Mga Panultihon 18

1Ang tawo nga dili makighugoyhugoy

naghunahuna lamang sa iyang kaugalingon,

ug mosupak sa bisag unsa nga giisip sa uban nga husto.

2Ang buangbuang dili magsapayan kon may masabtan ba siya o wala

basta lang nga makapadayag siya sa iyang panghunahuna.

3Ang sala ug kaulawan dili gayod magbulag.

Kon mawala ang dungog

mobanos ang pagbiaybiay.

4Ang isulti sa tawo

usahay mahimong tinubdan sa kaalam;

lalom kini daw dagat

ug nag-agas daw sapa.

5Dili makatarunganon ang pagdapig sa sad-an

ug ang paghikaw ug hustisya sa walay sala.

6Tungod sa pagpataka ug buka sa iyang baba

ang buangbuang makatilaw ug sagpa.

7Kon siya mosulti,

nagdaot lang siya sa iyang kaugalingon

kay malaang man siya sa iyang kaugalingong mga pulong.

8Ang mga tabi daw lamiang pagkaon

nga lami kaayong tunlon.

9Ang tawong tapolan sama ka daotan sa tawong tigguba.

10Ang ngalan sa Ginoo sama sa lig-ong tore

nga kadangpan sa mga matarong aron paglikay sa kadaot.

11Ang mga dato nagtuo nga ang ilang bahandi manalipod kanila

sama sa habog nga paril libot sa siyudad.

12Sa wala pa ang katalagman ang tawo mapahitas-on,

apan ang pagpaubos mag-una sa kadungganan.

13Pamati#Sir. 11:8. una sa dili ka pa motubag

aron dili ka maulawan ug mahisama sa buangbuang.

14Ang tinguha sa tawo sa pagpakabuhi sa panahon sa balatian makalig-on kaniya

apan kon mawad-an siya niini hayan nga mamatay siya.

15Ang mga tawong maayog panabot

gusto ug andam kanunay nga makakat-on.

16Kon gusto kang makigkita sa usa ka dakong tawo,

dad-i siyag gasa ug molampos ka gayod sa dakong kasayon.

17Ang unang mosulti sa usa ka husay morag husto

hangtod nga sukitsukiton na siya sa iyang kontra.

18Kon ang duha ka tawo nga gamhanan maoy magkaatbang sa hukmanan

ang ripa makasulbad sa ilang panagbingkil.

19Tabangi ang imong igsoon

ug manalipod siya kanimo daw usa ka lig-ong siyudad.

Apan kon awayon mo siya

dili ka niya tabangan.#18:19 Tabangi…tabangan: o Ang igsoon nga nasilo nahisama sa usa ka lig-on nga siyudad nga dili masulod. Ang panagbingkil sama kalig-on sa mga dagkong rehas sa palasyo.

20Kinahanglan nga sagubangon mo

ang sangpotanan sa imong gisulti.

21Ang imong isulti makaluwas o molaglag sa kinabuhi,

busa kinahanglan nga dawaton mo ang sangpotanan sa imong gipanulti.

22Kon#Sir. 26:1-4. makakaplag kag asawa, nakakaplag kag kaayohan!

Magpaila kana nga gipanalanginan ka sa Ginoo.

23Kon ang mosulti kabos,

mogamit siya sa maikugong mga pulong

apan ang dato hait ug sinultihan.

24May matang sa panaghigalaay nga#18:24 May matang sa panaghigalaay nga: Sa Hebreo, Makahimo ang usa ka tawo nga magmahigalaon apan. dili molungtad ug dugay,

apan may mga higala nga mas maunongon pa kay sa mga igsoon.

Currently Selected:

Mga Panultihon 18: RCPV

Highlight

Copy