Mga Salmo 91
91
Ang Dios Atong Tigpanalipod
1Ang modangop sa Labing Halangdon,
ang magpabiling ubos sa pagbantay sa Labing Gamhanan,
2makaingon sa Ginoo,
“Ikaw ang akong manlalaban ug tigpanalipod,
ikaw ang akong Dios, ug kanimo nagsalig ako.”
3Gikan sa tanang katalagman nga wala mo hisayri,
ilikay ka gayod niya ingon man sa tanang sakit nga makamatay.
4Tabonan ka niya sa iyang mga pako
ug dili ka gayod maunsa ubos sa iyang pag-atiman.
Ang iyang pagkamaunongon manalipod ug magbantay kanimo.
5Dili ka unya mahadlok sa mga katalagman sa kagabhion
o sa mga udyong nga naghadyong panahon sa adlaw
6o sa mga sakit nga mohampak diha sa kangitngit
o sa kadaotan nga molaglag panahon sa adlaw.
7Mahimong mangapukan ang usa ka libo diha sa imong kiliran,
napulo ka libo libot kanimo
apan dili ka gayod maunsa.
8Makita mo unya unsaon pagsilot ang mga daotan.
9Kay gihimo mo mang dalangpanan ang Ginoo,
ang Labing Halangdon nga imong tigpanalipod,
10walay katalagman nga modangat kanimo
ug walay kadaot nga moabot duol sa imong puloy-anan.
11Pabantayan#Mat. 4:6; Luc. 4:10. ka sa Dios sa iyang mga anghel
aron pagpanalipod kanimo bisag asa ka paingon.
12Sapwangon#Mat. 4:6; Luc. 4:11. ka nila sa ilang mga kamot
aron dili maunsa sa mga bato ang imong mga tiil.
13Tumban#Luc. 10:19. mo ang mga liyon ug mga bitin,
mga mapintas nga liyon ug mga bitin nga malala.
14Ang Dios nag-ingon, “Luwason ko kadtong nahigugma kanako,
ug panalipdan ko kadtong miila sa akong ngalan.
15Sa dihang sangpiton ako nila, tubagon ko sila.
Mag-uban ako kanila sa dihang sila anaa sa kalisdanan.
Luwason ko sila ug pasidunggan.
16Gantihan ko silag taas nga kinabuhi
ug luwason ko gayod sila.”
Currently Selected:
Mga Salmo 91: RCPV
Highlight
Share
Copy
Want to have your highlights saved across all your devices? Sign up or sign in
© 1999 Philippine Bible Society
