2 Ioane 1
1
‘Ia Tumau i le Fa‘atuatua
1O a‘u o le toeaina, o la‘u tusi lenei i le tama‘ita‘i ‘ua filifilia, ma ana fānau,#1.1 tama‘ita‘i ‘ua filifilia…fānau: ‘ua mautinoa o le tusi i le ekalesia ma lana ‘aulotu (va‘ai fuai‘upu 4-5) ‘ou te alofa fa‘amaoni i ai. E lē na o a‘u fo‘i, a o i latou uma o ē ‘ua iloa i le ‘upu moni. 2‘Ona o le ‘upu moni o lo‘o tumau ‘iā te i tatou, o ‘iā te i tatou fo‘i e fa‘avavau.
3‘Ia ‘iā te ‘outou le alofa tunoa ma le alofa ma le manuia mai le Atua le Tamā, ‘atoa ma le Ali‘i o Iesu Keriso, o le Alo o le Tamā, i le fa‘amaoni ‘atoa ma le alofa.
O le Moni ma le Alofa
4E tele lava lo‘u fiafia ‘ina ‘ua ‘ou iloa ni a‘u fānau o ē sāvavali i le ‘upu moni, fa‘apei o le poloa‘iga ‘ua tatou maua mai le Tamā. 5O lenei, le tama‘ita‘i e, ‘ou te ‘ai‘oi atu ‘iā te oe, ‘ou te lē tusi atu ‘iā te oe e peiseaī o se poloa‘iga fou, a o lea lava ‘ua ‘iā te i tatou talu le amataga, ‘ia tatou fealofani.#Ioane 13.34; 15.12, 17 6O lenei lava le alofa, ‘ia tatou sāvavali e tatau ma ana poloa‘iga; o lenei lava le poloa‘iga, fa‘apei ‘ona ‘outou fa‘alogo i ai talu le amataga, ‘ina ‘ia ‘outou sāvavali ai.
7Auā e to‘atele o ē fa‘asesē ‘ua ō atu i le lalolagi, o ē lē ta‘u tino ‘ua maliu mai Iesu Keriso i le tino; o le fa‘asesē lava lea ma le anetikeriso. 8‘Ia ‘outou ‘iā te ‘outou, ne‘i maumau a ‘outou galuega na ‘outou#1.8 ‘outou: O nisi fa‘aliliuga; matou. faia, a ‘ia maua le taui ‘atoa.
9O i latou uma lava o ē tu‘umavaega, ‘ae lē tumau i le a‘oa‘oga ia Keriso, e lē o ‘iā te i latou le Atua; o lē tumau i le a‘oa‘oga ia Keriso, o ‘iā te ia lava le Tamā ‘atoa ma le Alo. 10Pe a alu atu ‘iā te ‘outou se tasi ‘ae lē molia lenei lava a‘oa‘oga, ‘aua tou te talia o ia i o ‘outou fale, ‘aua fo‘i tou te ofo alofa ‘iā te ia. 11Auā o sē ofo alofa atu ‘iā te ia, e fa‘atasi ai o ia ma ana galuega leaga.
O le ‘Upu Fa‘ai‘u
12O ‘iā te a‘u mea e tele e tusi atu ai ‘iā te ‘outou, a ‘ou te lē fia tusi atu i le laupepa ma le vaitusi; a ‘ou te fa‘amoemoe ‘ou te alu atu ‘iā te ‘outou, ‘ia tatou fetautalatala‘i, ‘ina ‘ia ‘ato‘atoa ai lo tatou ‘oli‘oli.
13O lo‘o alolofa atu ‘iā te oe fānau a lou uso#13 fānau a lou uso: o i latou uma o lo‘o i le ekalesia o lo‘o āumau ai Ioane le tusi tala. ‘ua filifilia.
Currently Selected:
2 Ioane 1: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
