Lukas 6

De Froag äwa dän Sabat

(Mat 12,1-8; Mrk 2,23-28)

1Daut neem sikj soo rom, daut Jesus eenen Sabat #6,1 Eenje oole Schreften sajen dän näakjsten Sabat. derch de Jeträajd Flekja jinkj, un siene Jinja plocken sikj Oaren un rubbelden dee met de Henj ut un eeten de Kjieena. #(1-11) Luk 13,10-17; 14,1-6 2Eenje Farisäa fruagen: Wuarom doo jie aum Sabat, waut jäajen daut Jesaz es? 3Jesus säd to an: Hab jie nich jeläst, waut David un dee, dee met am wieren, deeden, aus see hungrich wieren? #1Sam 21,7 4woo hee em Gotteshus jinkj un daut Broot eet, daut Gott jeweit wia, un uk dee jeef dee met am wieren? Daut wia jäajen daut Jesaz, wiels daut Broot wia bloos fa de Priesta toom äten. #3Mo 24,9 5Un hee säd to an: De Menschensän es uk Har äwa dän Sabat.

De Maun met de vedrieejde Haunt

(Mat 2,9-14; Mrk 3,1-6)

6Aun een aundren Sabat jinkj hee en de Judenschool nenn un lieed. Un doa wia een Maun, däm de rajchte Haunt vedrieecht wia. 7Un de Schreftjelieede un Farisäa pausten sea jeneiw opp no am, to seenen auf hee aum Sabat heelen wudd; see sochten no eene Uasoak, am to beschuljen. 8Hee oba wist waut see dochten un säd to dän Maun met de vedrieejde Haunt: Sto opp, un Komm häa! Hee stunt opp un kjeem no väaren. 9Dan säd Jesus to an: Ekj woa junt eent froagen: Waut doaf eena aum Sabat doonen, goodet ooda schlajchtet? Menschenläwen raden ooda vedoawen? 10Jesus kjikjt an aula aun un säd to dän Maun: Strakj diene Haunt ut! Hee deed daut; un siene Haunt wia soo jesunt aus de aundre. 11See oba wieren doll jenuach, Rach to eewen, un rotschluagen unjarenaunda, waut see met Jesus doonen wullen.

Jesus wält de 12 Apostel

(Mat 10,1-4; Mrk 3,13-19)

12En dee Tiet jinkj Jesus eenen Dach en de Boaj, to bäden; un hee brocht de Nacht too em Jebäd to Gott. #Mrk 1,35 13Zemorjes roopt hee siene Jinja no sikj un wäld sikj ut an 12, dee hee Apostel nand: #(13-16) Mat 10,2-4; Apost 1,13 14Simon, dän hee Petrus nand, un sienen Brooda Andreas; Jakobus un Johanes; Filippus un Bartolomäus; 15Matäus un Tomas; Jakobus, Alfäus sienen Sän, un Simon, de Zelot jenant; 16Judas, Jakobus sienen Sän, un Judas Iskariot, dee am veroden deed.

Een Schoof Menschen komen, jeheelt to woaren

(Mat 4,23-25; 12,15-16; Mrk 3,7-12)

17Hee jinkj met an rauf un stunt wua daut jlikj wia, met een Schoof von siene Jinja un uk een groot deel Menschen von Judäa un Jerusalem un von Tierus un Sidon, dee aum Mäa ligjen, dee jekomen wieren, am to hieren un von äare Krankheiten jeheelt to woaren. 18Un uk soone dee von orreine Jeista jekjwält worden, kjeemen un worden jesunt. 19Un de Menschen proowden am aula auntoschieren, wiels von am kjeem eene Krauft dee an aula heeld.

Seelichpriesungen un Weeen

(Mat 5,1-12)

20Hee kjikjt siene Jinja aun un säd: Seelich sent jie oame; wiels daut Gottesrikj es junt. #Jak 2,5 21Seelich sent jie, dee nu hungren; wiels jie sellen saut woaren. Seelich sent jie, dee nu hielen; wiels jie woaren lachen. #Opb 7,16-17 22Seelich sent jie, wan de Menschen junt om dän Menschensän sient haulwen nich lieden kjennen, junt vesteeten, beleidjen un een schlajchten Nomen jäwen. #Joh 15,18-19 23Dan siet froo un sprinjt fa Freid, wiels em Himmel woat jun Loon groot sennen, wiels daut es waut äare Vodasch de Profeeten uk toojesat haben.

24Oba wee junt, dee doa rikj sent! Jie haben junen Troost aul wajch. #Mat 19,23; Jak 5,1 25Wee junt, dee nu voll un saut sent, wiels junt woat hungren. Wee junt, dee hia lachen, wiels jie woaren truaren un hielen. 26Wee junt, wan aulemaun goot von junt rät, wiels daut es waut äare Vodasch von de faulsche Profeeten deeden.

