Esra 8

Esra siene Bejleitasch

1Dit sent de Leida von de Volkjsgruppen met äare Nokomen, waut to dee Tiet, aus de Kjennich Artahsasta rejieed, met mie toop von Babel trigjtrocken. #Esra 7,1.7 2Von Pinhas siene Nokomen, wia Gerschom. Von Itamar siene Nokomen, wia Daniel. Von David siene Nokomen, wia Hatusch, Schechanja sien Sän. #1Chr 3,22 3Von Parosch siene Nokomen, wia Secharja, un met am toop wieren 150 Mana oppjetieekjent. #Esra 2,3 4Von Pahat Moab siene Nokomen, wia Eljoenai, Serachja sien Sän, un met am toop wieren 200 Mana oppjetieekjent. #Esra 2,6 5Von Satu siene Nokomen, wia Schechanja, Jahasiel sien Sän, un met am toop wieren 300 Mana oppjetieekjent. #Esra 2,8 6Von Adin siene Nokomen, wia Ebed, Jonatan sien Sän, un met am toop wieren 50 Mana. 7Von Elam siene Nokomen, wia Jeschaja, Atalja sien Sän, un met am toop wieren 70 Mana. 8Von Schefatja siene Nokomen, wia Sebadja, Michael sien Sän, un met am toop wieren 80 Mana. 9Von Joab siene Nokomen, wia Obadja, Jehiel sien Sän, un met am toop wieren 218 Mana. 10Von Bani siene Nokomen, wia Schelomit, Josifja sien Sän, un met am toop wieren 160 Mana. #Esra 2,10 11Von Bebai siene Nokomen, wia Secharja, Bebai sien Sän, un met am toop wieren 28 Mana. 12Von Asgad siene Nokomen, wia Johanan, Katan sien Sän, un met am toop wieren 110 Mana. 13Von de latste von Adonikam siene Nokomen wieren: Elifelet, Jeiel un Schemaja, un met an toop wieren 60 Mana. 14Von Bigwai siene Nokomen, wia Utai, Sabud sien Sän, un met am toop wieren 70 Mana.

Esra kjricht uk de Leviten un Tempeldeena loos toom trigjtrakjen

15Ekj vesaumeld de gaunze Grupp aum Riefa, dee no de Staut Ahawa schält, un wie bleewen doa dree Doag. Un ekj sach de Lied von ons Volkj doa un funk uk Priesta doa mank, oba kjeene Leviten. 16Dan schekjt ekj Elieser, Ariel, Schemaja, Elnatan, Jarib, Elnatan, Natan, Secharja un Meschullam, vestendje Gruppen Leida, 17un jeef an dän Oppdrach aun Ido, däm väaschten en Kasifja, daut see ons Deena fa onsen Gott sien Hus metjäwen sullen. Un ekj säd an daut, waut see Ido un siene Breeda sajen sullen, dee en Kasifja wieren. 18Un wiels Gott siene jnädje Haunt äwa ons hilt, brochten see Scherebja, eenen kluaken Maun, dee von Machli aufstaumd, dee een Grootsän von Israel sien Sän Levi wia, met siene Säns un Breeda toop, 18 Mana. #Esra 7,6 19Un buta däm kjeemen Haschabja un Jeschaja von Merari siene Nokomen, met äare Breeda un dee äare Säns toop, 20 Mana. 20Un von de Tempeldeena dee äare Vodasch von David un siene Rejierungsmana wieren däm Tempel äwajäft worden, om de Leviten to halpen, wieren 220 Mana. Aula met Nomen oppjetieekjent. #1Chr 9,2

De Reis woat reedjemoakt

21Ekj leet dort aum Riefa bie Ahawa eenen Dach toom fausten bekauntmoaken. Wie wullen ons aula ver onsen Gott deemootjen, om am om eene Reis onen Jefoa to bäden fa ons un onse Kjinja un aul onse Sachen. 22Ekj schämd mie, vom Kjennich Rittasch aus Bejleitasch fa de Reis to fodren, om ons opp dän Wajch fa Fiend to schitzen. Wiels wie hauden däm Kjennich jesajcht: Ons Gott helt siene Haunt äwa aul dee toom Schutz, dee am sieekjen, un siene Macht un sienen Oaja jäajen aul dee, dee am veloten. #Esra 7,6 23Un soo deed wie fausten un Gott om sienen Schutz bäden, un hee erhieed ons Jebäd.

24Un no däm neem ekj twalf von de väaschte Priesta oppoat, un doatoo noch Scherebja un Haschabja met tieen von äare Breeda toop. 25Un ekj wuach ver an aul daut Selwa un Golt un daut Jereetschoft waut aus Gowen fa onsen Gott sien Hus jejäft wia, waut de Kjennich un siene Rotjäwasch un Rejierungsmana un aul de Israeliten dee doa tojäajen wieren, jejäft hauden. 26Ekj wuach daut ver an un äwajeef an 650 Zentna Selwa, un 100 Zentna selwanet Jereetschoft, un 100 Zentna Golt, 27un 20 goldne Kuffels, waut 1.000 persische Golt Stekja wieet wieren, un twee schmocke goltblanke Dinja von Brons, waut krakjt soo wieetvoll wieren aus Golt. 28Un ekj säd to an: Jie sent däm Harn jeweit, un soo uk dit Jereetschoft. Un daut Selwa un Golt sent friewelje Gowen fa däm Harn, june Vodasch äaren Gott. 29Nu paust goot opp un bewoakt daut, bat jie biem Tempel en Jerusalem aunkomen, un daut doa, ver de väaschte Priesta un Leviten un de Leida von de Volkjsgruppen en Israel, nojewoagen haben. 30Dan neemen de Priesta un Leviten daut Selwa un Golt, waut aufjewoagen wia, un daut wieetvolle Jereetschoft, om daut no Jerusalem en onsen Gott sienen Tempel to brinjen.

Daut trigjkomen no Jerusalem

31Aum 12. Dach en de 1. Moonat reisd wie von däm Riefa bie Ahawa loos no Jerusalem. Un ons Gott hilt siene Haunt äwa ons un beschizt ons fa onse Fiend un fa soone, waut ons opp däm Wajch äwafaulen wullen. 32Un wie kjeemen no Jerusalem un reiwden ons doa dree Doag ut. 33Oba aum vieeden Dach wort daut Selwa un Golt un daut wieetvolle Jereetschoft en onsen Gott sien Hus nojewoagen un aun däm Priesta Meremot, Uria sien Sän, aufjejäft. Un bie am wieren noch Eleasar, Pinhas sien Sän, un de Leviten Josabad, Jeschua sien Sän, un Noadja, Binnui sien Sän. 34Jieda Sach wort jetalt un nojewoagen, un de gaunze Wicht wort doljeschräwen. 35En dise Tiet opfaden de Lied, waut ut de Jefangenschoft jekomen wieren, däm Gott en Israel toom Brauntopfa fa gaunz Israel, 12 junge Bolles, 96 Schopsbakj, un 77 Lama, un 12 Kosenbakj aus Sindopfa. Aules wort aus Brauntopfa fa dän Harn vebrent. #Esra 6,17

36Un see äwajeewen däm Kjennich siene Aunordnungen aun däm Kjennich siene Aumtslied un dän persischen Vewaulta äwa de Prowins aun de wastne Sied Eufrat. Un dise holpen daut Volkj un deeden Gott sienen Tempel unjastetten. #Esra 5,17; 7,12-26

Currently Selected:

Esra 8: PB

Highlight

Copy