai, o le i‘uga lea o fefinaua‘iga uma ‘iā i latou.#Eso 22.10 17E fa‘apea fo‘i le Atua, ‘ina ‘ua finagalo ai o ia e fa‘ailoa atili ai i ē ‘ua tofia i mea na folafolaina, o lana lava pule e lē mafaia ‘ona liua na ia fa‘aopoopo i ai le tautō, 18‘Ina ‘ia ‘iā i tatou o mea e lua e lē mafai ‘ona liua, e lē mafai ‘ona pepelo ai le Atua, tatou te maua ai le fa‘amafanafanaga tele, o i tatou o ē ‘ua sōsōla e tago atu i le fa‘amoemoega ‘ua tu‘u i o tatou luma.#Nume 23.19; 1 Samu 15.29 19‘Ua ‘iā i tatou lenā fa‘amoemoega, pei se taula o le agaga, e lē mātosina ma ‘ua mausalī, e o‘o fo‘i i totonu i tala atu o le ‘ie puipui.#Levi 16.2, 12 20O le mea ‘ua afio atu ai Iesu, o lē ‘ua muamua atu mo i tatou ‘ua fai o ia ma ositaulaga sili e fa‘avavau, e uiga fa‘atasi ma Mekisateko.

Currently Selected:

Eperu 6: RSCB

Highlight

Copy