Siet june Fiend goot

(Mat 5,38-48; 7,12a)

27Oba ekj saj to junt, dee mie hieren: Wiest Leew to june Fiend; un doot dee goodet, dee junt nich lieden kjennen; 28säajent dee, dee junt flieekjen; un bät fa dee, dee junt beleidjen. #1Kor 4,12 29Un wäa die opp eene Bak schleit, däm hool de aundre uk han; un wan die wäa dän Wanikj wajchnemt, dan jeff am uk dien Hamd. 30Wäa die om waut prachat, däm jeff daut; un wan die wäa daut dienje wajchnemt, dan fodda daut nich trigj. 31Doot jrod daut fa aundre, waut jie an wudden wenschen fa junt to doonen. #Mat 7,12 32Waut hab jie fa een Dank doafäa, wan jie Leew fa dee haben, dee junt goot sent? Wiels de Sinda sent uk dee goot, waut an goot sent. 33Un waut hab jie fa een Dank doafäa, wan jie dee goodet doonen, dee junt goodet doonen? Wiels daut doonen de Sinda uk. 34Un wan jie dee lieen, von dee jie daut räakjnen trigjtokjrieen, waut hab jie fa een Dank doafäa? Wiels de Sinda lieen aundre Sinda uk, von dee see räakjnen krakjt sooväl trigjtokjrieen. #5Mo 15,7-8 35Oba wiest daut jie Leew haben fa june Fiend; doot goodet un liet, doa wua jie nuscht räakjnen trigjtokjrieen. #6,35 Eenje oole Schreften sajen jäft met kjeenem Mensch opp. Dan woat jun Loon groot sennen, un jie woaren dän Aulahechsten siene Kjinja sennen, wiels hee haft uk een Jaumahoat fa de ondankboare un dee waut orrajcht doonen.

Jäajen aundre rechten

(Mat 5,48; Mrk 4,24)

36Doawäajen habt erboarmen, jrod soo aus jun Voda erboarmen haft.

37Doot nich rechten, dan woa jie uk nich jerecht woaren. Vedaumt aundre nich, dan woa jie uk nich vedaumt woaren. Vejäft, un junt woat vejäft woaren. #Mat 6,14 38Jäft, un junt woat eene goode Mot, doljedrekjt, toopjescheddat un äwavoll en de Schoot jejäft woaren; wiels met dee Mot dee jie fa aundre brucken, woat junt uk toojemäten woaren. #Mrk 4,24

Uadeel jäajen blinje Blinjenleida

(Mat 7,3-5; 15,14-25)

39Un hee räd to an derch een Jlikjnis: Kaun een blinja een blinjen leiden? Wudden dee nich beid em Growen nenn faulen? #Mat 15,14 40Een Lieelinkj steit nich äwa sienen Liera; oba wäa utjelieet es, woat soo sennen aus sien Liera. #Mat 10,24-25; Joh 15,20

41Wuarom sitst du dän Spletta en dien Brooda sien Uag, un sitst dän Baulkjen nich en dien ieejnet Uag? 42Ooda woo kaust du to dienen Brooda sajen: Brooda, lot mie die dän Spletta utem Uag nämen, wan du dän Baulkjen en dien ieejnet Uag nich sitst? Heichla! Trakj die ieescht dän Baulkjen ut dien ieejnet Uag rut. Dan woascht du bäta seenen kjennen dienen Brooda dän Spletta utem Uag to trakjen.

Een Boom un de Frucht doaraun

(Mat 7,16-20; 12,33-35)

43Wiels een gooda Boom drajcht nich schlajchte Frucht, un een schlajchta Boom drajcht uk nich goode Frucht. #(43 un 44) Mat 7,16-18 44Jieda Boom es aun siene Frucht to kjanen. Eena plekjt nich Fiejen von Distlen, ooda Wiendruwen von een Brombäa Bosch. 45Een gooda Mensch woat ut daut goode en sien Hoat, goodet verendach brinjen; un een schlajchta Mensch brinjt von daut schlajchte en sien Hoat, schlajchtet verendach. Wiels wuavon daut Hoat voll es, rät daut Mul.

Daut Jlikjnis vom Husbu

(Mat 7,24-27)

46Wuarom nan jie mie Har, Har, un doonen doch nich, waut ekj junt saj? #Mal 1,6; Mat 7,21

47Ekj woa junt wiesen met wäm dee to vejlikjen es, dee no mie kjemt un hieet waut ekj saj un daut dan uk deit. 48Dee es met een Mensch to vejlikjen, dee een Hus bud un bat opp däm Steen groof, om dän Grunt doa nopptolajen. Aus dan een Huachwota kjeem, reet de Stroom nom Hus opptoo, un kunn daut oba nich bewäajen, wiels daut stunt opp däm Steengrunt. #6,48 Eenje oole Schreften sajen wiels daut goot jebut wia. 49Wäa oba hieet un daut nich deit, dee es met een Mensch to vejlikjen, dee sien Hus onen eenen Grunt, opp de Ieed bud; un de Stroom reet sikj doahan, un daut Hus foll boolt toop, un de Schoden wia groot.

Currently Selected:

Lukas 6: PB

Highlight

Copy