Mga Salmo 34
34
Pagdayeg tungod sa Kaayo sa Dios#ANG ULOHAN SA HEBREO: Salmo ni David human siya magpakaaron-ingnon nga buang sa atubangan ni Abimelec. Tungod niini gipalayas siya ug milayas usab siya.
1Pasalamatan#1 Sam. 21:13-15. ko kanunay ang Ginoo;
dili gayod ako mohunong paglitok ug mga pagdayeg alang kaniya.
2Daygon ko siya tungod sa iyang nabuhat.
Mamati unta ug maglipay ang tanang nag-antos!
3Duyog kanako sa pagsangyaw sa kahalangdon sa Ginoo.
Maghiusa kita sa pagdayeg sa iyang ngalan!
4Nag-ampo ako sa Ginoo,
ug gitubag niya ako
ug giwagtang niya ang tanan kong kahadlok.
5Dangop kaniya ug kamo magmalipayon
ug dili gayod mapakyas.
6Kining alaot misangpit sa Ginoo,
ug gitubag siya ug giluwas gikan sa iyang mga kalisdanan.
7Ang anghel sa Ginoo
manalipod sa mga may pagtahod ug kahadlok sa Ginoo,
ug luwason niya sila gikan sa katalagman.
8Sulayi#1 Ped. 2:3. ug makita ninyo
ang kaayo sa Ginoo!
Bulahan ang tawo nga modangop kaniya!
9Kamong piniling katawhan sa Ginoo,
pasidunggi ug kahadloki siya
kay ang may kahadlok kaniya
dili gayod mahikawan sa ilang gikinahanglan.
10Bisan ang mga liyon kabsan sa pagkaon ug gutomon,
apan ang mosalig sa Ginoo
dili gayod mahikawan sa ilang gikinahanglan.
11Dali ngari, kamong mga batan-on, ug pamatia ako
kay tudloan ko kamo sa pagtahod sa Ginoo.
12Buot#1 Ped. 3:10-12. ba kamong magpahimulos sa kinabuhi
ug mabuhig dugay ug magmalipayon?
13Likayi ang pagsultig daotan
ug ang pagpamakak.
14Biyai ang daotan ug buhata ang maayo;
paninguhaa ang kalinaw sa tibuok mong kasingkasing.
15Bantayan sa Ginoo ang matarong
ug dunggon niya ang ilang pagtuaw.
16Apan kasilagan niya ug puohon
ang mga daotan aron dili na sila mahinumdoman.
17Nagsangpit sa Ginoo ang mga matarong
ug sila gipatalinghogan niya,
ug giluwas gikan sa tanan nilang kalisdanan.
18Duol ang Ginoo sa samdan ug kasingkasing,
ug luwason niya ang nakabsan na sa tanang paglaom.
19Daghang kalisdanan ang antuson sa matarong,
apan luwason siya sa Ginoo gikan niining tanan.
20Ampingan#Juan 19:36. siya pag-ayo sa Ginoo
ug dili siya kabaliag bukog.
21Ang buhat sa mga daotan mao ray makamatay kanila,
ug silotan ang nasilag sa mga matarong.
22Luwason sa Ginoo ang iyang mga sulugoon;
dili niya silotan kadtong midangop kaniya.
Currently Selected:
Mga Salmo 34: RCPV
Highlight
Share
Copy
Want to have your highlights saved across all your devices? Sign up or sign in
© 1999 Philippine Bible Society
