LUKA 3
3
Na ateateha iana o Joane Batisita
(Mt 3.1-12; Mk 1.1-8; Jn 1.19-28)
1O Tiberio ki maneraha teha me noga igê na gavumane surigi na harisi tangahuru gi tage matara gi rima. O Ponsio Pilato ki gavumane i Jutea. Mo Herote ki marungia i Galilea, mo Pilipo vesina ki marungia i na apanena i Iturea ma i Tarakonitisi. Mo Lisania ki marungia i Abilene. 2Mo Ana mo Kaiapa mane ni vogasiha garu teha. Igê na matena ngekana o Joane, o karena o Sakaria, ki oga i na manihê, ma God ki hagatora. 3Vikana o Joane ki râhigi na hinua hato hagarangia na ve i Jotano. Ngaia ki ateate, ki vi: “Mu murisigegi na tasi iami ma kamu urisigi na parongami, ma kamu batesimo, ma God ki page bonotenigi na tasi iami.” 4O Isaia na poropete ki bani sege vikê igê na buka iana, ki vi:
“Ta na enoni ki ngerengere i na manihê, ki vi:
‘Mu hagarêa na tara tarana na Araha,
ma kamu hagaotoa na tara tanga, ki arâ igê!
5Mu ahunigi nga na maruguni.
Mu gurugi nga, ka hatara na hungani ma na barani.
Mu hagaotogi nga na tara, ga ahiohio.
Mu hagahataragi na tara ga birobiroga.
6Ma na enoni hato i maveta ka page girara,
vi God kani hagatahira!’”
7Na enoni rako era ka râ tanga o Joane, hanana vi ngaia ki hagabatesimora. Ngaia ki vi tangara, ki vi: “Igamu kamu era manga na ma! Ti kani vi tangagamu, hanana vigamu girara mu gavagava tenia na hagaitangiha, God i page vategamu renia? 8Mu katogi nga na tarani, ga hagabângenia vi igamu kamu bani murisigegi na tasi iami ma kamu bani urisigi na tasi iami ma kamu bani urisigi na aitangihami. Ma siana kamu hetamatamasi, kamu vivi, ‘O Abaramo nga ki na êvarika.’ Be vi tangagamu: God ki girara i horogi na hê igê, ki voravora re na raraha tanga o Abaramo! 9Na akesi ki nanê, vi tapigi ma ki bogegi na hunani na apinige. Na ara ni apinige, ga hungu bera, ka page tapigi so ma ka page sungigi.”
10Na enoni ka hagatea, ka vi: “Hoi, ma na ta kani vigamu tanua?” 11Ngaia ki arami, ki vi: “Na enoni, i nahunirerua na gahu gi rua, ki tuguhia, i vatea na ani gi tage tanga na enoni, i marehasia rârâ na gahu. Ma na enoni, i nahunigi na ngauha, ki tuguhia, i meratongani na enoni, i marehasira rârâ na ngauha.”
12Tani na mane, ga totora takesi, ka râ me, vi ga batesimo, ma ngaira ka hagatea, ka vi: “Araha, na ta kanimi tanua, igami?” O Joane ki vi tangara ki vi: 13“Mu tavotavo haga suria ma na ramata. Siana kamu tavotavo hagateha renia.”
14Tani na mane ni me ka hagatea nikâ, ka vi: “Ma ki hega igami? Na ta kanimi tanua, igami?” Ngaia ki vi tangara, ki vi: “Siana kamu tuguria se haganumanumaga hagaparu ta na enoni, hanana vi gamu tavotavo haga pania. I tuguhigamu, viga togotogo na aitangihani renigi na memi.”
15Na enoni ka naasia bâraha na Mesaia, ma ngaira ka haganega ka hagagira renia o Joane, ka tako ka vi, na Mesaia vari kani ngaia. 16Tahema o Joane ki vi tangara ngaira hato, ki vi: “Inê kê hagabatesimogamu renia na ve. Ma ki kahu arâ me o vani, i tehariê ngavê. I pe arariê, vi ve ruhasigi na varo na buti iana. Ngaia nga kani page hagabatesimogamu renirerua na Higona Apu ma na gi. 17Ngaia ki merâ me na penapena, ki haata igê na raisi. Ngaia ki page sinosino haku na momogani. Ngaia ki page bêbagi na raisi igê na ruma ni harisi. Ngaia ki page sungigi na momogani. Ma na gi ngekana ki page tarê tarema!”
