1 Tim. 6

1Takarniutirmesha, atumí uuntri̱ ti shiir umirkatarum. Túrachkumni̱ṉkia chíkich shuar Yusnasha ii unuiniamuncha yajauch áujmattsartatui. 2Atumí uuntri̱ Yus shuar áiniaka aya Yusja̱i̱ yátsum asamtai nakiarchatniuitrume. Antsu nuna naṉkaamas péṉker takarsatniuitrume. Warí, ame yaya̱mna nu Yus shuarchak ainia, tura ame aneamu yatsumchak ainia. Ame Timiutéu, tu jintintiata.

Yusna wakeruktin tura kuit wakeruktin

3Shuar ti shiir naka chichaman ii Uuntri̱ Jesukrístunu ana nuna nakitiak antsu niisháa chichaman étserkuṉka 4nu shuar naṉkamantu enentáimtumayat ántraiti. Ni enentáimmianak chichaak aya ántumtikrar akajmartinian jikiattawai. Tura nu chichamja̱i̱ nupetmaktaj tusar náṉkamas chichainiak kajernaikiar tura katseknaikiar péṉker enentáimtunaitsuk 5tuke kakannainiawai. Tura tu áujmatnaisatniun wakeruiniana nú shuar nekas chichaman nékachu ásar aya tunaan enentáimtin áiniawai. “Yusna ana nuja̱i̱ kuítrintin ajasminiaiti” tuíniawai. Nu shuar pachisaip. 6Shuar takakna núja̱i̱ṉ warakka Yusna ana núja̱i̱sha warak ju̱ nuṉkanmasha tura nayaimpinmasha nekas kuítrinniuiti. 7Iis, ju̱ nuṉkanam misuk támaji núnisar misuk jiinkittiaji. 8Tuma asamtai yurumkasha tura entsatái̱sha takakkurkia núja̱i̱ṉ warasa pujustiniaitji. 9Antsu kuítrintin ajastaj tuinia nu, tunaanum awaṉkemkar iniainiawai. Tura antra nuna wakerukar itiurchatan wainiainiawai. Nuja̱i̱ emesratniunmasha jeainiawai. 10Kame kuit aneatniuka ashí tunaanum útsutmakminiaitji. Chíkich shuar nuna wakerukar Yus enentáimtustinian iniaisar ti itiurchatja̱i̱ yajauch awajmámsarai.

Yusna nu túrunat tusam kaka̱rta

11Antsu ame Yus shuar asam nuyá̱ pisarta. Yus nekas enentáimtakum péṉker túrata. Waantu enentáimtsuk Yus péṉker umirkata. Aneakum katsuntrata. 12Yusna nu túrunat tusam kakaram ajasta. Tuke amuicha iwiaakma emetata. Nu túratniun Yus anaitiamkaiti tura ame Yus nekas enentáimtamu untsurí shuar iruntramunam etserkaitme. 13Yuska ashí iwiaaku átinian súwiti. Jesukrístusha Punsiu Piratuí̱ nekasa nuna ti paant ujakmiayi. Tuma asamtai Yussha Jesukrístusha iirainiamunam nuna tájame. 14Ii Uuntri̱ Jesukrístu táatsa̱i̱ṉ wi tájamna nu yapají̱tsuk tura yajauch chicharnakchamnia péṉker umikta, tájame. 15Tsawant jeamtai Jesukrístu tatí tusa Uunt Yus imiá peṉker asa akupkáttawai. Níṉkiti Yus. Akupniúncha Akupniuiti. Uuntja̱i̱ naṉkaamas Úuntaiti. 16Iwiaaku átinia nérenniuri̱ Níṉkiti. Ti tsáapninium pujakui nuntumtuachminiaiti. Wáinchatai asamtai shuar peṉké wáinkiacharu áiniawai. Niṉki ashí shiir awajsatniuiti tura Niṉki tuke ashí akupin atí. Núnisaṉ atí.

17Jú̱ nuṉkanam kuítrintin ainia nusha naṉkamantu enentáimtumascharti. Kuitcha yúpichuch meṉkakamnia asamtai kuítniak enentáimtusar pujuscharti. Antsu iwiaaku Yus ashí iin ti peṉkeran núkap súramaj nuna nekas enentáimtusarti. 18“Péṉker túratarum” tiartá. Tákumin nisha shiir enentáiji̱a̱i̱ ni takakman ajamsarti. Nuyá̱ nú péṉker túramuja̱i̱ Yusai̱ ikiauṉkarti. 19Nuna túruiniak kuítriniawartatui. Núnisaṉ tuke iwiaaku átinian wáinkiartatui.

Papru Timiutéun akateamu

20Timiutéu, ashí ame túratniua nu tuke enentáimturta. Jú̱ nuṉkanmaya̱ ántar chichainia nu anturkaip. Tura wáitruiniak “wi imiá nékajai” tuinia nusha anturkaip. 21Chíkich shuar nuna umirkar Yusai̱ya̱ kanakiarai.

Wátsek, Timiutéu, Yus shiir yaintmakti.

Nuke atí.

Currently Selected:

1 Tim. 6: jiv

Highlight

Copy