Esther Greek 10
10
O le Mamalu o Asueru ma le Fa‘asilisiliina o Moretekai e Ia
1Na totogi atu e le tupu o Asueru i le vao nu‘u ma nu‘u tuloto i tai, ‘ia faia le taulaga ‘iā te ia. 2O mea uma na faia i lana pule ma lona malosi ma le tala i le silisili o Moretekai na fa‘asilisiliina ai o ia e le tupu, e le‘i tusia ‘ea ia mea i le tusi o tala i nofoa‘iga a tupu o Metai ma Peresia?#Ese 8.15; 9.4 3Auā na aupito Moretekai o lo sa Iutā i le tupu o Asueru; na silisili o ia i sa Iuta; na fiafia ‘iā te ia le to‘atele o ona uso; ‘ua sā‘ili e ia ‘ia manuia lona nu‘u; ‘ua tautala fo‘i ma le alofa i lona nu‘u uma.#Kene 41.40
‘Ua Manatua e Moretekai lana Miti#O le fuai‘upu 4-13 lenei mai le Tusi Pa‘ia i le gagana Eleni, sa tu‘uina i le fa‘asi‘usi‘uga o Tusi o le Feagaiga Tuai. Sa ta‘ua o le Tusi ‘iā Eseta (Vaega Fa‘aopoopo) 10.4-13.
4‘Ua fa‘apea ane o Moretekai: O mea ia na faia e le Atua. 5Auā ‘ou te manatua la‘u miti na ‘ou fai i ia mea, ‘ua leai fo‘i se mea e le‘i taunu‘u. 6O le punāvai itiiti ‘ua ‘avea ma vaitafe tele, ma le malamalama, ma le la, ma ni vai e tele anoanoa‘i o le vaitafe, o Eseta lea, na la fa‘aipoipo ma le tupu ma fai māna masiofo. 7O tarako e lua, o Hamanu lea ma a‘u. 8O nu‘u, o i latou ia na potopoto ‘ina ‘ia latou fa‘aumatia le igoa Iutaia. 9O lo‘u nu‘u, o Isaraelu lea o le na ‘alaga atu i le Atua, i le ‘ua fa‘aolaina. O le Ali‘i na fa‘aola i lona nu‘u, o le Ali‘i na lavea‘i ‘iā te i tatou mai mala uma ia; ‘ua faia e le Atua o fa‘ailoga ma vāvega e le‘i faia i nu‘u ‘ese. 10O le mea lea na faia ai e ia o tofi e lua, o le tasi mo le nu‘u o le Atua ma le tasi mo nu‘u ‘ese. 11‘Ua o‘o mai fo‘i o ia tofi i atunu‘u uma i le itūaso, ma le vaitausaga, ma le po na ‘atofaina i le finagalo o le Atua. 12‘Ona manatua lea e le Atua lona nu‘u ma fa‘amamalu i lona tofi. 13Latou te tausia fo‘i ia aso i le masina o Atara, i lona sefulu ma le fa ma lona sefulu ma le lima o aso o lea masina, latou te fa‘apotopoto ai le nu‘u i le fiafia ma le ‘oli‘oli i luma o le Atua i lona sefulu ma le lima o aso o lea masina, latou te fa‘apotopoto ai le nu‘u i le fiafia ma le ‘oli‘oli i luma o le Atua i tupulaga uma lava o lona nu‘u o Isaraelu i le fa‘avavau.
O ‘Upu Mulimuli e Uiga i le Tusi#O le fuai‘upu 14 lenei mai le Tusi Pa‘ia i le gagana Eleni, sa tu‘uina i le fa‘asi‘usi‘uga o Tusi o le Feagaiga Tuai. Sa ta‘ua o le Tusi ‘iā Eseta (Vaega Fa‘aopoopo) 11.1.
14O lona fa o tausaga o le nofoa‘iga a Tulomaio ma Kaleopatara, na ‘aumai ai i Aikupito le tusi i Purimi e Tositeu, fai mai o le ositaulaga o ia ma le sa Levi moni, ma lona atali‘i o Tulomaio. ‘Ua la fai mai o le tusi fa‘amaoni le tusi lea na fa‘aliliu e Lusimako, o le atali‘i o le tasi Tulomaio o lo‘o mau i Ierusalema.
Currently Selected:
Esther Greek 10: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.