Génesis 36

Soua chegoxogueta so Esaú

1Qaq 'esoua soua chegoxogueta so Esaú, som nataqa'en le'enaxat da Edom. 2So Esaú huaronegueta co'ollaxa soua 'alo maye lma' ye Canaán: aso Ada maye llale so Elón som hitita, qataq aso Aholibama asom llale so Aná maye llalec so Sibón som jivita. 3Qataq aso Basemat asom llale so Ismael maye lqaỹa so Nebayot. 4Qaq aso Ada, co'ollaq deco'oiguet so Esaú, nache so llalec le'enaxat Elifaz. Qaq so llalec aso Basemat qalaq le'enaxat da Reuel. 5Qaq soua llalqa aso Aholibama le'enaxat Jeúz, Jalán qataq so Coré. Qaq 'esoua soua llalqa so Esaú maye lañoqo' ye 'alhua Canaán.

6Qaq so Esaú ỹaconeua'alo co'ollaxa soua lhua't, qataq soua llalqa, qataq soua llalel, qataq 'enauac som shiỹaxauapi maye neto'ot somaye, nache taỹa so lỹa nma' da yaqto' ca'ai so lqaỹa Jacob. Qaq lỹatec 'enauac so na'atetpi, qataq 'enauac som logoxoshetpi maye ỹachegoxotaña ye 'alhua Canaán, 7cha'aye ỹataqta mashe qalota so na'atetpi, qataq so logoxoshetpi soomaye, ỹoqo'oye soomaye saishet da queta da nhuoreu', cha'aye so 'alhua maye netralec mashe saq 'amaqtaq da lquia'aqa' so lalopi soomaye. 8Qaq ỹoqo'oye so Esaú, som nataqa'en le'enaxat Edom, taỹa co'ollaxa da nalec ye 'alhua qasoxonaxasat ye Seir.

9Qaq 'esoua soua chegoxogueta so Esaú, som chegoxogueta na Edom le'ecpi maye netalec co'ollaxa ye 'alhua qasoxonaxasat ye Seir. 10Qaq 'ena nam le'enaxatpi so llalaqpi so Esaú: So Elifaz late'e aso Ada, qaq so Reuel late'e aso Basemat. 11Qaq soua llalqa so Elifaz, Temán, Omar, Sefó, Gatán qataq so Cenaz. 12Qaq so Elifaz, huo'o aso ỹaqauga lhua lỹa le'enaxat Timna, qaq asomaye nache late'e so Amalec. Qaq 'esoua soua chegoxogueta aso Ada, maye lhua lỹa so Esaú. 13Qaq soua llalqa so Reuel: Najat, Zeraj, Sama qataq so Miza. Qaq 'esoua soua llalqa aso Basemat asom lhua lỹa so Esaú. 14Qaq aso Aholibama, asom lhua lỹa so Esaú, qalaq llalqa soua: Jeúz, Jalán qataq so Coré. Qaq asomaye nachaso aso llale so Aná qataq laual so Sibón.

15Qaq som nataxala'pi maye chegoxoguetpi so Esaú, qalaq 'ena na le'enaxatpi: so Elifaz som la'auaxanec llalec so Esaú, qalaq chegoxogueta soua nataxala'ate, Temán, Omar, Sefó, Cenaz, 16Coré, Gatán qataq so Amalec. Qaq 'enaua naua le'enaqa'ate soua nataxala'ate maye llalqa so Elifaz maye netalec co'ollaxa ye 'alhua Edom, qaq 'enauac somayepi nache chegoxoguet aso Ada. 17Qaq soua llalqa so Reuel som llalec lỹa so Esaú. Qaq 'enaua naua le'enaqa'ate soua nataxala'ate: Najat, Zeraj, Sama qataq so Miza. Qaq 'esoua soua nataxala'ate maye chegoxogueta so Reuel maye netaña co'ollaxa ye 'alhua Edom. Qaq 'enauaque soomaye chegoxogueta aso Basemat, asom lhua lỹa so Esaú. 18Qaq soua llalqa aso Aholibama asom llale so Aná, maye lhua lỹa so Esaú, qaq 'enaua naua le'enaqa'ate soua nataxala'ate: Jeúz, Jalán qataq so Coré. 19Qaq 'enauaque soomaye da chegoxogueta so Esaú som nataqa'en le'enaxat da Edom, qaq soomaye nache lataxala'ate so maiche lauo'.

