Awit sa mga Awit 1
1
1Ang#1 Hari 4:32. awit sa mga awit, awit ni Solomon.#1:1 ni Solomon: o gihalad alang kang Solomon o mahitungod kang Solomon.
Ang Unang Awit
Ang Babaye
2Gidigo mo ako sa mga halok;
ang imong gugma tam-is pa kay sa bino.
3Humot ka kaayo
ug ang imong ngalan daw pahumot nga gibubo,
busa gihigugma ka sa mga dalaga.
4Dad-a ako ug magdali kita;
ikaw ang akong hari ug dad-a ako sa imong lawak.
Maglipay kami kay ania ka man;
magpakahubog kami sa imong gugma.
Bantog rang nahigugma gayod sila kanimo!
5Itumon ako apan#1:5 apan: o ug. guwapa, O mga babaye sa Jerusalem,
itumon sama sa tolda sa Kedar
ug sa mga kurtina sa palasyo ni Solomon.
6Ayaw akog tamaya tungod lamang sa akong pamanit,
kay napaig man ako sa adlaw.
Nasuko kanako ang akong mga igsoon
ug gipatrabaho ako nila sa parasan.
Wala na akoy panahon pag-atiman sa akong kaugalingon.
7Hinigugma ko,
asa mo man pasibsiba ang imong kahayopan?
Asa mo man sila papasilonga sa panahon sa kaudtohon?
Nganong adto ko man ikaw pangitaa
sa panon sa mga kahayopan sa ubang magbalantay?#1:7 Nganong…ubang magbalantay?: Dili klaro sa Hebreo.
Ang Lalaki
8Wala ka ba diay makatultol sa dapit,
O labing matahom sa mga babaye?
Sunda ang tunob sa kahayopan
ug pangitag kasibsiban sa imong mga kanding
duol sa mga tolda sa mga magbalantay.
9Makadani ka sa mga lalaki
sama sa kabayong baye nga makadani sa kabayong laki nga nagguyod sa karwahi sa Paraon.
10Matahom ang imong mga aping nga nasaghiran sa mga dayandayan,
ug ang imong liog nga gisab-ongan ug mga alahas.
11Himoan ka namog kuwintas nga bulawan nga dayandayanan ug plata.
Ang Babaye
12Samtang ang akong hari anaa sa iyang higdaanan,
mialimyon pag-ayo ang akong pahumot.
13Ang akong hinigugma sama kahumot sa mira
nga nagpauraray sa akong dughan.
14Ang akong hinigugma sama sa ihalas nga kabulakan
nga mitubo sa mga parasan sa Enggadi.
Ang Lalaki
15Pagkatahom mo gayod, hinigugma ko;
ang imong mga mata daw mga mata sa salampati.
Ang Babaye
16Pagkaguwapo mo, minahal ko;
pagkamadanihon mo gayod.
Ang lunhawng mga sagbot maoy atong higdaan;
17ang mga kahoyng sidro mao ang mga sagbayan sa atong balay,
ug ang kisami niini mga kahoyng sipre.
Currently Selected:
Awit sa mga Awit 1: RCPV
Highlight
Share
Copy
Want to have your highlights saved across all your devices? Sign up or sign in
© 1999 Philippine Bible Society
