HAGONEGAHANI 23
23
Ka Sara ki me ma ka naka
1Ka Sara ki tonga na harisi 127 iana ma ki kahu me. 2Ngaia ki me i Heberoni i Kanani. O Abarahamo ki angisia. 3Ma hemuri ngaia ki pania so na gahuana kaniana ma ki râ ki nungira na Hitita, ki vi: 4“Inê kê mamahuara me i pasimi. Be vuria tenigamu tagua na mako, be bagia igê kaniaku.”
5Ngaira ka aramia, ka vi: 6“Bamane, gu rongo. Igami kami hagahigasigo, vi igo ka na maneraha. Go bagia kaniamu igê na matiku na ani i koro ngavê mi nahunia. I asa ta na hitangimami, vige manimania na matiku tenigo, hanana vigo bagia igê.”
7O Abarahamo ki bêrusu so tangara na avanuna na mako, 8ma ki vi: “Manga mu obaniê, vigê bagia kaniaku ikê, hoi, mu nungia o Eperoni o karena o Sogare, 9ki hagavuringenia tangê na vaba na atana i Makapela, i oga igê na akerena na mako iana. Mu nungia ki hagavuringenia tangê ma kê vuria renia nga na mena i araria ikê i maami, hanana gê nahunia nga tanga na bagiha ninuni.”
10O Eperoni ki oga so henira na Hitita getera igê na tavani hakuta igê na maani para ni hinua. Ngaia ki arami, hanana vi na ara ni enoni i ngekana ka rongoa. 11Ngaia ki vi: “Bamane, gu rongo. Inê vatego na mako hagenani henia na vaba igê. Ikê i maata na kariaku inê be haganahunigo renia, hanana go bagia igê kaniamu.”
12Ma o Abarahamo ki berusu so tangara na Hitita, 13ma ki vi tanga o Eperoni, hanana vi na enoni hato ka rongoa. Ngaia ki vi: “Bamane, gu rongo. Inê be vuria nga na mako hagenani. Gu aganariê be vuria, ma be bagia igê kaniaku.”
14O Eperoni ki arami, ki vi: 15“Bamane, na mena na mako ki na maani tangarê ge he na siliva. Na ta ki hagabara i berarogakerua? Gu bagia na kaniamu igê.” 16O Abarahamo ki aganaria ma ki toma râ na mena na mako manga i bani visia o Eperoni i maata na enoni: ngaia ka na maani na siliva tangarê ge he i râ suria higahigana na haga i na matena ngekana.
17Ngekana nga hanana na mako iana o Eperoni i Makapela kerekê i Mamere ki vora na mako iana o Abarahamo. Ngaia na mako, na vaba igê ma na apinige hato i rarona na taritarihana na mako. 18Na Hitita hato ga oga igê na hekarigiana, ngaira ka girara, vi o Abarahamo ki nahunia na mako ngekana.
19Ma hemuri o Abarahamo ki bagia ka Sara kaniana igê na vaba i Kanani. 20Ngekana nga na mako ma na vaba igê iata na Hitita ki nahunigi o Abarahamo tanga na bagiha ninuni.
Currently Selected:
HAGONEGAHANI 23: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific
