Mga Salmo 108
108
Pakitabang batok sa mga Kaaway#ANG ULOHAN SA HEBREO: Usa ka Awit. Salmo ni David.
(Sal. 57:7-11; 60:5-12)
1Hingpit ang akong pagsalig, O Dios!
Awitan ug daygon ko ikaw!
Pagmata na, O akong kalag!
2Pagmata na, akong alpa ug lira!
Pukawon ko ang adlaw!
3Pasalamatan ko ikaw
taliwala sa mga nasod, O Ginoo!
Daygon ko ikaw taliwala sa mga katawhan!
4Ang gugma mong walay paglubad misangko sa kalangitan
ingon man ang imong pagkamatinud-anon.
5O Dios, ipakita diha sa langit ang imong pagkagamhanan
ug ang imong himaya diha sa tibuok kalibotan.
6Luwasa kami pinaagi sa imong gahom;
tubaga ang akong pag-ampo,
aron maluwas ang katawhan nga imong gihigugma.
7Diha sa iyang balaang puloy-anan#108:7 iyang balaang puloy-anan: o iyang pagkabalaan. ang Dios miingon,
“Sa akong kadaogan, bahinon ko ang Siquem
ug ihatag ko sa akong katawhan ang Walog sa Sucot.
8Akoa ang Gilead ingon man ang Manases.
Ang Efraim mao ang akong kalo nga panalipod
ug ang Juda mao ang akong sitro nga harianon.
9Apan gamiton ko ang Moab ingon nga planggana nga hunawanan
ug ang Edomea ingon nga butanganan sa akong sandalyas.
Mosinggit ako sa kalipay inigdaog ko batok sa Filistia.”
10Kinsay modala kanako, O Dios,
ngadto sa siyudad nga gilibotag paril?
Kinsay modala kanako ngadto sa Edomea?
11Gisalikway mo na ba gayod kami, O Dios?
Dili ka na ba gayod mangulo sa among kasundalohan?
12Tabangi kami pagbuntog sa kaaway
kay dili magsilbi ang tawhanong panabang!
13Kon ang Dios modapig kanamo, modaog gayod kami;
ug buntogon niya ang among mga kaaway.
Currently Selected:
Mga Salmo 108: RCPV
Highlight
Share
Copy
Want to have your highlights saved across all your devices? Sign up or sign in
© 1999 Philippine Bible Society
