Génesis 36

Jero oca ivajiropee ishanincapeeni Esaú

(1 Crón. 1.34-54)

1Jeri ishanincapeeni Esaú, ipajita aisati Edom.

2Yora Esaú yaaqueri tsinanepee canaasato, opajita Adá, irishinto Elón yora hitita; jero pashini opajita Aholibamá irishinto Aná, isaro Sibón yora heveo. 3Iro otsipa opajita Basemat irishinto Ismael, irotaque iritsiro Nebaiot.

4Jero itimacaaquerori Adá itomi, ipajitaqueri Elifaz. Aisati iroori Basemat itimanaque otomi, ipajitaqueri Reuel.

5Impoiji iroori Aholibamá itimanaque otomipee, ipajiyetaqueri Jeús, Jaalam jeri CorÉ. Iriojeitaque yoca itomipee Esaú timajeitaintsiri isavicantaveitaniri quipatsiqui Canaán.

6-8Ari yoshequiasanojeitanaque ivirapee Esaú aisati iquempetaca irashi iriori Jacobo. Iro cantaincha te ontimasanoteji paashito iroajeiteari. Irotaque yovantanajari Esaú, inijantareanajiri irirenti. Ijataji anta toncaariqui pajitachari Seír. Yaajeitanajiro ijinapee, itomipee jeri maaroni ishanincapee aisati maaroni ivirapee.

9Jero oca ivajiro ishanincapeeni iriori Esaú intacantajeitanacariri edomitapee savicajeitapaajantsiri toncaariqui Seír.

10Jero ivajiro itomipee Esaú itimacaaquerori Adá:

Elifaz, jeri otomi iroori Basemat ipajita Reuel.

11Jeri itomipee iriori Elifaz itimacaaquerori ijina,

ipajiyeta Temán, Omar, Sefó, Gatam jeri Quenaz.

12Jeri aisati otomi inampire Timna, ipajita Amalec. Iriojeitaque oshanincapeeni Adá.

13Ari itimacayetaquero Reuel ijina itomipee iriori,

ipajiyeta Náhat, ZÉrah, Samá jeri Mizá. Iriojeitaque oshanincapeeni Basemat.

14Jeri otomipee iroori Aholibamá,

ipajijeita Jeúz, Jaalam jeri CorÉ, irotaque irishinto Aná isaro Sibón.

15Iriojeitaque yoca ishanincajeitaniri iriori Esaú jivatacantayetatsiniri.

16Jeri ishanincajeitaniri Elifaz:

Temán, Omar, Sefó, Quenaz, CorÉ, Gatam jeri Amalec.

Iriojeitaque jivatacaajeitiriri ishanincasanoripee iriori aisati oshanincajeitaniri Adá, savicajeitatsiniri iipatsitequi Edom.

17Jeri itomipee iriori Reuel:

Náhat, ZÉrah, Samá jeri Mizá.

Iriojeitaque jivatacaajeitiriri ishanincasanoripee iriori aisati iriojeitaque oshanincajeitaniri Basemat.

18Jeri otomipee iroori Aholibamá:

Jeús, Jaalam jeri CorÉ.

Iriojeitaque jivatacaajeitiriri ishanincapeeni iriori.

19Iriojeitaque yoca ishanincapeeni Esaú, ipajita aisati Edom.

20-21Isavicaque Seir, yora horeo anta nampitsiqui Edom. Jero ivajiro itomipeeni:

Lotán, Sobal, Sibón, Aná, Disón, Éser jeri Disán.

22Ora Timna irotaque iritsiro Lotán. Jeri itomipee iriori:

Horí jeri Hemam.

23Jero ivajiro itomipeeni iriori Sobal:

Alván, Manáhat, Ebal, Sefó jeri Onam.

24Jero ivajiro itomipeeni iriori Sibón:

Aiá jeri Aná. Yora Aná, iriotaque nijantaquerori ocontejayeti nija anta caaraiteriqui, yameninirinta iraashinotepee iriri.

25Jero ivajiro itomini iriori Aná:

Disón jero aparoni irishinto Aholibamá, ijina Esaú.

26Jero ivajiro itomipeeni iriori Disón:

Hemdán, Esbán, Itrán jeri Querán.

27Jero ivajiro itomipeeni iriori Éser:

Bilhán, Zaaván jeri Acán.

28Jero ivajiro itomipeeni iriori Disán:

Us jeri Arán.

29-30Yora itomipee Seír icarajeiti 7. Iriojeitaque jivatacaajeitiriri Horeopee ishanincajeitacariri anta inampiqui pajitachari Seír.

Pincatsariventajeitiriri ishanincapeeni Edom

31Jero ivajiropee pincatsariventajeitiriri ishanincapeeni Edom, tequeratani intime pincatsariventajeiterine ishanincapeeni Israel:

32Yora Bela, itomi Beor. Iriotaque jivataintsiri pincatsariventajeitaqueriri ishanincapeeni Edom. Opajita inampi Dinhaba.

33Icamantacari Bela, ipoyeetajari Jobab, itomi ZÉrah. Opajita inampi Bosrá.

34Icamantacari iriori Jobab, ipoyeetajari Husam. Opajita inampi Temán.

35Icamantacari iriori Husam, ipoyeetajari Hadad, itomi Bedad. Opajita inampi Avit. Iriotaque anaacojeitaqueriri ishanincapeeni Madián anta quipatsiqui Moab.

36Icamantacari iriori Hadad, ipoyeetajari Samlá. Opajita inampi Masrecá.

37Icamantacari iriori Samlá, ipoyeetajari Saúl. Opajita inampi Rehobot, quempejitarori nija Éufrates.

38Icamantacari iriori Saúl, ipoyeetajari Baal-hanán, itomi Acbor.

39Icamantacari iriori Baal-hanán, ipoyeetajari Hadad. Opajita inampi Pau. Ora ijina opajita Mehetabel, irishinto Matred, isaro Mezaab.

Ishanincasanoripeeni Esaú

40-43Jero oca ivajiropee iriori ishanincapeeni Esaú, pajitachari aisati Edom, icarajeitaqueri ishanincasanoripee aisati inampipee isavicajeitantari:

Timná, Alvá, Jetet, Oholibamá, Elá, Pinón, Quenaz, Temán, Mibzar, Magdiel jeri Iram. Iriojeitaque yoca ishanincapee jivatacaajeitiriri ishanincasanoripee iriori. Iquenayetanaque isavicayetanaque inampiqui Edom.

Currently Selected:

Génesis 36: cni

Highlight

Copy