Jiin. 20

Uunt Yus Akupkámu Umiktin Chichaman Muisaisan súamu

1Yus ashí ju̱ chichaman chichaak

2“Witjiai Uunt Yus ame Yúsrum Ejiptunmaya̱ íniakur wáitkiatai pujamin jí̱i̱kmiajmena nu.

3Tuma asamtai Wini̱ya̱ṉka chíkich yuska takusaip.

4Ju̱i̱ti winia yusur tusam nayaimpiniam tura nuṉká núnisaṉ entsá init irunainia núnin tura nu arantcha ame enentáimsamek nakumkam najankaip.

5Túram tikishmátraip tura shiir enentáimtusaip. Warí ti akasma Uunt Yus ame Yúsrumka Wíkitjiai. Tura muí̱jruinia núnaka ni aparí̱ tunaari̱ni̱ṉ uchirí̱ncha, tiraṉki̱ncha nuyá̱ tiraṉki̱ncha asutniuitjiai. 6Antsu Winia anentak wi Akupkámu Umiktin Chichaman umíana núnaka mir wea tiraṉki̱n jeancha waitnentniuitjiai.

7Ame Yúsrum Uunt Yusa naari̱ ántram pachikiaip. Winia náarun ántar pachia núnaka asutiáttajai.

8Tura ayampratin tsawant kajinmátkip, kame chikichík tsawanta nuka Yusna akantúkmaiti. 9Sais tsawantak takakmasta. Nui̱ṉ ashí ame takatrum umikta. 10Antsu siati tsawantinkia Uunt Yus ame Yúsrum enentáimtustin aṉkant átatui. Nu tsawantinkia ameksha uchirmeksha nawantrumkesha tura iniatai̱ram áishmaṉ tura nuwa̱ksha taṉkurmeksha nuyá̱ yajaya̱ amiin pujana nusha peṉké takamtiksaip. 11Warí Uunt Yus nayaimpincha nuṉkancha nayantsancha tura ashí nui̱ írunna nunasha sais tsawantin najankamiayi tura najana umikiu asa siati tsawantiṉkia ayampramiayi. Tura Uunt Yus nú tsawantnaka ayamtai̱ atí tusa akanák shiir awajsámiayi.

12Ame apasha nukusha shiir enentáimtusam umirkata. Túrakmeka Uunt Yus ame Yúsrum nuṉkan suramsana nui̱ núkap tsawant iwiaaku pujustatme.

13Maṉkartuawaip.

14Tsanirmawaip.

15Kasamkaip.

16Ame írutramuram tsanumpruraip.

17Ame írutramurmi je̱e̱n nuwe̱sha, iniatairi̱ áishmaṉ tura nuwa̱sha waakari̱sha kawairi̱sha ni warirí̱ ashí irunainia nusha peṉké wakerutkaip” tímiayi Yus.

Israer shuar Uunt Yusan ashamkarma

18Tura ashí Israer shuar ipiamtancha chárpincha kachu umpuamuncha ántiarmiayi. Núnisaṉ Senái múkun múkun ajan wáinkiar ti sapijmiakar kuraṉkármiayi. Túmakui̱ Senainiumia̱ṉka íkiaṉ wajasármiayi. 19Nuya̱ṉka Israer shuar Muisaisan chicharainiak “Uunt Yuska íiji̱a̱i̱ṉkia chichaschati iikia jákara̱i̱jⁱ. Antsu ame Uunt Yusja̱i̱ chichasam étserkumin iikia antuktatji” tiármiayi. 20Nuna tuíniakui Muisais Israer shuaran chicharainiak “Sapijmiakairap. Warí Uunt Yuska nu arant tunaan túrawara̱i̱ṉ tusa atumín nekapas íirmastaj tusa tarutrámniurme” tímiayi.

21Tura Israer shuarka arant pujuiniai̱ Muisaiska yuraṉkim tee ajasmánum Yus pujumia nui̱ weamkamiayi. 22Uunt Yus Muisaisan chicharuk “Israer shuar jú̱nisam tiartá ‘Nayaimpinmaya̱ṉ chichamu átumka anturtukuitrume. 23Kurí yus tura kuít jiruja̱i̱sha yus najanarum Winí̱ ayaam ekentsairap. 24Winia takamtsuk áesturatniusha tura tunaanumia̱ aṉkant ajasjai tusarum áesturatniusha atumí waakari̱ tura murikrí̱sha máarum áestutai̱ nuṉka irumpra najatruarum nui̱ṉ áesturatarum. Nui̱ṉkia tuí̱ṉkish Winia naar tuke enentáimtitiarmena nui̱ atumí tarin péṉker pujutnum yumiṉkrattajrume. 25Kame Winia áesturattsarum kayaja̱i̱ najatrakrumsha kaya pakamámuja̱i̱nchu najanatarum. Kame jiruja̱i̱ pakamámka nú kaya imiatkin awajsaintrume. 26Taṉku maar áestai̱niam watai̱nmaani̱ṉkia wakairap atumín misú waitmakarmatai natsan juáka̱i̱rum.’

Currently Selected:

Jiin. 20: jiv

Highlight

Copy