Jiin. 11

Tias asutkiaka iwia̱i̱ri̱ jákarma

1Uunt Yus Muisaisan chicharuk “Parauṉkan tura Ejiptunmaya̱ aentsun nú arant chíkich asutkiaja̱i̱ asutiáttajai. Nuja̱i̱ Ejiptunmaya̱ṉka takamtsuk ji̱i̱r ishitmáktatrume. 2Tura yamaikia amé shuar áishmaṉsha nuwa̱sha niin ayamach pujuinia nu kuít jiruja̱i̱sha tura kuriji̱a̱i̱sha najanamu ainia nu seatarum tiartá” tímiayi. 3Israer shuaran waitnentrarat tusa Uunt Yus Ejiptunmaya̱ aentsun waitnenkartin awajsarmiayi. Tura Muisaisnaka Parauṉka takarniúri̱sha ántsaṉ Ejiptunmaya̱ aents armia nusha ju̱ka nekas péṉker áishmaṉkaiti tiniu ármiayi. 4Tura Muisais chichaak “Uunt Yus jú̱nis tawai ‘Yamái kashi ajapéantu ai̱ ashí Ejiptu nuṉkanam wekakattajai. 5Nui̱ Ejiptunam ashí uchi iwia̱i̱ri̱sha áintsaṉ Parauṉ úunt akuptainiam pujana nuna uchirí̱ iwia̱i̱ri̱sha núnisaṉ nekeetainiam á̱a̱wini̱ nuwa̱ iniatairi̱ pujana nuna uchirí̱ iwia̱i̱ri̱sha núnisaṉ ashí taṉku uchirí̱ emka petsakma ainia nusha ashí jákartatui. 6Túrunamtai útainiak ashí Ejiptunmaṉka tí kuntuts pujuartatui. Nuka yáunchusha túrunachma ántsaṉ ukunmasha túrunashtatna nu túrunattawai. 7Tura Uunt Yuska átum nekaak tusa Ejiptunmaya̱ aentsnumka nuna túrak antsu Israer shuarnumka túrashtatui. Kame Israer shuar pujuiniamunmaṉka aentsnasha tura taṉkuncha ya̱wa̱ksha jiachartatui’ tawai. 8Nuya̱ṉka ju̱ ashí ame takartámin ainia nu tarutiar winia tikishmátrurar chichartuiniak ‘Amesha tura ashí amé shuarumji̱a̱i̱sha wetarum’ turutainiakui wikia wétatjai” tu chichaak Muisais ti kajek Parauṉkai̱ya̱ jiinkí̱ wémiayi. 9Núnisaṉ Uunt Yus Muisaisan chicharuk “Parauṉsha peṉké anturtamkashtatui. Nuka Ejiptunam aents túrachmin núkap iniakmantsat tusa túrunattawai” tímiayi. 10Tura Muisais Araunja̱i̱ Parauṉ pujamunam aentsti túrachminian iniakmasarmiayi. Túrasha Uunt Yus Parauṉka enentái̱ ikiatsúmtikramiayi. Túram Parauṉ Israer shuaran ni nuṉke̱ya̱ akupratniun nakitrámiayi.

Currently Selected:

Jiin. 11: jiv

Highlight

Copy