Amosa 5

O le Apoapoa‘iga ‘iā Isaraelu ‘ia Latou Salamō

1Le ‘āiga o Isaraelu e, ‘ia ‘outou fa‘alogologo i lenei ‘upu ‘ou te sauni atu ai ‘iā te ‘outou, o le pese o aualofa a‘i lava.#Eseki 19.1

2‘Ua pa‘ū le taupou o Isaraelu,

e lē toe tula‘i;

‘ua ta‘atia o ia i lona lau‘ele‘ele,

e leai sē na te fa‘atula‘iina o ia.

3Auā o lo‘o fa‘apea mai le Ali‘i le ATUA: O le ‘a‘ai na ō atu ai le to‘aafe, e totoe le to‘aselau; i le ma le ‘a‘ai na ō atu ai le to‘aselau, e totoe le to‘atinoagafulu i le ‘āiga o Isaraelu.

4Auā o lo‘o fa‘apea mai le ALI‘I i le ‘āiga o Isaraelu: ‘Ia ‘outou sā‘ili mai ‘iā te a‘u, tou te ola ai.#2 No 15.3; Sefa 2.3 5‘Ae ‘aua le sā‘ili ‘iā Peteli, ‘aua le o i Kilikala, ‘aua fo‘i le ui atu i Peresepa; auā e matuā tāfea Kilikala, e i‘u vale Peteli.

6‘Ia ‘outou sā‘ili i le ALI‘I, tou te ola ai, ‘ina ne‘i o‘o atu o ia pei se afi i le ‘āiga o Iosefa ma fa‘aumatia ai, e leai fo‘i se tasi i Peteli na te tineia.#Isai 9.18-19 7O ‘outou o ē liliu le fa‘amasinoga i laena ma lafo i lalo le amiotonu i le ‘ele‘ele.

8‘Ia ‘outou sā‘ili,#Iopu 9.9; 38.31

i lē na na faia Kima ma Kisila.

O lē na te liua le ata o le oti i le taeao

ma fa‘apouliuligia le ao peiseaī ‘ua po.

O lē na te vala‘auina le suāsami o le sami

ma liligi ifo ai i le fogā‘ele‘ele.

O le ALI‘I o lona suafa lea.

9O lē na te fa‘ao‘o fa‘afuase‘i atu le fa‘atafunaga i lē ‘ua malosi, ‘ona o‘o atu ai lea o le fa‘atafunaga i le ‘olo.

10‘Ua latou ita atu i lē ‘ua a‘oa‘i i le faitoto‘a ma ‘ua latou ‘ino‘ino i lē ‘ua tautala fa‘amaoni.#Ruta 4.1; 1 Tu 22.8; Isai 29.21 11O lenei fo‘i, ‘ua ‘outou soli i lē ‘ua vaivai, mōna ‘ua ‘outou tali fo‘i ‘iā te ia o taulaga saito; o le mea lea e ui ‘ina faia e ‘outou o fale ma‘a talai, ‘ae tou te lē nonofo ai; ‘ua ‘outou totōina tōvine lelei ‘ae tou te lē inu uaina ai. 12Auā ‘ua ‘ou iloa a ‘outou agasala ‘ua matuā tele ma a ‘outou amio e matuā leaga; o lo‘o fa‘asauā i lē ‘ua amiotonu, ‘ua talia se taui ma ‘ua fa‘afo‘i atu i ē ‘ua matitiva o i le faitoto‘a.#1 Samu 8.3; 12.3; Amo 2.7 13O le mea lea e fa‘alologo ai lē ‘ua poto i ia ona po auā e leaga ia ona po.

14‘Ia ‘outou sā‘ili i le lelei, ‘ae lē o le leaga, ‘ina ‘ia ola ai ‘outou; ‘ona i ai lea ‘iā te ‘outou o le ALI‘I o le Atua o ‘au, e pei ‘ona ‘outou fai mai ai. 15‘Ia ‘outou ‘ino‘ino i le leaga ‘ae loto atu i le lelei ma ‘ia ‘outou fa‘atumau le fa‘amasinoga i le faitoto‘a; atonu e alofa le ALI‘I le Atua o ‘au i ē ‘ua totoe ‘iā Iosefa.#Ioe 2.14; Roma 12.9

16O le mea lea o lo‘o fa‘apea mai ai le ALI‘I, le Atua o ‘au, o le Ali‘i lava: “E pā le lauaitu i ala uma lava;” latou te fa‘apea ane i ala tele uma, Auē! auē! latou te vala‘au fo‘i i lē galue i fanua ‘ia e fa‘anoanoa; ma ē ‘ua iloa pese e au alofa a‘i, ‘ia tagitu‘i i latou. 17E pā fo‘i le lauaitu i tōvine uma, auā ‘ou te ui atu ‘iā te oe, o lo‘o fetalai mai ai le ALI‘I.#Eso 12.12

18Talofa ‘iā te ‘outou o ē manana‘o i le aso o le ALI‘I. Se a ‘ea lona aogā ‘iā te ‘outou? O le aso o le ALI‘I, o le pouliuli lea, ‘ae lē o le malamalama. 19E pei o le tagata ‘ua sola ‘ese i le leona, a ‘ua la fetaia‘i ma le urosa; pe ulufale atu i le fale ma toto‘o ai lona lima i le pā puipui, ona utia ai lea o ia i le gata.#Isai 24.18 20E lē o le pouliuli ‘ea le aso o le ALI‘I, ‘ae lē malamalama; e pogisā lava, e leai sona pupula?

21‘Ua ‘ou ‘ino‘ino, ‘ua leaga ‘iā te a‘u o ‘outou tausamiga; ‘ou te lē fiafia i o ‘outou fa‘apotopotoga.#Isai 1.11-14 22E ui ‘ina ‘outou ‘aumai ‘iā te a‘u o taulaga mū, ma a ‘outou taulaga i mea e ‘ai, ‘ou te lē talia; o le taulaga fa‘afetai ‘iā ‘outou manu pepeti, ‘ou te lē va‘ai atu i ai. 23‘Ia e ‘ave ‘ese ‘iā te a‘u le ta‘alili o ou pese; o le leo mālie fo‘i o au napeli ‘ou te lē fa‘alogo ai.#Isai 5.12; Amo 6.5; 8.3 24A ‘ia tafe ifo le fa‘amasinoga e pei o vai ma le amiotonu e pei o le vai e tafe tetele lava.

25Le ‘āiga o Isaraelu e, pe na ‘outou ‘aumai ‘ea ‘iā te a‘u o taulaga ma taulaga i mea e ‘ai i le vao i tausaga e fagafulu.#Galu 7.42-43 26Na ‘outou tau‘ave lava le malumalu o lo ‘outou Moloka ma Kiuna, o ‘outou tupua, o le fetū o lo ‘outou atua na ‘outou faia mo ‘outou.#Teu 32.17; Isai 46.7 27‘Ou te fa‘atāfeaina ‘outou i ona tala atu o Tamaseko, o lo‘o fetalai mai ai le ALI‘I, o le Atua o ‘au, o lona suafa lea.#1 Tu 17.6

Currently Selected:

Amosa 5: RSCB

Highlight

Copy