1. Mose 16

Hagar un Ismael

1Abram un Sarai hauden kjeene Kjinja jehaut. See hauden eene ägiptische Kjäakjsche, dee heet Hagar. 2Un Sarai säd to Abram: Kjikj emol. De Har haft mie nich loten Kjinja haben. Kjikj emol no miene Kjäakjsche. Veleicht kaun ekj derch ar Kjinja haben. Un Abram wia envestonen met Sarai. #1Mo 30,3.9 3Aus Abram tieen Joa en Kanaan jewont haud, neem siene Fru Sarai, äare ägiptische Kjäakjsche, Hagar, un jeef Abram, äaren Maun, dee to Fru. 4Un Abram omoarmd Hagar, un aus Hagar daut wist daut see schwanga wia, kjikjt see rauf opp äare Wieetsche. 5Dan säd Sarai to Abram: Dit waut ekj hia von dise lieden mott, felt uk opp die. Ekj leet die ar nämen, un dan aus see sach daut see schwanga wia, kjikjt see rauf opp mie. Mucht de Har däm rechten, dee hia schuldich es. 6Un Abram säd to Sarai: See es diene Kjäakjsche! Doo met ar, soo aus die daut rajcht sitt. Dan muak Sarai ar daut Läwen schwoa, soo daut see von ar wajchrand.

7Enne Wiltnis, bie de Wotakjwal oppem Wajch no Schur, funk däm Harn sien Enjel Hagar. #2Mo 14,19; 23,20; 4Mo 22,22; 1Kjen 19,7; 2Kjen 19,35 8Un dee säd: Hagar, Sarai äare Kjäakjsche, von wua kjemst du, un wua jeist du han? Un Hagar säd: Ekj ran von Sarai, miene Wieetsche, wajch. 9Un däm Harn sien Enjel säd ar: Go du trigj no diene Wieetsche, un jehorch ar. 10Däm Harn sien Enjel säd: De Har woat die soo väl Nokomen jäwen, daut dee nich woaren to talen sennen. #1Mo 17,20 11Un däm Harn sien Enjel säd uk noch: Wan du een kjlienet Junkje haben woascht, saust du am Ismael nanen, wiels de Har die en dien Älent jehieet haft. #2Mo 2,23; Hiob 34,28; Psa 9,13; Jes 41,17; Jak 5,4 12Ismael woat soo frie aus een willa Äsel sennen, aulem jäajenaun un jieda eena jäajen am, nich frädlich met irjent een Brooda. #1Mo 25,18 13Doa roopt see däm Harn sien Nomen aun, dee to ar jerät haud. See nand am: De Har dee doa sitt. Un see säd: Hab ekj werkjlich däm jeseenen, dee mie sitt? #1Mo 22,14; 2Mo 3,7; 2Kjen 13,4 14Derch dit wort de Kjwal, dee tweschen Kadesch un Bered licht, Beer-lahai-roi #16,14 Daut meent De waut sitt un läft sien Borm jenant. #1Mo 24,62; 25,11

15Hagar haud een Junkje, un Abram nand däm Ismael. 16Abram wia 86 Joa oolt aus Ismael jebuaren wort.

Currently Selected:

1. Mose 16: PB

Highlight

Copy