AMOSE 4
4
1Gete ni Samaria, mu karinga!
Igamu kamu biga
manga na puruka binibinikaga ni Basani.
Igamu kamu katora bera na enoni matareha.
Ma tangara na mane iami igamu kamu vivi,
“Me na vaini, kami tono.”
2Na Araha God, i hagamonarigi tare na tamasinga iana,
ngaia ki tohe, ki vi,
“I page arâ me nga na matena,
ga page okeke ratarata renigamu igê na gavi.
Igamu kamu page bâ mangara na siare igê na hinu.
3Ga page bugurenigamu
tangagi na ani hagarangi na makuruha igê na para,
ma ka henahuraugamu tanga i tagua i Heremone.
Ngaia kani gê visia, inê na Araha.”
Na Isiraelita ka guguruga ngavê
4Na Araha God ki tamasi ni mangariaganiha, ki vi:
“Isiraelita,
Tari era kamu râ tanga na agua apuna i Betele
ma kamu tasi igê manga mu obania!
Tari era kamu râ i Gilegali
ma kamu tasi ke tungigamu!
Tari era nga kamu râ!
Mu merarâ nga na sipi ma na puruka iami
ma kamu vogasi i ngekana renira i mavoraro.
Ma igê na ruata na mavoraro mu tagarenigi
na ara ni tangahuruta na harisi iami.
5Mu râ nga, ma kamu vogasia God renigi na bereti
ma kamu visia koro.
Mu râ nga, ma kamu parunigamu,
suria vigamu mu hagateha renigi na vogasiha.
Nga na tarana mu obania ngekana!”
6Na Araha God ki vi:
“Inênga nga na ani, gê hagamagêsigamu
ma kê hagatarigi na ngêra
surigi na ara ni hinua hato iami.
Ma igamu kamu ama ni guguruga nga tangê.
7Matena mu obania na rangi tangagi na mu iami,
inê kê pe hagarangisigi.
Inê kê hagarangisigi tani ma na mu,
ma tani ki mareha.
Ngaigi ki avagavaga ma.
8Na enoni i tani na hinua ka marumarusiga,
suria i mamata na riota.
Ma ki naka ma, ma ngaira ka arâ i ta na hinua,
hanana viga garigari ve i ngegana,
ma na ve ki mareha, vige ararira ngaira hato.
Ma igamu kamu ama ni guguruga nga tangê.
9Inê kê hagatorangenigi na roga mahana ma na mera
tangagi na mu iami.
Na pê ka ngêgi hato na mu iami,
na pariki iami ni apinige na vaini,
ma na apinige na fiki ma na olive iami.
Ma igamu kamu ama ni guguruga nga tangê.
10Inê kê katoa na ringa ki tarahugamu
mangara na ai ni Esipito i nago.
Inê kê hagamarumungenira na merongami,
ka hagamesira na mane ni me iami
igê na hearihatana,
ma ka henahuraura na hosi ni me iami,
ma ki mapu hunigamu na gahuata.
Ma igamu kamu ama ni guguruga nga tangê.
11Inê kê hagaerasigamu ngavê
mangara na ai ni Sotomo me Gomora.
Na hitangimi, ga tahi, ka mangagi na baro,
ga tavogi râ tenia na gi.
Ma igamu kamu ama ni guguruga nga tangê.
12Tahema, Isiraelita, inê be hagaitangigamu nga.
Vikê, hoi, mu nananêgi na suriha iaku
ma na hagaitangiha iaku tangagamu.”
13Ngaia nga God nga na ani i hagavoragi na hungani,
na roga ma na atarota na enoni.
Ngaia ki hagagirarara na enoni
renigi na takotako iana.
Ngaia ki katorerua na tangiana ma na bungiana
karu heheuri.
Ngaia ki marungia na maveta hagenani.
Ngaia nga ka na Araha God raramohaga hunia.
Currently Selected:
AMOSE 4: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific