Mga Salmo 141
141
Pag-ampo Panahon sa Gabii#ANG ULOHAN SA HEBREO: Salmo ni David.
1Nagsangpit ako kanimo, O Ginoo, tabangi ako karon!
Dungga intawon ako inigsangpit ko kanimo.
2Dawata#Gipa. 5:8. ang akong pag-ampo sama sa insenso
ug ang akong binayaw nga mga kamot ingon nga halad panahon sa kagabhion.
3O Ginoo, butangig magbalantay ang akong baba;
bantayi ang akong mga ngabil.
4Ilikay ako sa pagbuhat ug daotan
ug sa pagpakig-abin sa daotang mga tawo sa ilang pagkamakasasala.
Ayaw ako pasaloha kanila sa ilang mga kombira!
5Mahimong silotan ako sa usa ka tawong maayo ug badlongon ako niya uban ang kaluoy,
apan ayaw itugot nga ang usa ka tawong daotan magdihog ug lana sa akong ulo,
kay kanunay man akong nag-ampo batok sa daotan niyang binuhatan.
6Kon itambog na ang ilang mga pangulo ngadto sa batoong pangpang,
motuo na unya ang mga tawo nga tinuod ang akong gisulti.
7Sama sa kahoy nga gibugha,#141:7 kahoy nga gibugha: o galingang bato nga napulpog.
makatagkatag unya ang ilang mga bukog sa baba sa Seol.
8Apan ako, O Ginoo nga Dios, magpadayon pagsalig kanimo;
nagkinahanglan ako sa imong panalipod;
ayaw intawon itugot nga mamatay ako!
9Ilikay ako sa mga lit-ag nga ilang giandam kanako
ug sa mga laang sa mga makasasala.
10Maunay untag kabitik ang mga daotan
sa ilang kaugalingong mga lit-ag
samtang ako moagi lamang ug makalikay sa kadaot.
Currently Selected:
Mga Salmo 141: RCPV
Highlight
Share
Copy
Want to have your highlights saved across all your devices? Sign up or sign in
© 1999 Philippine Bible Society
