Kolossa 3
3
Nieet Läwen derch Christus
1Wan jie nu met Christus vom Doot oppjestonen sent, dan sieekjt no daut, waut bowen es, wua Christus bie Gott aun de rajchte Sied setten deit. #Kol 2,12 2Denkjt aun daut waut doa bowen es, un nich aun daut waut oppe Ieed es. #Mat 6,33 3Jie sent jestorwen, un jun Läwen es met Christus en Gott vestoaken. #Reema 6,2 4Wan Christus, dee nu ons Läwen es, verendach komen woat, dan woa jie met am toop uk harlich hanjestalt woaren. #1Kor 15,43
5Doawäajen moakt aules en junt doot waut von june sintliche Natua kjemt, de Huararie, Orreinichkjeit, sintelje Liedenschoften, beese Lost un Jiez. Jiez es krakjt soo aus Jetta deenen. #Efs 5,3 6Wiels jrod wäajen soowaut woat Gott sien Oaja äwa dee komen, dee nich jehorchen. #Efs 5,6 7Un soowaut muak jie met aus jie doabennen läwden. 8Oba nu lajcht soowaut uk aules auf: Sikj oajren, grollen, schlajcht sennen, spotten, niedatrajchtje un beleidjende Wieed ut jun Mul. #Efs 4,29.31 9Doot nich unjarenaunda lieejen. Jie haben jun oolet ekj met siene beese Natua un Woakjen aufjelajcht. #Efs 4,22-25 10Un jie haben eene niee Natua aunjenomen, dee emma dolla no däm likjent, dee junt jemoakt haft. #1Mo 1,26-27; Efs 4,24 11En de niee Natua, dee soo aus Christus es, jeft daut nich soowaut aus Juden ooda Griechen, beschnäden sennen ooda nich beschnäden sennen, Skieten, framde Velkja, Kjnajchts ooda Friee. Doa es Christus aules un en aulen. #Gal 3,28
Woo jie läwen sellen
12Jie sent von Gott jewält un heilich, un hee es junt goot. Aus soone lot junt nu von Gott beschenkjen un trakjt junt Jesus siene Ieejenschoften aun: sikj von Hoaten erboarmen, frintlich sennen, deemootich, saunftmootich un jeduldich sennen. 13Vedroacht eena dän aundren, un vejäft junt unjarenaunda, wan wäa eene Kloag jäajen dän aundren haft. Soo aus de Har junt vejäft haft, soo mott jie uk vejäwen. #Mat 6,14; Efs 4,2.32 14Un äwa aules siet leeftolich, soo daut aules to eene volkomne Eenichkjeit vebungen woat. #Reema 13,8.10 15Un lot Christus sien Fräd en june Hoaten rejieren. Gott haft junt doatoo jewält, sienen Fräd to haben aus Jläda aun eenen Kjarpa. Un siet dankboa. #1Kor 12,13.27; Efs 4,3-4; Flp 4,7 16Lot Christus sien Wuat rikjlich mank junt wonen. Belieet un halpt eena dän aundren en aule Weisheit. Sinjt von een dankboaret Hoat Psalmen un jeistliche Leeda, Gott to ieren. #Efs 5,19 17Un aules, waut jie sajen un doonen, doot en onsen Harn Jesus sienen Nomen. Derch am dankt Gott onsen Voda. #1Kor 10,31
Väaschreften fa eenselne Gruppen
18Frues, siet june Mana unjadon, soo aus sikj daut em Harn jehieet. 19Un jie Mana, siet june Frues goot, siet leeftolich un nich hoat to an. #1Pet 3,7 20Kjinja, jehorcht en aules june Elren; daut jefelt däm Harn. 21Jie Vodasch, veoajat un vebettat june Kjinja nich, daut see nich schuchta un mootloos woaren.
22Oabeida, jehorcht june Wieetslied en aule Sachen, un nich mau dan, wan see junt seenen, om an to jefaulen. Jehorcht met een opprechtjet Hoat un en Gottesforcht. 23Aules waut jie doonen, daut doot von Hoaten jieren aus fa Gott, un nich fa Menschen. 24Jie weeten, daut jie vom Harn een Oafgoot kjrieen woaren. Jie deenen däm Harn Christus! 25Wäa orrajcht deit, woat fa sien orrajcht trigjetolt kjrieen, un doa woat kjeena väajetrocken woaren. #Reema 2,11
Currently Selected:
Kolossa 3: PB
Highlight
Share
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.