Hakai Fa‘atomuaga
Fa‘atomuaga
O le tusi a le perofeta o Hakai, o se tusi e pu‘upu‘u ma o lo‘o i ai se fe‘au tāua tele mai le Ali‘i. O le tusi lenei sa tusia e fa‘atusaina i le tausaga e 520 T.L.M. O le vaitau tonu lenei ‘ua toe fo‘i mai ai tagata mai le tāfeaga i Papelonia ‘ina ua ‘avea Peresia ma mālō malosi i lenā vaitau. Sa latou nonofo i Ierusalema mo ni nai tausaga a o le‘i tagofia lava le toe fausiaina o le Malumalu. O Hakai le perofeta sa lagolago malosi i le fausia o le malumalu o le Atua i Ierusalema. Sa ia fautuaina ma tauānauina tagata ‘ia fa‘amalolosi i le galuega o le fale o le Atua (Esera 5.1-2. 6.14). O le manatu ‘autū o le tusi o le tauānauina o ta‘ita‘i o le mālō ma tagata, ‘ua tatau ‘ona toe fausia le Malumalu; ma le folafolaga a le Ali‘i mo le manuia ma le filemū i le lumana‘i mo ona tagata.
O le Fa‘asologa o Matā‘upu:
O le fa‘atonuga ‘ina ‘ia toe fausia le Malumalu 1.1-23
O le fe‘au fa‘amafanafana ma fa‘amalosi‘au 2.1-23
Currently Selected:
Hakai Fa‘atomuaga: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.