So llalaqpi so Seir

20Qaq 'ena na le'enaxatpi so llalaqpi so Seir som horeo, maye netalec co'ollaxa se'eso 'alhua: Lotán, Sobal, Sibón, Aná, 21Disón, Eser qataq so Disán. Qaq 'esoua soua lataxala'ate som horeopi maye chegoxogueta so Seir, som netalec co'ollaxa ye 'alhua Edom. 22Qaq soua llalqa so Lotán: Jorí qataq so Hemán. Qaq aso Timna, qalaq lqaỹa so Lotán. 23Qaq soua llalqa so Sobal: Alván, Manajat, Ebal, Sefo qataq so Onam. 24Qaq soua llalqa so Sibón: Ayá qataq so Aná. Qaq se'eso Aná, nacheso co'ollaxa so ilalec aso lapelpi maye npaxaatasheguem na 'etaxat, co'ollaq somaye ilotague' so 'ashenapi maye lalo so lta'a Sibón. 25Qaq so Aná, huo'o so llalec le'enaxat Disón, qataq aso llale le'enaxat Aholibama. 26Qaq soua llalqa so Disón: Hemdán, Esbán, Itrán qataq so Querán. 27Qaq soua llalqa so Eser: Bilán, Zaván qataq so Acán. 28Qaq soua llalqa so Disán: Uz qataq so Arán.

29Qaq soua lataxala'ate som horeopi: Lotán, Sobal, Sibón, Aná, 30Disón, Eser qataq so Disán. Qaq 'esoua soua lataxala'ate som horeopi, ñi 'oonolec nataxala', ỹataqtac na maiche lauo' le'ecpi, co'ollaq netaña ye 'alhua Seir.

So nta'alpi ye Edom

31Qaq 'ena na le'enaxatpi so nta'alpi maye ilotague' co'ollaxa ye 'alhua Edom, co'ollaq saxanaxa da huo'o ca lta'a na llalaqpi so Israel: 32so Bela maye llalec so Beor, nacheso so nta'a co'ollaxa ye Edom, qaq som lalamaxat huaqta'a't nỹecpi, le'enaxat Dinaba. 33Qaq co'ollaq ileu so Bela, nache da lo'onataxanaxac da nta'a talec so Jobab som llalec so Zeraj, maye lma' ye Bosra. 34Qaq co'ollaq ileu so Jobab, nache da lo'onataxanaxac da nta'a talec so Jusán, som lma' co'ollaxa ye 'alhua Temán. 35Qaq co'ollaq ileu so Jusán, nache da lo'onataxanaxac da nta'a talec so Hadad, som llalec so Bedad, som loxonec co'ollaxa so Madián le'ecpi, hualec so no'onaxa ye Moab. Qaq som huaqta'a't nỹecpi maye lalamaxat somaye, qalaq le'enaxat da Avit. 36Qaq co'ollaq ileu so Hadad, nache da lo'onataxanaxac da nta'a talec so Samla, som lma' co'ollaxa ye Masreca. 37Qaq co'ollaq ileu so Samla, nache da lo'onataxanaxac da nta'a talec so Saúl, som lma' co'ollaxa ye Rejobot, maye hueto'ot na loigue so tala Éufrates. 38Qaq co'ollaq ileu so Saúl, nache da lo'onataxanaxac da nta'a talec so Baal Janán, som llalec so Acbor. 39Qaq co'ollaq ileu so Baal Janán, nache da lo'onataxanaxac da nta'a talec so Hadar. Qaq so huaqta'a't nỹecpi maye lalamaxat somaye, qalaq le'enaxat Pau. Qaq aso lhua so Hadar, le'enaxat da Mehitabel, asom llale so Matred qataq laual so Mezab.

40Qaq 'ena na le'enaxatpi so nataxala'pi maye chegoxoguetpi so Esaú, qaq ỹataqtac na maiche lauo' le'ecpi, qataq naua le'enaqa'ate naua lma'ate: Timna, Alva, Jetet, 41Aholibama, Elá, Pinón, 42Cenaz, Temán, Mibsar, 43Magdiel qataq Iram. Qaq 'ena na le'enaxatpi so nataxala'pi ye Edom. Ñi 'oonolec somayepi ỹataqtac na maiche lalamaxat lma', maye netalec. Qaq so Edom nacheso so Esaú, som chegoxoguet som Edom le'ecpi.

Currently Selected:

Génesis 36: LÑLE13

Highlight

Copy