2 Peteru 1
1
O ‘Upu Fa‘afeiloa‘i
1O a‘u o Simona Peteru, o le ‘au‘auna ma le ‘aposetolo a Iesu Keriso, o la‘u tusi lenei i ē ‘ua maua le fa‘atuatua e tusa lona lelei ma lo matou, i le amiotonu o lo tatou Atua, o lo tatou Fa‘aola lea o Iesu Keriso.
2‘Ia fa‘ateleina ‘iā te ‘outou le alofa tunoa ma le manuia i lo ‘outou iloa lelei le Atua, ‘atoa ma lo tatou Ali‘i o Iesu.
‘Ua Vala‘auina ma Filifilia ‘outou e le Atua
3‘Ua foa‘iina mai ‘iā te i tatou e lona mana Atua o mea uma, e o‘o ai i le ola ma le amio Atua, i lo tatou iloa lelei o lē na vala‘au mai ‘iā i tatou i lona mamalu ma lona lelei silisili.#1 Pete 2.19 4‘Ona o lea ‘ua ia folafolaina mai ai o mea e silisili ‘ese lava ma le aogā, ‘ina ‘ia tofusia fa‘atasi ai ‘outou i le amio Atua, ‘ina ‘ua sōsōla ‘ese ‘outou i le amio leaga o i le lalolagi i le tu‘inanau. 5O le mea lava lea ‘ia ‘outou matuā fa‘amalosi ai lava, ‘ina ‘ia fa‘aopoopoina le amio lelei i lo ‘outou fa‘atuatua, ‘ia fa‘aopoopo fo‘i le iloa i le amio lelei,#Kala 5.6, 22; Iuta 3 6‘ia fa‘aopoopo fo‘i le loto mamā i le iloa, ma ‘ia fa‘aopoopo le ‘onosa‘i i le loto mamā, o le amio Atua fo‘i i le ‘onosa‘i, 7‘ia fa‘aopoopo fo‘i le fealofani o le ‘au uso i le amio Atua, o le alofa fo‘i i le fealofani o le ‘au uso. 8Auā pe a maua e ‘outou ia mea, ma ‘ua fa‘ateleina, ‘ona ‘avea ai lea o ‘outou ma ē ‘ua lē paiē, a o ē fua mai le iloa lelei o lo tatou Ali‘i o Iesu Keriso. 9Auā o ia e lē o i ai nei mea, ‘ua tauaso ia, ‘ua fa‘asegosego, ‘ua fa‘agalogalo fo‘i e ia o le fa‘amamāina o ana agasala tuai.#1 Ioane 2.9, 11
10O lenei, le ‘au uso e, ‘ia atili ai ‘ona fa‘amalolosi ‘outou ‘ia fa‘amauina lo ‘outou vala‘auina ma lo ‘outou filifilia, auā pe a ‘outou faia ia mea tou te lē i‘u vale lava.#1.10 auā pe a ‘outou faia ia mea tou te lē i‘u vale lava: po o auā pe a ‘outou faia ia mea tou te lē pa‘u‘ū ai i le agasala. 11Auā a fa‘apea, ‘ona matuā fa‘aofia ai lea o ‘outou i le ala o le mālō e fa‘avavau o lo tatou Ali‘i o lo tatou Fa‘aola lea o Iesu Keriso.
12O le mea lea ‘ou te lē fa‘atamala ai, e ui lava ‘ina ‘ua iloa e ‘outou, ma ‘ua fa‘atumauina i lenei lava ‘upu moni, ‘ae saga fa‘amanatu atu ‘iā te ‘outou i nā mea.#Iuta 5 13O lo‘u manatu fo‘i e tatau ‘ina ‘ia ‘ou fa‘amalosi atu ‘iā te ‘outou i lo‘u fa‘amanatu atu i aso uma ‘ou te i ai i lenei fale apitaga.#2 Kori 5.1 14‘Ina ‘ua ‘ou iloa e vave ‘ona tu‘u‘eseina o lo‘u nei fale apitaga, fa‘apei ‘ona fa‘ailoa mai ‘iā te a‘u e lo tatou Ali‘i o Iesu Keriso. 15‘Ou te matuā taumafai fo‘i ‘ina ‘ia mafaia e ‘outou ‘ona manatu so‘o i ia mea pe a mavae lo‘u alu ‘ese i le olaga nei.
Sa Matou Matamata i le Mamalu o Keriso
16Auā e le‘i usiusita‘i i matou i tala o le vavau ‘ua fatua ma le poto, ‘ina ‘ua matou fa‘ailoa atu ‘iā te ‘outou le mana ma le afio mai o lo tatou Ali‘i o Iesu Keriso; peita‘i na matou va‘ava‘ai atu i lona lava mamalu. 17Auā na maua e ia mai le Atua le Tamā o le mamalu ma le vi‘iga, ‘ina ‘ua tulei mai ‘iā te ia le si‘ufofoga lava nai le mamalu silisili ‘ese, ‘ua fa‘apea mai, “O lo‘u Atali‘i pele lenei, ‘ou te fiafia lava ‘iā te ia.”#Ioane 21.18-19; Mata 17.1-5; Mare 9.2-7; Luka 9.28-35 18O le si‘ufofoga lava lea na matou fa‘alogologo ai, na tulei mai mai le lagi, ‘ina o matou i ai ma ia i le mauga pa‘ia.
19O lo‘o ‘iā te i tatou fo‘i le ‘upu o le valo‘aga e sili lona mausalī, e lelei ‘ona ‘outou naunau i ai, e pei o se molī e mumū i le mea pogisā, se‘ia tafa mai ata, se‘ia alu a‘e fo‘i le fetū ao i o ‘outou loto. 20‘Ia mua‘i iloa lenei mea, ‘ua leai se valo‘aga o i le Tusi e fa‘amatalafuaina. 21Auā e lē o le loto o tagata na tu‘u mai ai le valo‘aga anamua, a o tagata o le Atua na talatalaina mai ‘ina ‘ua osofia mai e le Agaga Pa‘ia.#2 Timo 3.16-17
Currently Selected:
2 Peteru 1: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