18O Joane ki kanukanura na enoni igê na ara ni tarani ga tora hehegitigi matena i ateate tangara renia na Taroha Koro. 19Ma ngaia o Joane ki ramonia o Herote, na gavumane, renia ngaia i rêa ka Herotia, kehana, ma ki aharê igê rako na tarani era getigi. 20Ma hemuri o Herote ki katoa na tarana, i kahu erataga ngavê, suria i kasia o Joane igê na ruma ni hagaitangiha.
I batesimo o Jesu
(Mt 3.13-17; Mk 1.9-11)
21Matena ga bani batesimo na enoni hato, o Jesu ki batesimo nogana. Matena i nunginungi, ngaia ki rigia na vavearo, i tahataha. 22Ma na Higona Apu ki maramara kuvê, ki so me i pasina. Ma God ki tamasi, ki vi: “Igo ki no Kareku hetakui. Inê kê vagevage bâraha renigo.”
Na raraha iana o Jesu
(Mt 1.1-17)
23Matena o Jesu ki tonga na ararini na harisi tangahuru gi oru iana, ngaia ki haganega ki tagara moramora. Na enoni ka takusia ma, vi ngaia ki no karena o Josepo.
O Josepo ki no karena o Heli.
24O Heli ki no karena o Matata.
O Matata ki no karena o Levi.
O Levi ki no karena o Meleki.
O Meleki ki no karena o Janai
O Janai ki no karena o Josepo.
25O Josepo ki no karena o Matatia.
O Matatia ki no karena o Amose.
O Amose ki no karena o Nahumu.
O Nahumu ki no karena o Eseli.
O Eseli ki no karena o Nagai.
26O Nagai ki no karena o Mata.
O Mata ki no karena o Matatia.
O Matatia ki no karena o Semeni.
O Semeni ki no karena o Joseke.
O Joseke ki no karena o Jota.
27O Jota ki no karena o Joanane.
O Joanane ki no karena o Resa.
O Resa ki no karena o Serubabele.
O Serubabele ki no karena o Sealitiele.
O Sealitiele ki no karena o Neri.
28O Neri ki no karena o Meleki.
O Meleki ki no karena o Ati.
O Ati ki no karena o Kosama.
O Kosama ki no karena o Elematama.
O Elematama ki no karena o Ere.
29O Ere ki no karena o Josua.
O Josua ki no karena o Eliesere.
O Eliesere ki no karena o Jorimi.
O Jorimi ki no karena o Matata.
O Matata ki no karena o Levi.
30O Levi ki no karena o Simeone.
O Simeone ki no karena o Juta.
O Juta ki no karena o Josepo.
O Josepo ki no karena o Jonane.
O Jonane ki no karena o Eliakimo.
31O Eliakimo ki no karena o Melea.
O Melea ki no karena o Mena.
O Mena ki no karena o Matata.
O Matata ki no karena o Natane.
O Natane ki no karena o Tavite.
32O Tavite ki no karena o Jese.
O Jese ki no karena o Obeti.
O Obeti ki no karena o Boasi.
O Boasi ki no karena o Salamone.
O Salamone ki no karena o Nasoni.
33O Nasoni ki no karena o Aminataba.
O Aminataba ki no karena o Atamini.
O Atamini ki no karena o Areni.
O Areni ki no karena o Heseroni.
O Heseroni ki no karena o Peresi.
O Peresi ki no karena o Juta.
34O Juta ki no karena o Jakobo.
O Jakobo ki no karena o Isako.
O Isako ki no karena o Abaramo.
O Abaramo ki no karena o Tera.
O Tera ki no karena o Nagore.
35O Nagore ki no karena o Serugu.
O Serugu ki no karena o Reu.
O Reu ki no karena o Pelege.
O Pelege ki no karena o Ebere.
O Ebere ki no karena o Sela.
36O Sela ki no karena o Kainane.
O Kainane ki no karena o Arapakasa.
O Arapakasa ki no karena o Seme.
O Seme ki no karena o Noa.
O Noa ki no karena o Lameki.
37O Lameki ki no karena o Metusela.
O Metusela ki no karena o Enoke.
O Enoke ki no karena o Jarete.
O Jarete ki no karena o Mahalalele.
O Mahalalele ki no karena o Kainane.
38O Kainane ki no karena o Enose.
O Enose ki no karena o Sete.
O Sete ki no karena o Atama.
O Atama ki no karena God.
Currently Selected:
LUKA 3: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific
