Amosa 7
7
O Mea Faigatā e Tutupu i Isaraelu
1‘Ua fa‘apea ‘ona fa‘ailoaina mai ‘iā te a‘u e le Ali‘i le ATUA; fa‘auta, na ia fa‘atupuina o sē akerise i ona fa‘ato‘ā tutupu a‘e o le vao mulimuli; fa‘auta fo‘i, o le vao mulimuli ia, a ‘ua mavae atu seleselegāmutia a le tupu.#Ioe 1.4 2‘Ona o‘o lea ‘ina uma ‘ona ‘a‘ai o le vao iti o le fanua, ‘ona ‘ou fa‘apea atu ai lea, “Le Ali‘i le ATUA e, ‘ou te ‘ai‘oi atu ‘ia e fa‘amāgalo mai. Pe tula‘i ‘iā te ai Iakopo, auā ‘ua vaivai lava ia?”
3‘Ua salamō le ALI‘I i lenā mea; ‘ua fa‘apea mai le ALI‘I, “E lē o‘o.”#Ioe 2.13
O le Afi
4‘Ua fa‘apea ‘ona fa‘ailoaina mai ‘iā te a‘u e le Ali‘i le ATUA; fa‘auta, na vala‘au atu le Ali‘i le ATUA ‘ia tauia i le afi, i ē ‘ua fa‘aumatia le moana tele ma fa‘aumatia ai le tasi mea. 5‘Ona ‘ou fai atu lea, “Le Ali‘i le ATUA e, ‘ou te ‘ai‘oi atu, ‘inā sōia; pe tula‘i ‘iā te ai Iakopo, auā ‘ua vaivai lava ia?”
6‘Ua salamō le ALI‘I i lenei mea; ‘ua fa‘apea mai le Ali‘i le ATUA, “E lē o‘o fo‘i lenei mea.”
O le Fua Fa‘atautau
7Sa fa‘apea ‘ona fa‘ailoaina mai e ia ‘iā te a‘u; fa‘auta, ‘ua tu le Ali‘i i le ‘aupā tu sa‘o, ‘ua i ai i lona ‘a‘ao o le fua fa‘atautau.#2 Tu 21.13; Amo 7.17 8‘Ona fetalai mai lea o le ALI‘I ‘iā te a‘u, “Amosa e, se a ‘ea se mea ‘ua e iloa?”
I le ‘ua ‘ou fa‘apea atu, “O le fua fa‘atautau.”
‘Ona fetalai mai ai lea o le Ali‘i, “Fa‘auta, ‘ou te tu‘u se fua fa‘atautau i totonu o lo‘u nu‘u o Isaraelu, ‘ou te lē toe sopo‘ia lava. 9E fa‘atafunaina mea maualuluga a Isaako, e fa‘atafunaina fo‘i malumalu o Isaraelu; ‘ou te tula‘i atu ma le pelu i le ‘āiga o Ierepoamo.”#Kene 26.23, 25; 2 Tu 15.8-15
O Amosa ma Amasia
10‘Ona alu lea o le fe‘au a Amasia le ositaulaga a Peteli ‘iā Ierepoamo le tupu o Isaraelu, ‘ua fa‘apea atu, “‘Ua fouvale Amosa ‘iā te oe i le ‘āiga o Isaraelu, ‘ua lē lavā ‘onosa‘i le nu‘u i ana ‘upu uma.#1 Tu 12.29—13.1; Iere 38.4 11Auā ‘ua fa‘apea mai Amosa,
‘E maliu Ierepoamo i le pelu,
e matuā ta‘ita‘iina Isaraelu fa‘atagata o tau‘a
a‘i lo latou lava lau‘ele‘ele.’”
12‘Ua fa‘apea mai fo‘i Amasia ‘iā Amosa, “Le tagata va‘ai e, alu ia, ‘inā sola oe i le nu‘u o Iuta ma e ‘ai i lea mea ma vavalo ai.#1 Samu 9.9; Amo 1.1; 2.12 13‘Ae ‘aua ‘e te toe vavalo i Peteli; auā o le malumalu lea o le tupu, o le maota fo‘i o le tupu.”
14‘Ona tali atu lea o Amosa ‘ua fa‘apea atu ‘iā Amasia, “‘Ou te lē se perofeta a‘u nei, ‘ou te lē se atali‘i fo‘i o se perofeta; a o le fagamanu a‘u ma le galue i sukamoru.#Saka 13.5 15A ‘ua ‘avea a‘u e le ALI‘I sa ou mulimuli i le lafu mamoe ma ‘ua fa‘apea mai le ALI‘I ‘iā te a‘u: ‘Alu ia, ‘inā e vavalo i lo‘u nu‘u o Isaraelu.’#Sala 78.71; Eseki 6.2; 20.46
16“O lenei, ‘inā e fa‘alogo mai ia i le afioga a le ALI‘I.
‘Ua e fai mai, ‘‘Aua le vavalo ‘iā Isaraelu,
‘aua fo‘i le tautala atu i le ‘āiga o Isaako.’
17O le mea lea o lo‘o fa‘apea mai ai le ALI‘I:
‘E ‘avea lau avā ma fafine faita‘aga i le ‘a‘ai,
e pa‘u‘ū fo‘i i le pelu o ou atali‘i ma ou afafine,
e vaevaeina i le fua lou fanua; e oti fo‘i oe i le nu‘u leaga;
e matuā tāfea Isaraelu a‘i lona lau‘ele‘ele.’”#Iere 28.16; 29.21, 31
Currently Selected:
Amosa 7: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
