Oseas 3
3
So Oseas qataq aso 'alo quisheguetaxai
1Ñim Nataxala' qaltaq aỹem 'enapega, 'eeta':
«'Aue qojec, nache 'aỹa'anem da
'arauotaxanaqtaic aca 'alo quisheguetaxai,
maye lauatapiguiñi' nam nauochaxauapi.
Cha'aye 'era da 'eetec Ñim Nataxala'
da ỹauotec na Israel le'ecpi,
na'aictaxa da ỹe'eguelaxa da
ỹa'amaqteetac na ỹaqa'a atamnaxala'pi,
qataq da naman da chectac anam
nqaxaỹaqta uvapi maye qoỹanot naxa namayepi.»
2Huaña, nache sesheenaxana aso 'alo,
nache aso lasheue ivi' quince aso lcatpiole ana plata,
qataq so trescientos treinta kilos na cebada.
3Nache shenapega asomaye sheeta':
«Nagui, nache qaỹoqtrec naua
na'axa'te da 'am ỹalamaqte,
nache saishet da 'anquishishi
qataq saishet da 'arauañi' ca lỹa ỹale,
qaq aỹem nataqa'en ỹataqta 'am
ñalemaqte' da 'am ihua qome.»
4Cha'aye qaỹoqtrec qome caua
na'axa'te da na Israel le'ecpi,
qaica ca lta'a, lataxala', qataq qaica ca lachetaqtaxanaxat,
qataq aca lca'atoxonaxalatepi
qataq qaica ca ltogue lapoxot,
qataq ca natamnaxala' na maiche llalaqpi.
5Qaq qom ime de'era, nache na Israel
le'ecpi ñe'eguelaq qome,
nache nmitaique Ñim Nataxala' maye
Natamnaxala', qataq so David maye lta'a namayepi.
Qaq que'ecaua pa'atrec na'axa'te,
nache namayepi ỹataqta huo'o naq
'enec naqa'en Ñim Nataxala',
qataq da lqouagaxanaqtaic Ñimaye.
Currently Selected:
Oseas 3: LÑLE13
Highlight
Share
Copy
Want to have your highlights saved across all your devices? Sign up or sign in
Biblia Toba Qom, La'aqtaqa Ñim Lo'onatac 'Enauacna © Sociedad Bíblica Argentina, 2013.
