1. Chronik 4
4
De eenselne Volkjsgruppen von däm Staum Juda
1De Nokomen von Juda wieren: Perez, Hezron, Karmi, Hur un Schobal. #1Chr 2,4-5.7.19.50 2Reaja, Schobal sien Sän, haud eenen Sän Jahat, un Jahat siene Säns wieren: Ahumai un Lahad. Un von an staumden de Volkjsgruppen von de Zoratita auf. #1Chr 2,53 3De Nokomen von Hur, dee von sienen Sän Etam staumen, wieren: Jesreel, Jischma, Jidbasch; un äare Sesta heet Hazlelponi. 4Pnuel wia de Staumvoda von Gedor, un Eser wia de Voda von Huscha. Daut sent de Nokomen von Hur, däm ieeschtjebuarnen Sän von Kaleb siene Fru Efrata, däm Staumvoda von Betlehem. #1Chr 2,19.50 5Aschhur, de Voda von Tekoa, haud twee Frues: Hela un Naara. 6Un von Naara worden am dise jebuaren: Ahusam, Hefer, Temni un Ahaschtari. Daut wieren de Säns von Naara. 7Un de Säns von Hela wieren: Zeret, Sohar, Etnan un Koz. 8Von Koz staumden Anub un Zobeba auf, un uk Aharhel siene Volkjsgruppen, dee Harum sien Sän wia. 9Een Maun met Nomen Jabez haud een jratret aunseenen aus siene Breeda. Un siene Mutta nand am Jabez; see säd: Ekj hab am met Weedoag jebuaren. 10Un Jabez roopt dän Gott en Israel aun un säd: Säajen du mie un doo mien Launtstekj vejratren! Sto mie bie un hool Ojjlekj un Bedrenkjnis von mie wajch! Un Gott jeef am daut, wuarom hee jebät haud.
11Kelub, Schuha sien Brooda, haud eenen Sän Mehir, dän Voda von Eschton. 12Un Eschton siene Säns wieren: Bet Rafa, Paseach un Tehinna, dän Staumvoda von de Staut Nahasch. Äare Volkjsgruppen wonden en Recha. 13Kenas siene Säns wieren: Otniel un Seraja. Un Otniel siene Säns wieren: Hatat un Meonotai. #Jos 15,17; Rech 1,13 14Un Meonotai haud eenen Sän Ofra. Un Seraja haud eenen Sän Joab, dän Staumvoda von daut Hauntoabeida Tol, wiels see wieren aula Hauntoabeida. 15Jefune sienen Sän Kaleb siene Säns wieren: Iru, Ela un Naam; Ela sien Sän wia Kenas. #4Mo 13,6; 14,6 16Jehalelel siene Säns wieren: Sif, Sifa, Tirja un Asarel. 17Esra siene Säns wieren: Jeter, Mered, Efer un Jalon. Mered haud eene ägiptische Fru, dee Bitja heet, dän ägiptischen Kjennich siene Dochta; un von dee worden jebuaren: Mirjam, Schamai un Jischbach, dän Staumvoda von Eschtemoa. 18Un von siene Fru ut Juda worden am jebuaren: Jered, Gedor sien Voda, Heber, Socho sien Voda, un Jekutiel, Sanoach sien Voda. 19Hodija fried sikj Naham siene Sesta. Un dee äare Nokomen wieren: De Garmita, de Staumvoda von Keila, un Eschtemoa, de Maachatita. 20Schimon siene Säns wieren: Amnon, Rinna, Ben Hanan un Tilon.
Jischi sien Sän wia Sohet. Un däm sien Sän heet Ben Sohet. 21Juda sienen Sän Schela siene Säns wieren: Er, Lecha sien Voda, un Lada, Marescha sien Voda, un buta däm wieren noch de Volkjsgruppen, dee en Bet Aschbea wonden un feinet Zeich wäwen deeden. #1Chr 2,3 22Un to Schela siene Nokomen jehieren uk noch: Jokim un de Mana von Koseba, un uk Joasch un Saraf, waut to eene Tiet en Moab rejieeden, un nohäa oba wada trigj no Betlehem kjeemen, soo aus de oole Jeschichten sajen. 23Äare Nokomen wonden en Netaim un Gedera un oabeiden doa aus Toppstrikja en däm Kjennich siene Woakjstowen.
De Nokomen von Simeon
24Simeon siene Säns wieren: Jemuel, Jamin, Jarib, Serach un Schaul. #1Mo 46,10 25Schaul sien Sän wia Schalum, däm sien Sän wia Mibsam, un Mibsam sien Sän wia Mischma. 26Mischma siene Säns wieren: Hamuel, Sakur un Schimi. 27Un Schimi haud 16 Säns un sas Dajchta; oba siene Breeda hauden nich väl Kjinja, un äa gaunzet Jeschlajchtsrejista vejratad sikj nich soo aus Juda sien Jeschlajchtsrejista deed. 28See bewonden oba Beerscheba, Molada, Hazar Schual, #(28-33) Jos 19,2-8 29Baala, Ezem, Eltolad, 30Betuel, Horma, Ziklag, 31Bet Markabot, Hazar Susa, Bet Biri un Schaarajim. Daut wieren äare Städa waut see bewonden, bat David Kjennich wort. 32Buta däm jehieeden an uk noch dise fief Städa: Etam, Ajin, Rimmon, Tochen un Aschan 33met aul de Siedlungen toop, dee doa bat aun Baal rieekjten. Dort wonden see, un see hauden äa ieejnet Jeschlajchtsrejista.
34De Leida von äare Volkjsgruppen wieren: Meschobab, Jamlech, Joscha, Amazja sien Sän, 35Joel, Jehu, Joschibja sien Sän, un een Grootsän von Seraja, un een Uagrootsän von Asiel. 36Wieda wieren: Eljoenai, Jaakoba, Jeschohaja, Asaja, Adiel, Jesimiel, Benaja 37un Sisa, dee een Sän von Schifi wia, un Schifi wia een Sän von Alon, un Alon wia een Sän von Jedaja, un Jedaja een Sän von Schimri, dee een Sän von Schemaja wia. 38Dise, waut met Nomen jenant sent, wieren Leida en äare Volkjsgruppen, un äare Volkjsgruppen vebreeden sikj sea. 39Un om niee Weidplaza fa äare Schophäaden to sieekjen, trocken see no de oostne Sied vom Tol, no Gedor opptoo. 40Dort fungen see goode sauftje Weid un een Flekj Launt waut väl Rum haud, un uk secha un ruich wia, wiels daut verhäa von Ham siene Nokomen bewont wort. #1Chr 1,8-16 41Un en dee Tiet, aus Hiskia Kjennich en Juda wia, kjeemen dise jenande Volkjsgruppen un äwafollen de Nokomen von Ham en äare Zeltloagasch, un uk de Meunita, waut dort wonden. See venichten dee aula un neemen äare Woninjen en, un wonen doa bat däm vondoagschen Dach, wiels doa Weid fa äare Schop wia. #2Kjen 18,1 42Eene aundre Grupp ut däm Staum Simeon, bie 500 Mana, trock no daut Boajlaunt Seir. Äare Leida wieren: Pelatja, Nearja, Refaja un Usiel, Jischi sien Sän. 43See schluagen de Amalekita doot, waut äwajebläwen wieren un sikj doahan trigjetrocken hauden, un see muaken sikj doa Tus un wonden doa bat disen Dach. #1Sam 15,3.8
Currently Selected:
1. Chronik 4: PB
Highlight
Share
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.