Mga Salmo 4
4
Pag-ampo Panahon sa Gabii#ANG ULOHAN SA HEBREO: Salmo ni David. Ngadto sa Pangulong Musikero: Uban sa tulunggon nga may kuwerdas.
1Tubaga ako, O Dios nga manlalaban ko,
inigsangpit ko kanimo!
Sa akong kalisdanan, mitabang ka kanako.
Kaluy-i ako karon ug dungga intawon ang akong pag-ampo!
2O katawhan, hangtod kanus-a ang pagbiaybiay ninyo kanako?
Hangtod kanus-a ang pagmahal ninyo sa mga pulong nga walay bili
ug pagsunod sa bakak?
3Timan-i baya ninyo nga gipili sa Ginoo ang matarong
aron maiya ug mamati siya sa akong pagsangpit kaniya.
4Pangurog#Ef. 4:26. kamo sa kahadlok
ug ayaw na#4:4 Pangurog kamo sa kahadlok ug ayaw na: o Pangasuko kamo apan ayaw. pagpakasala.
Pamalandongi kini,
samtang mag-inusara kamo sa inyong mga lawak.
5Ihalad sa Ginoo ang hustong halad
ug salig kamo kaniya.
6Daghan ang nag-ampo, “Madawat unta namo
ang dugang nga mga panalangin.
O Ginoo, kaluy-i intawon kami.”
7Ang kalipay nga gihatag mo kanako
labaw pa kay sa ilang kalipay
tungod sa daghan nilang pagkaon ug ilimnon.
8Mohigda ug matulog ako nga malinawon
kay ikaw lamang, O Ginoo, ang magbantay kanako.
Currently Selected:
Mga Salmo 4: RCPV
Highlight
Share
Copy
Want to have your highlights saved across all your devices? Sign up or sign in
© 1999 Philippine Bible Society